香港進食失調康復會 Hong Kong Eating Disorders Association - HEDA

香港進食失調康復會 Hong Kong Eating Disorders Association - HEDA Contact information, map and directions, contact form, opening hours, services, ratings, photos, videos and announcements from 香港進食失調康復會 Hong Kong Eating Disorders Association - HEDA, Non-Governmental Organization (NGO), 香港中環德輔道中161-167號香港貿易中心13樓1302-4室 Room 1302-4, 13th Floor, Hong Kong Trade Centre, 161-167 Des Voeux Road C, Central.

香港進食失調康復會於1999年10月30日正式成立，由姚繼石先生、一群患者、患者家人及熱心人士所發起的慈善機構。本會於2000年正式成為有限公司，並在香港註冊為免稅慈善機構
Website: www.heda-hk.org
IG: setyourbodyfreehk
Facebook: 香港進食失調康復會 Hong Kong Eating Disorders Association - HEDA
https://linktr.ee/setyourbodyfreehk

致所有正在陪伴子女對抗進食失調嘅父母：支援子女走出進食失調，係一條漫長但好有意義嘅路。作為家長，你嘅態度同相處方式，對佢哋嘅康復有好大影響㗎！以下係幾個與ED子女溝通方面嘅建議：- 避免經常提起食物、飲食、體重同磅數- 唔好不斷監察或者旁敲...
17/06/2026

致所有正在陪伴子女對抗進食失調嘅父母：

支援子女走出進食失調，係一條漫長但好有意義嘅路。作為家長，你嘅態度同相處方式，對佢哋嘅康復有好大影響㗎！

以下係幾個與ED子女溝通方面嘅建議：
- 避免經常提起食物、飲食、體重同磅數
- 唔好不斷監察或者旁敲側擊「今日食咗咩」「有冇食飽」
- 過度管制只會令子女更加抗拒同計較進食

要用同理心同耐心去聆聽。可以試下認真聽佢哋對自己身體同體重嘅感受，即使你唔認同，都唔好即刻批評或者否定。

你哋嘅陪伴同接納已經係最好嘅良藥。即使進度好慢，都唔使灰心。要記住康復需要時間，而家長嘅温柔同堅持，係子女好重要嘅支柱啊！

如果你係正在照顧ED子女嘅家人，歡迎 DM 我哋分享你而家嘅困難或感受。

#家長支援 #照顧者 #進食失調 #父母陪伴 #心理健康 #香港進食失調康復會

大家有冇睇過Emily in Paris? 原來女主角 Lily Collins 曾經喺現實生活中喺厭食症及暴食症之間掙扎咗好多年。Lily 喺自己嘅散文集 Unfiltered: No Shame, No Regrets, Just Me...
15/06/2026

大家有冇睇過Emily in Paris? 原來女主角 Lily Collins 曾經喺現實生活中喺厭食症及暴食症之間掙扎咗好多年。

Lily 喺自己嘅散文集 Unfiltered: No Shame, No Regrets, Just Me 入面剖白：佢嘅進食失調經歷係由青少年時期開始。當時父母離婚帶嚟巨大痛苦，加上自己同時做模特兒同演員，兩份工作都好注重外表，令佢感受到極大壓力。

佢話：「食飯唔再係開心嘅事，變咗係懲罰同任務。我成日覺得好攰、好煩躁，但又會因為自己瘦咗，所以覺得終於都有啲嘢係自己『控制到』。」

後來，經過漫長嘅掙扎及尋求幫助嘅舉動，Lily 一步一步走上康復之路。

佢而家依然會積極為ED發聲，特別係 Eating Disorder Awareness Week 期間，佢會喺 IG 呼籲大家多啲理解及關注ED。

佢亦曾經喺電影 To the Bone 入面，飾演一位患有進食失調症嘅女仔，用自己嘅經歷幫到好多同路人。

所以，即使係外表光鮮嘅明星，都可能默默承受巨大痛苦。但大家都有機會喺治療下康復㗎！而且分享故事、尋求幫助，都係打破沉默同污名嘅第一步！

你有冇睇過 Lily 嘅書或者電影To the Bone？最打動你嘅係邊部分？歡迎留言分享～

#進食失調 #康復故事 #香港進食失調康復會

其實點先算係真正嘅「暴食」（Binge）？天氣凍、聖誕新年聚餐食得多咗，算唔算係暴食？好多朋友（包括正在康復中嘅朋友仔）都曾經有過呢個疑問：「我啱啱食多咗，係咪要出事喇？」暴食（Binge Eating）唔係單單「食得多」咁簡單，而係：- ...
12/06/2026

