香港專業及資深行政人員協會 hkpasea

Home
Hong Kong
Hong Kong
香港專業及資深行政人員協會 hkpasea

一個以關心社會公共政策、推動內地與香港經濟發展及專業交流的組織，以支持特區政府施政，共同建設一個更穩定和諧及具經濟活力的社會，為香港特區的長遠發展盡點綿力、發揮作用。

專資青年追夢計劃YEAP Page
Facebook: https://bit.ly/3y9WHeO
Instagram: https://www.instagram.com/hkpasea_yeap/

背景
香港自九七回歸以來，面對不少困難，然而在政府與巿民的努力，國家的支持及社會各界人士的團結合作下，問題均能相繼克服。香港的成功，除了是工商及社會各界人士的努力外，一些具有豐富知識與經驗的專業人士及資深行政人員亦擔當著十分重要的角色。有見及此，三十多位來自不同行業的專業人士及資深行政人員，遂於二零零六年九月成立一個以關心社會公共政策、推動內地與香港經濟發展及專業交流的組織，以支持特區政府施政，共同建設一個更穩定和諧及具經濟活力的社會，為香港特區的長遠發展盡點綿力、發揮作用。

宗旨
積極推動香港、內地、國際專業人士及資深行政人員的互相交流，提升專業水平。
就香港的政治、經濟、社會及民

生等政策向政府提供意見。對有利於香港的政策全力支持，對未完善的政策提出建議，共同創建一個和諧及進步的社會。
積極關心及參與國家建設，並促進祖國和平統一。

發展
為本港不同行業的專業人士及資深行政人員創造平台，增進與內地工商專業團體之連繫，加強專業及經貿合作，拓展商機。
就特區政府所推行的政策進行討論及研究，在有需要時提交意見。
加強與內地政府部門及政策研究單位之交流，幫助專業人士及資深行政人員了解國情，認識大中華區的營商環境及政經發展。

31/07/2026

活動回顧：第七屆「專資青年追夢計劃」泰國考察交流團簡介會
日期：2026.07.25

第七屆「專資青年追夢計劃」 - 泰國考察交流團簡介會喺7月25日舉行，由團長兼籌委會聯席主席譚雪欣理事、陸耀宗理事共同擔任主持，向學員詳細講解行程嘅細節同埋注意事項。

是次考察交流團嘅行程非常豐富，由榮譽顧問吳長勝會長率團，將會拜訪中華人民共和國駐泰王國大使館、香港駐曼谷經濟貿易辦事處、泰國中國企業總商會、華為泰國公司、港資企業Lalamove泰國總部，亦都會去參觀中建三局承建嘅泰國BDC數據QHI01項目、泰國房地產公司Noble Development同港資企業合資嘅項目。

今屆計劃嘅主題喺「十年後的我：RCEP無界線共贏創盛典」，而泰國本身就喺RCEP最重要嘅成員經濟體之一。學員都非常期待即將到來嘅泰國之旅，紛紛舉手發問。期望學員到時可以藉住唔同嘅拜訪同埋參觀活動，實地考察交流，深入了解RCEP點樣為泰國同香港帶來新嘅機遇，進而思考同埋定位自身嘅未來發展之路，搵到「追夢」嘅方向。

#專資會 #專資青年追夢計劃 #青年追夢計劃 #第七屆專資青年追夢計劃 #十年後的我 #泰國 #考察團 #簡介會
IG 專頁：http://www.instagram.com/HKPASEA
－－－－－－－－－－－－－－－－－－
記得要Like定我哋專頁，並且按Like 下面三點[...] 然後喺Follow setting 位置選擇 'Favorites'，咁先會率先睇到專頁消息架！
香港專業及資深行政人員協會 www.hkpasea.org

30/07/2026

【活動回顧：「與司˙局長有約」分享會】
主講嘉賓：政制及內地事務局局長謝小華女士, GBS, JP
日期：2026.07.22

對接國家「十五五」規劃嘅首份「香港五年規劃」具有重大意義，為香港未來五年嘅經濟和社會發展指明方向，對香港發展影響深遠。政制及內地事務局局長謝小華女士, GBS, JP於7月22日出席由本會舉辦嘅「與司˙局長有約」分享會，與會員分享局方主責統籌香港五年規劃嘅相關工作。

