IIA Georgia

26/05/2026

🇬🇪 26 მაისი - საქართველოს დამოუკიდებლობის დღე!
თავისუფლების, პასუხისმგებლობისა და ძლიერი ინსტიტუტების სიმბოლო. გილოცავთ!

✨ დამოუკიდებლობა არ არის მხოლოდ ისტორიული მოცემულობა - ეს არის ყოველდღიური არჩევანი, რომელიც უმაღლეს პასუხისმგებლობას, გამჭვირვალობას, სიმტკიცესა და უწყვეტ განვითარებას მოითხოვს.

როგორც ძლიერი სახელმწიფოს შენება წარმოუდგენელია გამართული, გამჭვირვალე და ანგარიშვალდებული ინსტიტუტების გარეშე, ისე ჩვენი პროფესიული საქმიანობაც სწორედ ამ ფუნდამენტურ ფასეულობებს ეფუძნება.

🎉IIA საქართველოს გუნდი გილოცავთ საქართველოს დამოუკიდებლობის დღეს!
ერთად შევქმნათ ძლიერი, ანგარიშვალდებული და პროფესიულად გამართული საზოგადოება.🤝🇬🇪

#26მაისი #დამოუკიდებლობისდღე #შიდააუდიტი #პროფესიულიდამოუკიდებლობა #ინსტიტუციურიძლიერება

📸Anzor Mekhrishvili

21/05/2026

🚀 მონაცემთა ანალიტიკა: შიდა აუდიტის ახალი სტანდარტი

📊 მონაცემთა სირთულისა და მოცულობის ზრდის ფონზე, ტრადიციული აუდიტი აღარ არის საკმარისი. დღეს აუცილებელია მონაცემთა მართვის ცოდნა და ანალიტიკური ინსტრუმენტების გამოყენება, რათა რისკების იდენტიფიცირება უფრო სწრაფი და ზუსტი გახდეს.

🎓 რატომ მონაცემთა ანალიზი?
🔹 სრული დაფარვა ნაცვლად მცირე შერჩევებისა;
🔹 რისკებისა და ანომალიების ადრეული იდენტიფიცირება;
🔹 აუდიტის ეფექტურობისა და სტრატეგიული ღირებულების ზრდა.

🌟 პროფესიის ამ გამოწვევებთან გასამკლავებლად, შიდა აუდიტორთა საერთაშორისო ინსტიტუტმა გამოუშვა გლობალური პრაქტიკის ორი ახალი სახელმძღვანელო (Global Practice Guides) და დამხმარე ინსტრუმენტი, რომლებიც დაგეხმარებათ:
✅ გაიღრმავოთ ანალიტიკური ცოდნა;
✅ ჩამოაყალიბოთ მონაცემებზე დაფუძნებული აუდიტის უნარ-ჩვევები;
✅ შეაფასოთ თქვენი ანალიტიკური სიმწიფე.

🔗 IIA საქართველოს წევრებისთვის ეს მასალები უფასოდაა ხელმისაწვდომი!
იხილეთ ბმული და გამოიყენეთ გლობალური ცოდნა თქვენი საქმიანობის გასაძლიერებლად👇
https://www.theiia.org/en/content/data-analytics/global-guidance/internal-audit-resources/

#შიდააუდიტი #მონაცემთაანალიზი #პროფესიულიგანვითარება

18/05/2026

🌏 შემოუერთდით წლის მთავარ მოვლენას: IIA-ის საერთაშორისო კონფერენცია სინგაპურში!

⏳ რეგისტრაციის დასრულებამდე სულ უფრო ცოტა დრო რჩება! არ გაუშვათ შესაძლებლობა, გახდეთ საერთაშორისო კონფერენციის მონაწილე - დაესწარით ღონისძიებას სინგაპურში ან დისტანციურად!

🤝თუ თქვენი საქმიანობა რისკების მართვის, მმართველობისა და თანამედროვე ტექნოლოგიების გარშემო არსებულ გამოწვევებს უკავშირდება, ეს სწორედ ის ადგილია, სადაც ახალი პერსპექტივები იკვეთება და სტრატეგიული გადაწყვეტილებები ყალიბდება. გახდით 100-ზე მეტი ქვეყნის პროფესიონალთა გლობალური გამოცდილების გაზიარების ნაწილი!