其實點先算係真正嘅「暴食」（Binge）？

天氣凍、聖誕新年聚餐食得多咗，算唔算係暴食？
好多朋友（包括正在康復中嘅朋友仔）都曾經有過呢個疑問：「我啱啱食多咗，係咪要出事喇？」

暴食（Binge Eating）唔係單單「食得多」咁簡單，而係：
- 短時間內食遠比一般人多嘅份量
- 無法控制進食嘅衝動，明明已經好飽，但仍然停唔到口
- 食完之後通常會伴隨強烈嘅內疚、羞恥或者失控感

例如：食完一餐正常午飯之後，仲可以一口氣食幾份甜品、零食，甚至再食另一餐，覺得自己「停唔到」落嚟。

而以下嘅情況就唔係暴食：
- 天氣凍，身體需要更多能量保暖而覺得肚餓
- 節日聚餐好開心，所以食得多咗
- 長期限制飲食後，身體「還債」而食量增加，但依然識得因感飽餓感調節食量

呢啲都係身體正常嘅反應，尤其對康復中嘅朋友嚟講，當身體開始學習「正常飲食」時，食慾同食量暫時增加係好常見嘅恢復現象。

你有冇試過節日或者天凍時食得多，而內心會自責？歡迎留言分享！💬

#暴食 #進食失調 #飲食失調 #節日飲食 #身體正向 #自我慈悲 #香港進食失調康復會

【窩心分享 Giveaway】你有冇一啲窩心嘅說話想同自己或身邊嘅人講？活動目的：希望透過呢個活動，讓大家互相安慰同鼓勵，一齊學習對自己及他人多啲體諒。無論你而家係咪面對緊ED，都值得被温柔對待～參加步驟：1) Follow IG sety...
10/06/2026

【窩心分享 Giveaway】

你有冇一啲窩心嘅說話想同自己或身邊嘅人講？

活動目的：
希望透過呢個活動，讓大家互相安慰同鼓勵，一齊學習對自己及他人多啲體諒。無論你而家係咪面對緊ED，都值得被温柔對待～

參加步驟：
1) Follow IG setyourbodyfreehk 或 Facebook HEDAhk
2) like 呢個post
3) 喺Comment 欄位分享一句令你覺得窩心、被安慰嘅說話，可以係講比自己聽，亦都可以係講比身邊人聽。
例如：
「你已經好努力啦，慢慢嚟，冇人有資格要求你做到完美㗎！」
「辛苦曬你了，我會一直喺度陪住你～」

活動詳情：
日期：由 10/6/2026（下午1：00）至 24/6/2026 （中午12：00 ）
⭐️獎品：HEDA自家製御守 1 個

細則：
📍此活動僅限香港粉絲參與
📍Instagram及Facebook 將同步進行
📍得獎者會有專人通知領獎安排，請留意DM或inbox，如HEDA未能在指定時間內收到回覆，得獎者有機會被取消得獎資格。
📍如有任何爭議，HEDA擁有最終決定權

禮物數量有限，送完即止，大家快啲參加啦！

#窩心說話 #溫暖分享 #自我慈悲 #進食失調 #飲食失調 #心理健康 #香港進食失調康復會

好多人喺同ED對抗嘅過程中，都會經歷唔同嘅階段。明白呢個「改變階段 (Stages of Change)」，可以幫你或者身邊人更加了解自己而家嘅心情，同時明白每一步都好重要，唔使急住一步到位。以下係常見嘅進食失調階段：1. 思考前期（Pre...
08/06/2026

好多人喺同ED對抗嘅過程中，都會經歷唔同嘅階段。

明白呢個「改變階段 (Stages of Change)」，可以幫你或者身邊人更加了解自己而家嘅心情，同時明白每一步都好重要，唔使急住一步到位。

以下係常見嘅進食失調階段：

1. 思考前期（Pre-Contemplation）
完全否認有問題，或者覺得「我冇事」「控制飲食係我自己嘅事，唔需要人插手」。
呢個階段好常見，患者可能會覺得進食失調帶嚟嘅「好處」（例如控制體重、身形）大過壞處。

2. 思考期（Contemplation）
開始意識到有問題，內心好掙扎：「我想改變，但又驚體重上升…」
呢種矛盾嘅心情（ambivalence）好正常，好多患者都會喺呢個階段徘徊一段時間。