謝小華提到，今次係香港首次展開五年規劃，對香港嘅未來以及如何融入國家發展係重要一步。香港喺定位自身五年規劃時要有原則，首先喺「一國兩制」下必須發揮好國際化優勢，做好「引進來，走出去」嘅超級聯繫人與超級增值人角色，也要配合香港嘅安全發展，以及聚焦自身有競爭力與優勢嘅方向。國家「十五五」規劃下嘅戰略性、方向性產業為香港帶來不少機遇，並形容現時處於尋寶時間，應找出即將獲得紅利嘅發展機遇，而「港澳專章」為未來發展給予定位，規劃時要思考未來5年喺有關定位中應該抓緊嘅重點。五年規劃對香港而言係契機，當中涉及不少改變，相信只要努力做好五年規劃，未來將會迎來「黃金 50年」。

本會一直積極就香港嘅政治、經濟、社會及民生等政策向政府建言獻策，適逢政府現正就五年規劃展開公眾諮詢，故會上亦向局長分享早前所收集有關香港五年規劃嘅建議，涵蓋加快北部都會區建設等範疇。交流環節由全國政協經濟委員會副主任容永祺創會會長主持，佢亦分享鞏固與提升香港國際金融中心地位、推動「保險通」等建議。全國人民代表大會港區代表胡曉明前會長亦分享咗有關區域合作發展、建設國際專上教育樞紐等建議，利用香港國際化嘅專業服務優勢，服務國家發展。其他本會代表則分享咗有關以「破舊立新」思維規劃北部都會區、加快國際創新科技中心建設、深化大灣區醫療融合等建議。

吳長勝會長感謝局長嘅分享，並提到相信喺局長嘅帶領下，政制及內地事務局將會做好統籌工作，聯同其他決策局攜手制定五年規劃，協助特區政府主動對接國家「十五五」規劃帶給香港嘅龐大機遇，推動香港更好融入和服務國家發展大局。本會雲集來自不同專業界別嘅精英，今次分享有助眾人進一步深入了解政府嘅相關工作，未來亦會繼續集合各方力量，協助政府推展香港五年規劃。

#香港專資會 #專資會 #活動回顧 #謝小華 #香港五年規劃 #政制及內地事務局
IG 專頁：http://www.instagram.com/HKPASEA
－－－－－－－－－－－－－－－－－－
記得要Like定我哋專頁，並且按Like 下面三點[...] 然後喺Follow setting 位置選擇 'Favorites'，咁先會率先睇到專頁消息架！
香港專業及資深行政人員協會 www.hkpasea.org

29/07/2026

【活動回顧：聯合會議 — 討論：香港首個五年規劃與2026施政報告】
日期：2026.07.13

特區政府正就香港首個五年規劃展開公眾諮詢，文件將清晰闡述香港喺未來五年嘅發展願景和策略方向，涵蓋經濟、產業、空間規劃、基建、綠色轉型，以及醫療、教育、房屋、福利、安老等民生福祉範疇。同時，特區政府亦就新一份施政報告展開公眾諮詢。香港首個五年規劃與2026年施政報告一脈相承，公眾諮詢同步進行，為方便會員就兩個主要議題同時或分開提出意見，政治及公共行政委員會及經濟事務委員會特別召開聯合會議，討論並整理和分析收集嘅意見，適當納入五年規劃和今年施政報告嘅建議書中。

是次會議由吳長勝會長、政治及公共行政委員會主席容永祺創會會長，聯同經濟事務委員會顧問李鏡波前會長及聯席主席梁廣灝副會長、施家殷副會長共同主持。一眾與會者喺會上踴躍發表意見，就香港五年規劃嘅六大範疇以及施政報告提出多項實質性建議。期望能集思廣益，協助本會向政府提供專業意見。