რას გთავაზობთ ?
🔹 სოციალური ნეთვორქინგი: დაუვიწყარი საღამოები კოლეგებთან არაფორმალურ გარემოში მოსაზრებების გასაცვლელად.
🔹 CAE Pathway: ექსკლუზიური ფორმატი, რომელიც სპეციალურად შიდა აუდიტის ხელმძღვანელებისა და CAE-ებისთვისაა შექმნილი (მონაწილეთა რაოდენობა შეზღუდულია 200 ადგილამდე).
🔹 Vision University: სპეციალური საგანმანათლებლო პროგრამა მოქმედი და მომავალი CAE-ებისთვის.
🔹 ხელოვნური ინტელექტი და მომავალი: კონფერენციის დასკვნითი ნაწილი დაეთმობა ბრედ მონტერიოსა (IIA გლობალის აღმასრულებელი ვიცე-პრეზიდენტი) და მსოფლიოში ცნობილი რობოტი სოფიას გამოსვლას. ისინი მიმოიხილავენ AI-ს, ნდობისა და ადამიანური თანამშრომლობის პერსპექტივებს.

🎓 მნიშვნელოვანი დეტალები:
📅 თარიღი: 22-24 ივნისი.
📊 შესაძლებლობა გაქვთ, დააგროვოთ 39- მდე IIA CPE კრედიტი.

გაეცანით პროგრამას და დარეგისტრირდით დღესვე: 👉 https://loom.ly/82-9aRk

#შიდააუდიტი #პროფესიულიგანვითარება

The IIA’s 2026 International Conference brings together internal auditors, leaders, and influencers from more than 100 countries for a truly global learning and networking experience. Attendees will engage in immersive education, practical solutions, and forward-looking insights designed to addres...

13/05/2026

IIA საქართველოს წევრი ხართ? - მაშინ მოინიშნეთ კალენდარში 2 ივნისი!✨

📅 2 ივნისს, თბილისში გაიმართება საქართველოს შიდა აუდიტორთა ინსტიტუტის წევრების პირველი შეკრება.

ეს მნიშვნელოვანი ეტაპია ჩვენი პროფესიული საზოგადოების განვითარებისთვის - შესაძლებლობა, პირადად გავიცნოთ ერთმანეთი, გაგიზიაროთ ინსტიტუტის ხედვა და სამომავლო გეგმები, ასევე ერთად განვსაზღვროთ ის მიმართულებები, რომლებიც ყველაზე მეტად შეუწყობს ხელს შიდა აუდიტის პროფესიის განვითარებას საქართველოში.

📌 გთხოვთ, გაითვალისწინოთ, შემდეგი:

🔹 ღონისძიების "Save the Date" წერილს და სარეგისტრაციო ბმულს მიიღებს ის, ვინც 22 მაისის მდგომარეობით იქნება IIA საქართველოს წევრი.

🔹 თუ ჯერ არ ხართ წევრი, გსურთ შემოუერთდეთ ჩვენს გუნდს და დაესწროთ ამ შეხვედრას, გაწევრიანების პროცედურა უნდა დაასრულოთ 22 მაისამდე:
🔗 https://www.theiia.org/en/chapters/international/georgia/

🔹 თუ უკვე ხართ ინსტიტუტის წევრი და არ მიგიღიათ ელფოსტაზე შეტყობინება, გთხოვთ, მოგვწეროთ პირად შეტყობინებაში (DM).

🤝 ველით თქვენთან შეხვედრას და ერთად ძლიერი პროფესიული საზოგადოების ჩამოყალიბებას!

#შიდააუდიტი

Connect with the IIA Georgia Chapter to support internal audit professional development, local networking, and continuing education.

12/05/2026

✨ მოხარული ვარ გაგეცნოთ - მე ვარ თამარ ისაკაძე, საქართველოს შიდა აუდიტორთა ინსტიტუტის თანადამფუძნებელი და მმართველი საბჭოს წევრი. 16 წელზე მეტია, რაც რისკებისა და შიდა აუდიტის სფეროში ვმუშაობ. ამ წლებმა ერთი მთავარი რამ მასწავლა: გამჭვირვალობა და ეთიკა მხოლოდ მაშინ მუშაობს, როცა ის ფურცლიდან ყოველდღიურ პრაქტიკაში გადადის - სწორედ ეს არის ის მთავარი ღირებულება, რომელსაც IIA საქართველოს დაფუძნებით ვემსახურებით.