3. 準備期（Preparation）
決定要改變，並開始有行動，例如上網搵資料、願意同人傾訴、或者搜尋求助渠道。

4. 行動期（Action）
正式展開治療，開始改變飲食行為、思想同習慣。
雖然會有想返轉頭嘅衝動，但都會有明顯嘅康復進度。

5. 維持期（Maintenance）
已經建立咗新習慣，努力將健康飲食行為融入日常生活。
ED思想同衝動會減少，但仍會有復發（relapse）情況。

6. 終止階段（Termination）
進食失調嘅模式已經好少出現，並對自己有信心。無論遇到咩壓力，都可以儘量以健康嘅心態應對。

康復之路好少係一帆風順，好多人會喺階段之間來來回回。
但要記住每一次嘅復發都係一個學習、進步嘅階段，唔需要覺得自責或覺得自己冇用的。

肯踏出第一步，已經好勇敢，好叻㗎啦！ 💪🏻

#改變階段 #世界進食失調行動日 #世界飲食失調行動日 #心理健康 #香港進食失調康復會

及早介入同接受適切治療可以大大提升康復機會，同埋減少對身體及心理嘅傷害。另外，其實治療進食失調症係需要多管齊下，接受唔同方面嘅治療㗎：臨床心理學家 / 輔導員：一般治療目的主要為協助患者回復健康體重、減少暴食及補償行為、增強患者對轉變之動力...
04/06/2026

及早介入同接受適切治療可以大大提升康復機會，同埋減少對身體及心理嘅傷害。

另外，其實治療進食失調症係需要多管齊下，接受唔同方面嘅治療㗎：

臨床心理學家 / 輔導員：一般治療目的主要為協助患者回復健康體重、減少暴食及補償行為、增強患者對轉變之動力、建立自信、情緒管理及問題處理技巧等。

註冊營養師：幫你制定安全、可行嘅飲食計劃，逐步重拾正常進食習慣，減少恐懼同壓力。

精神科醫生：如果有需要，會用藥物幫助控制抑鬱、焦慮或強迫症狀。

醫生或其他專科：監察身體健康問題（例如心率、骨質密度、電解質等）。

家人支援：尤其係年輕患者方面，家人參與治療好重要㗎！

治療唔單止係醫病，更重要嘅係重建與食物、與自己、與身體嘅健康關係！

#世界進食失調行動日 #世界飲食失調行動日 #心理健康 #及早求助 #香港進食失調康復會

今日（6月2日）係世界進食失調行動日 World Eating Disorders Action Day，目的係想提高大眾對進食失調症嘅認識，同時亦想為受影響嘅人發聲。社會上，好多人仍然對進食失調症存在誤解或標籤，會以為：進食失調只係一種「...
02/06/2026

今日（6月2日）係世界進食失調行動日 World Eating Disorders Action Day，目的係想提高大眾對進食失調症嘅認識，同時亦想為受影響嘅人發聲。

社會上，好多人仍然對進食失調症存在誤解或標籤，會以為：
進食失調只係一種「生活方式嘅選擇」
減肥節食只係生活中一件好正常嘅事
只會影響屋企有錢、正經歷青春期嘅女仔
ED好容易克服，食多啲嘢就會好返
一定要好瘦先算係患有厭食症
患者係為咗虛榮或者博關注
只係一個階段，長大後就會自然康復

但其實...
進食失調症係一種嚴重嘅精神健康及身心疾病，並唔係因為個人意志薄弱或缺乏自制力。佢亦都有機會影響任何性別、年齡、種族、職業、身型及社會背景嘅人。背後會關係到複雜嘅生理、心理同社會因素。

但同時，喺正確嘅支援、治療同理解下，都有好多人一步一步咁走返出嚟！

如果你身邊有人正在面對進食失調症，希望你可以做到多啲理解、少啲批判、並願意傾聽佢哋嘅經歷。
你有冇曾經對進食失調症有過誤解？歡迎留言分享～💬

#世界進食失調行動日 #世界飲食失調行動日 #打破污名 #心理健康 #香港進食失調康復會

你有冇試過被其他人嘅情緒壓到唞唔到氣？其實，有時我哋處理自己嘅情緒都已經要花好多心力，真係好攰！當別人同我訴苦，我係咪一定要同佢有同樣嘅感受？我係咪有責任令佢開心返？希望大家知道，你冇義務承擔別人嘅事。喺自己舒服嘅情況下，幫到他人處理佢哋嘅...
29/05/2026

你有冇試過被其他人嘅情緒壓到唞唔到氣？

其實，有時我哋處理自己嘅情緒都已經要花好多心力，真係好攰！當別人同我訴苦，我係咪一定要同佢有同樣嘅感受？我係咪有責任令佢開心返？

希望大家知道，你冇義務承擔別人嘅事。喺自己舒服嘅情況下，幫到他人處理佢哋嘅情緒問題，當然係件好事。但同時我哋要設定界限，擁有自己嘅情感空間，對你嘅身心健康先係至關重要的！


#設定界限
#不要被別人的情緒影響

上次講咗IU嘅ED康復故事，今次想同大家分享吓IU《Celebrity》嘅歌詞。喺製作花絮，IU 分享咗呢首歌嘅創作理念：「我哋經常因為同人哋唔一樣而被疏遠、被指責……但其實呢啲不同，正係令我哋變得獨特同有價值嘅地方。」《Celebrity...
27/05/2026