#香港專資會 #專資會 #香港五年規劃 #施政報告
IG 專頁：http://www.instagram.com/HKPASEA
－－－－－－－－－－－－－－－－－－
記得要Like定我哋專頁，並且按Like 下面三點[...] 然後喺Follow setting 位置選擇 'Favorites'，咁先會率先睇到專頁消息架！
香港專業及資深行政人員協會 www.hkpasea.org

28/07/2026

活動回顧：卓育菁莪-生涯規劃講座-總結會議及答謝晚宴
日期：2026.07.20

2025/26年度「卓育菁莪」中學生生涯規劃講座總結會議及答謝晚宴喺7月20日舉行，有大約40位擔任過學校講座嘅分享嘉賓出席。本會藉著當晚活動向各位嘉賓致以深切謝意，感謝各位嘉賓熱心支持青年發展，並大方分享寶貴的實務經驗。

為協助年輕人擴闊眼界，本會喺2013年推出「卓育菁莪」中學生生涯規劃講座計劃，按學生嘅興趣分享行業資訊與人生經驗，協助中學生掌握行業發展趨勢，提早為未來的升學與就業做好準備。

本會青年事務委員會「卓育菁莪」統籌小組召集人鍾志斌秘書長喺會上表示，今個年度參與嘅學校總數為11所，擔任分享嘉賓人數接近50人。佢特別多謝分享嘉賓積極參與本次活動，為學生提供專業指導，協助他們提早掌握行業動態。而今次出席活動嘅嘉賓，過去都曾擔任過學校講座的分享講者，佢哋喺會上均踴躍分享感受與心得，亦向專資會表達了許多寶貴的意見。

吳長勝會長致辭時，他感謝多位出席嘅會員及非會員踴躍提供寶貴嘅建議，並且多年來一直參與「卓育菁莪」計劃，支持咁有意義嘅講座活動。

#香港專資會 #專資會 #專資活動 #卓育菁莪 #中學生 #生涯規劃講座 #總結會議 #答謝晚宴

IG 專頁：http://www.instagram.com/HKPASEA
－－－－－－－－－－－－－－－－－－
記得要Like定我哋專頁，並且按Like 下面三點[...] 然後喺Follow setting 位置選擇 'Favorites'，咁先會率先睇到專頁消息架！
香港專業及資深行政人員協會 www.hkpasea.org

27/07/2026

活動回顧：第七屆「專資青年追夢計劃」演示及頒獎典禮
「十年後的我：RCEP無界線共贏創盛典」
日期：2026年7月11日

第七屆「專資青年追夢計劃」喺7月11日(星期六)舉行演示及頒獎典禮，我地好多謝吳長勝會長、黃偉雄前會長、鄺正煒上屆會長、周伯展副會長、籌委會聯席主席陸耀宗理事為我哋擔任演示嘅評判。當日聯同嘉賓、會員、學員有近110人一同參與，為第七屆計劃畫下圓滿的句號。

第七屆計劃一共招募咗超過100位年輕人參與，自2026年1月正式展開後，過去數月舉辦咗多場圍繞今屆主題「十年後的我：RCEP無界線共贏創盛典」嘅專題講座同參觀活動。在參與所有活動之後，學員需要以組別形式撰寫文字報告並進行演示，爭奪冠、亞、季軍優勝組別殊榮，同埋個人嘅表現突出獎。當日就一共有11位總成績最高的學員獲頒「表現突出獎」。

得獎者將咗有豐富獎金，更加會獲邀免費參加泰國考察交流團。考察交流團將會拜訪當地中國大使館、香港駐曼谷經貿辦等機構，亦會參觀中資同港資企業，了解年輕人喺海外嘅新發展、新機遇。

今次演示及頒獎典禮嘅嘉賓，除咗有大專院校及友好團體代表，大會更邀請到商務及經濟發展局陳百里副局長蒞臨出席。陳副局長勉勵學員要繼續裝備自己，發揮優勢，為香港的未來貢獻力量。佢亦都提到香港即將推出首個五年規劃，主動對接國家「十五五規劃」，年輕人具備敏鋭的市場觸覺、前瞻的國際視野，以及靈活的應變能力，相信憑藉堅持同努力，一定能夠喺本地以至海內外嘅舞台，開拓更加廣闊嘅發展空間，從而助力香港方方面面嘅發展。

容永祺創會會長亦勉勵年輕人，不論最終有冇獲獎，每一位「追夢」計劃嘅參加者都喺勝利者，佢哋所收獲到嘅廣闊新視野同體驗式學習，都未必可以喺學校或書本中得到。創會會長更加講，今年喺專資會20周年誌慶，協會20年來一直深耕細作，會員有來自不同界別、行業嘅專業人士、資深行政人員及學者。協會致力協助青年人認識國家同融入國家發展方向，期望學員多同會員交流，相信會對未來嘅生涯規劃有所幫助。

吳長勝會長感謝各界嘅支持，今年喺國家「十五五規劃」開局之年，香港特區政府亦正制定首個五年規劃及新一份施政報告，青年事務將喺一大重點。協會非常重視青年工作，「追夢」計劃喺其中一個旗艦項目，旨在幫助年輕人透過活動懂得如何自我裝備，及早定立奮鬥目標，擴闊其人際網絡及資源，並能多關心社會及世界時事，發揮領導才能、分析同思考能力。

現職保安助理經理(區域危機規劃及風險管理)的學員張祺聰喺冠軍組別成員之一，佢認為今次計劃令佢收獲彌足珍貴嘅團隊合作經驗，亦都感受到大家都有抱負，期待善用透過計劃所學所得之後，十年後可以去到點樣嘅新高度。其中一位表現突出獎得主，現職策略規劃及企業發展經理的學員黃信傑亦都話，佢有意喺區域貿易相關領域發展個人事業，計劃帶俾佢豐富嘅學習經歷，相信未來可以將成果學以致用。

籌委會聯席主席譚雪欣理事同陸耀宗理事就話，今次計劃嘅專題講座同埋參觀活動，都喺圍繞主題「十年後的我：RCEP無界線共贏創盛典」。期望學員可以深入了解RCEP，準確掌握香港嘅定位同埋可以喺當中所扮演嘅角色，把握機遇，裝備好自己，為未來做好準備。

#專資會 #專資青年追夢計劃 #青年追夢計劃 #第七屆專資青年追夢計劃 #十年後的我 #演示及頒獎典禮
IG 專頁：http://www.instagram.com/HKPASEA
－－－－－－－－－－－－－－－－－－
記得要Like定我哋專頁，並且按Like 下面三點[...] 然後喺Follow setting 位置選擇 'Favorites'，咁先會率先睇到專頁消息架！
香港專業及資深行政人員協會 www.hkpasea.org

18/07/2026

活動回顧：「卓育菁莪」中學生生涯規劃講座 – 基督教香港信義會宏信書院
日期：2026.7.3

「卓育菁莪」中學生生涯規劃講座喺7月3日於基督教香港信義會宏信書院舉行，邀請到8位嘉賓擔任講座嘉賓，包括：

- 無限工程(香港)有限公司副董事、本會理事麥鎮洸工程師
- 香港精神顧問中心醫學顧問、本會會員莊勁怡醫生
- 鴻鵠律師事務所資深律師、本會會員徐達銘律師
- EIL Company Ltd創辦人、本會會員江偉安先生
- 美銀證券董事、本會會員石英俊會計師
- 嘉信會計師事務所有限公司執業董事、本會會員尹天佑博士會計師
- 星展銀行執行董事兼首席資訊安全官、本會會員胡志偉先生
- 香港藝術交流協會會長張蔓婷女士

佢哋分別向大約202名中四至中五學生，分享工程、醫療服務、法律、創業、金融服務、會計及核數、創新科技、文化藝術等方面嘅經驗及行業發展。藉著各位嘉賓的精彩講解，同學們對相關行業有了更為具體和深入的了解。期盼是次活動所傳達的實用資訊，能為他們日後在規劃升學或尋找工作時，提供清晰且具參考價值的指南。