上次講咗IU嘅ED康復故事，今次想同大家分享吓IU
《Celebrity》嘅歌詞。

喺製作花絮，IU 分享咗呢首歌嘅創作理念：「我哋經常因為同人哋唔一樣而被疏遠、被指責……但其實呢啲不同，正係令我哋變得獨特同有價值嘅地方。」

《Celebrity》歌詞中：
「別忘了，你是在混濁黑暗之中用左手描繪出的一顆星星
看見了嗎？那獨一無二，有多麼的美麗」

如果用慣右手寫字，用左手畫嘅星星一定會歪嚟歪斜、唔完美；
但正正就係呢份唔完美，成就咗佢嘅獨一無二。

IU用自己嘅經歷話比我哋聽：
要接納自己嘅獨特，擁抱唔完美嘅自己，先至係真正發光嘅力量～ 💛✨
（想重溫 IU 的康復故事？可睇返我哋上一個post～）

#李知恩 #不完美之美 #自我接納 #身體正向 #獨一無二 #進食失調康復 #心理健康 #自我價值 #香港進食失調康復會

IU 點樣走出焦慮同進食失調？大家鍾唔鍾意韓星 IU？ 由「國民妹妹」到 K-pop 天后，佢喺螢光幕前永遠都展現住甜美及堅強嘅一面，但私底下，佢其實都曾經歷過嚴重嘅焦慮症同暴食症。 15歲出道之後，面對住巨大嘅壓力同外貌評論下，IU ...
25/05/2026

IU 點樣走出焦慮同進食失調？
大家鍾唔鍾意韓星 IU？

由「國民妹妹」到 K-pop 天后，佢喺螢光幕前永遠都展現住甜美及堅強嘅一面，但私底下，佢其實都曾經歷過嚴重嘅焦慮症同暴食症。

15歲出道之後，面對住巨大嘅壓力同外貌評論下，IU 曾經極端節食。佢曾經分享過自己嘅極端飲食計劃：一日淨係食一個蘋果、兩個紅薯同蛋白飲品。之後，呢個飲食計劃被粉絲仿效，改咗個名叫「IU 飲食法」，並成為咗twitter （現為X）上嘅流行挑戰。

後來IU因極端節食而陷入惡性循環。佢焦慮嗰陣會暴飲暴食，然後催吐。因此，佢長期都喺食同嘔之間掙扎，同時亦深深自我憎恨。
2014 年，她喺節目《Healing Camp》度首次勇敢公開自己嘅進食失調經歷。 佢提到自己喺嗰段時間感到極度焦慮、懷疑同埋憎恨自己。

幸好佢後來選擇尋求專業協助，同時開始用寫日記嘅方式嚟照顧身心、調整飲食習慣。佢亦同好友李孝利一齊做瑜伽，並學習慢慢咀嚼同埋享受食物。

有一次演唱會，IU同fans講，佢近排聽到有人話佢重咗。有個fans隨即大聲嗌：「咩重咗啊！？」。之後，呢段影片喺網上瘋傳，因為成個場面好搞笑。但同時，呢個片段亦成為咗IU呢10年職業生涯內最難忘嘅時刻，因為呢位粉絲令佢明白：體重只係一個指標，唔好將自己嘅體重睇得太重，最重要嘅係身心健康～

如今嘅 IU，已經學識用更健康嘅方式去面對壓力同佢嘅身體。佢唔再盲目咁追求快速瘦身，而係注重均衡飲食、運動同心理健康。

恢復之路從來都唔容易，但尋求幫助、自我接納、培養健康嘅習慣，真係可以幫助大家慢慢走返出嚟。

你最鍾意 IU 邊首歌？ 或者，你從佢嘅故事得到咩啟發？歡迎留言分享～

#李知恩 #進食失調 #暴食症 #飲食失調康復 #焦慮症 #心理健康 #身體正向 #自我接納

Address

香港中環德輔道中161-167號香港貿易中心13樓1302-4室 Room 1302-4, 13th Floor, Hong Kong Trade Centre, 161-167 Des Voeux Road C
Central

Opening Hours

Monday 09:00 - 18:00
Tuesday 09:00 - 18:00
Wednesday 09:00 - 18:00
Thursday 09:00 - 18:00
Friday 09:00 - 18:00

Telephone

+85221445757

Website

Alerts

Be the first to know and let us send you an email when 香港進食失調康復會 Hong Kong Eating Disorders Association - HEDA posts news and promotions. Your email address will not be used for any other purpose, and you can unsubscribe at any time.

Shortcuts

Share

Category