#香港專資會 #專資會 #專資活動 #卓育菁莪 #中學生 #生涯規劃講座 #基督教香港信義會宏信書院
IG 專頁：http://www.instagram.com/HKPASEA
－－－－－－－－－－－－－－－－－－
記得要Like定我哋專頁，並且按Like 下面三點[...] 然後喺Follow setting 位置選擇 'Favorites'，咁先會率先睇到專頁消息架！
香港專業及資深行政人員協會 www.hkpasea.org

08/07/2026

【活動回顧：「迎新Happy Hour交流派對VII」】
日期：2026.06.29

本會特別安排喺6月29日舉辦「迎新Happy Hour交流派VII」，期望有助加深新會員對本會及其他會員嘅認識，促進會員之間嘅交流與聯繫。

「迎新Happy Hour交流派對」為本會定期舉辦嘅活動，旨在推動會員之間嘅交流，期望各位會員可以與協會攜手推進會務發展。為咗令各位新會員可以更加認識協會，吳長勝會長亦簡單介紹咗協會喺研究及青年發展等方面嘅相關工作以及各項交流活動。喺活動上，本會亦向部分新會員頒發會員證書。

另外，喺自助晚餐期間，身兼交流及聯誼委員會副主席嘅鍾志斌秘書長，亦回顧咗新一屆理事會上任至今舉辦嘅一系列精彩活動，包括交流及聯誼活動、青年工作等。本會亦邀請到盧偉國前會長分享「從工業家到議員」嘅歷程，以及從音樂到烹飪嘅生活品味。盧偉國前會長先後提到自己從政以及成立香港經濟民生聯盟嘅原因等等，並提到兒時嘅各種經歷對自己人生嘅影響，更加將佢嘅職業以及喜好等等連接起來，令眾人獲益良多。

難得有機會可以聚首一堂，大家都盡情享受，更善用場內嘅卡拉OK音響設備在場一展歌喉，各位參加者喺活動結束之後亦都盡興而歸。

#香港專資會 #專資會 #活動回顧
IG 專頁：http://www.instagram.com/HKPASEA
－－－－－－－－－－－－－－－－－－
記得要Like定我哋專頁，並且按Like 下面三點[...] 然後喺Follow setting 位置選擇 'Favorites'，咁先會率先睇到專頁消息架！
香港專業及資深行政人員協會 www.hkpasea.org

07/07/2026

【活動回顧：與重慶市统戰部及新專聯代表團座談交流及晚宴】
日期：2026.06.04

去年10月舉辦嘅「重慶考察團2025」期間，本會曾與重慶市新的社會階層專業人士聯合會(新專聯)、重慶高新技術產業開發區管理委員會簽署合作協議，深化渝港兩地專業人士嘅交流協作。適逢重慶市统戰部李康副部長及新專聯代表團於6月訪港，為維繫彼此之間嘅緊密合作，本會喺6月4日特別舉行與重慶市统戰部及新專聯代表團座談交流及晚宴。

吳長勝會長、容永祺創會會長、鄺正煒上屆會長等多位理事會成員及會員，代表協會接待並參與座談交流。是次到訪代表團一行近20人，由重慶市委統戰部副部長李康、重慶市新專聯會長袁小彬帶領。

吳長勝會長表示，本會一直推動內聯外通，說好國家與香港故事，舉辦不同考察交流團進行交流，深入了解內地不同省市嘅最新發展情況，而且與重慶一直保持友好關係。佢又提到，香港與重慶的關係密切，合作空間廣闊，期待今次交流可以協助代表團進一步了解香港不同行業嘅發展情況、優勢，以及兩地嘅合作機遇，加強本會與重慶嘅聯繫，探討新發展格局下嘅合作領域，未來有更多交流機會。

雙方就法律協作、金融賦能及人才育成三大主題進行深入交流，分享不同行業嘅現狀、優勢及渝港合作商機。本會亦特別邀請咗龐寶林理事、譚雪欣理事以及陳鳳翔會員，分別就引入香港專業培訓與認證資源、共建渝港跨境法務直通車，以及助力企業赴港融資與出海進行分享。

#香港專資會 #專資會 #活動回顧 #重慶 #渝港合作
IG 專頁：http://www.instagram.com/HKPASEA
－－－－－－－－－－－－－－－－－－
記得要Like定我哋專頁，並且按Like 下面三點[...] 然後喺Follow setting 位置選擇 'Favorites'，咁先會率先睇到專頁消息架！
香港專業及資深行政人員協會 www.hkpasea.org

01/07/2026

【活動回顧：專資會「北部都會區及港深創新及科技園交流團」】
日期：2026年6月22日

北部都會區喺香港未來長遠發展嘅關鍵，本會特別喺6月22日(星期一)舉行「北部都會區及港深創新及科技園交流團」，由吳長勝會長、廖錦興副會長率團，同埋有房協主席凌嘉勤理事帶領同講解，一行20多人去到落馬洲河套地區的港深創新及科技園考察，其後更加去到大廈頂樓，俯瞰北都西面片區，全面了解北都嘅建設進度同產業佈局。

交流團第一站先嚟到港深創新及科技園，同負責人會面交流，聽取園區最新建設及招商嘅簡報。鄰近新皇崗口岸，有「一區兩園」優勢嘅港深創新及科技園聚焦六大產業，已經有多間國際知名及龍頭企業進駐，主要建築亦將於今年內完工。負責人強調，園區以地產賦能創科，目標喺打造具國際競爭力嘅創科生態圈，吸引全球創科企業及人才，成為粵港澳大灣區高質量發展核心引擎。交流團之後又參觀咗作為人才公寓嘅11號大樓。11號大樓設有獨特嘅階梯式建築佈局同深度融合智慧生活嘅科技方案，全方位支援企業及員工生活，喺園區嘅另一個獨特優勢及配套。

其後，喺房協主席凌嘉勤理事嘅協助安排下，交流團嚟到房協首個專用安置屋邨出租項目「樂翹都匯」樂翹樓嘅頂樓。會員居高臨下一覽區域全貌，親身感受北都的地理優勢及未來規劃潛力。凌嘉勤理事同時特別安排展板，詳細講解北都建設進度。「樂翹都匯」喺房協配合政府北都發展需要而興建嘅專用安置屋邨，鄰近屯馬線洪水橋站，未來更將加有北環線、港深西部鐵路，地理及交通優勢顯著。同時，附近土地大多已經整理成為棕地，未來將會釋放大量發展潛力。

會長吳長勝好多謝港深創新及科技園交流團嘅安排同凌嘉勤理事嘅帶領同講解。特區政府即將向立法會提交北都專屬法例草案，北都同時喺香港首個五年規劃諮詢文件嘅首要部分，今次交流團有助會員加深了解北都發展嘅最新情況。本會會繼續積極發揮專業優勢，建言獻策，支持特區政府施政，為香港長遠發展盡點綿力、發揮作用。

#香港專資會 #專資會 #專資活動 #北部都會區 #北都 #港深創新及科技園 #房協 #樂翹都匯 #樂翹樓
IG 專頁：http://www.instagram.com/HKPASEA
－－－－－－－－－－－－－－－－－－
記得要Like定我哋專頁，並且按Like 下面三點[...] 然後喺Follow setting 位置選擇 'Favorites'，咁先會率先睇到專頁消息架！
香港專業及資深行政人員協會 www.hkpasea.org

30/06/2026

今年是香港回歸祖國二十九周年，適逢國家第十五個五年規劃的開局之年，亦是香港邁向由治及興的關鍵之年，專資會定必與特區政府共同助力香港精準對接國家十五五規劃，把握時代機遇。

－－－－－－－－－－－－－－－－－－
記得要Like定我哋專頁，並且按Like 下面三點[...] 然後喺Follow setting 位置選擇 'Favorites'，咁先會率先睇到專頁消息架！
香港專業及資深行政人員協會 www.hkpasea.org

Address

Hong Kong

Telephone

+85236202918

Website

http://www.hkpasea.org/

Alerts

Be the first to know and let us send you an email when 香港專業及資深行政人員協會 hkpasea posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to 香港專業及資深行政人員協會 hkpasea:

Want your organization to be the top-listed Non Profit Organization in Hong Kong?