🏛️ინსტიტუტში ჩემი ძირითადი პასუხისმგებლობა ხაზინადარობაა. ვცდილობ, ჩვენი ორგანიზაციის ფინანსური საძირკველი ისეთივე გამჭვირვალე და მყარი იყოს, როგორსაც ჩვენ, შიდა აუდიტორები, სხვებისგან მოვითხოვთ😊. ამ ადმინისტრაციულ როლთან ერთად, კოლეგებთან ერთად აქტიურად ვარ ჩართული იმ პროფესიული ეკოსისტემის მშენებლობაში, სადაც საერთაშორისო გამოცდილება და ადგილობრივი ენთუზიაზმი ერთმანეთს აძლიერებს.

🔄 ჩემი საქმიანობის ერთ-ერთი ყველაზე საყვარელი ნაწილი ტრენერობა და ცოდნის გაზიარებაა. მჯერა, რომ გამოცდილების გაცვლა ორმხრივი პროცესია - როდესაც ასწავლი, თავადაც ბევრს სწავლობ, შედეგად კი მთელი პროფესიული გარემო ძლიერდება. საერთაშორისო სტანდარტების პრაქტიკაში გაცოცხლება ჩემთვის ყველაზე დიდი პროფესიული კმაყოფილებაა.

🧩 ამ ხედვას პერსონალური ინტერესებიც ავსებს. ფსიქოლოგია მეხმარება ადამიანური მოტივების ამოცნობაში, რაც რთული პროცესების მართვისას აუცილებელია. ხოლო ძველი ნივთების რესტავრაცია მუდმივად მახსენებს, რომ არაფერია შეუძლებელი, როცა არსებულის გაუმჯობესებისა და განახლების სურვილი გაქვს. ჩემთვის ეს გატაცებები და პროფესიული საქმიანობა ერთ წერტილში იკვეთება: დავინახო რესურსის პოტენციალი და სტანდარტების დაცვით გარდავქმნა ის ხარისხიან, გრძელვადიან შედეგად.

🚀 მოუთმენლად ველი იმ საინტერესო გზას, რომელსაც IIA საქართველოს გუნდთან და პროფესიულ საზოგადოებასთან ერთად გავივლით!

#შიდააუდიტი

08/05/2026

📢 სიახლე COSO-ისგან: სამეთვალყურეო საბჭოს ზედამხედველობის გაძლიერება კომპლექსურ გარემოში.

🔄 კორპორაციული მართვა მუდმივად ვითარდება, ვინაიდან სამეთვალყურეო საბჭოებს სულ უფრო რთულ რისკებთან, ახალ ტექნოლოგიებთან და დაინტერესებული მხარეების მზარდ მოლოდინებთან გამკლავება უწევთ.

📄 COSO-ისა და PwC-ის ახალი სახელმძღვანელო დოკუმენტი, რომელიც შიდა აუდიტორთა საერთაშორისო ინსტიტუტის (The IIA) მხარდაჭერით მომზადდა, გვთავაზობს პრაქტიკულ ჩარჩოს, რომელიც ეხმარება საბჭოებს შეაფასონ, რამდენად შეესაბამება მათი მართვის სტრუქტურა და ზედამხედველობის პრაქტიკა თანამედროვე გამოწვევებს.

📑 დოკუმენტში მოცემულია 12 სახელმძღვანელო პრინციპი ისეთ საკვანძო სფეროებში, როგორიცაა:

🔹 საბჭოს სტრუქტურა და ანგარიშვალდებულება;
🔹 კორპორაციული კულტურა;
🔹 ტექნოლოგიური ზედამხედველობა და რისკების მართვა.

🔍 შიდა აუდიტის როლი ამ პროცესში კრიტიკულია: მტკიცე კორპორაციული მართვა რისკებისა და კონტროლის გარემოს მკაფიო ხედვას ეფუძნება. შიდა აუდიტი კი უზრუნველყოფს საბჭოს იმ საჭირო ინფორმაციით, რაც აუცილებელია ობიექტური და გამჭვირვალე ზედამხედველობისთვის.

👇 დოკუმენტი იხილეთ ბმულზე, პირველ კომენტარში

#შიდააუდიტი #კორპორაციულიმართვა

05/05/2026

ერთი პროფესია და მთელი თვე იმის საჩვენებლად, თუ რა არის რეალურად შიდა აუდიტი -. მაისი შიდა აუდიტის თვეა! ✨

ძვირფასო კოლეგებო, გილოცავთ პროფესიულ თვეს! 🎉

მაისში შიდა აუდიტორები მთელ მსოფლიოში აქტიურად საუბრობენ პროფესიის არსზე, გამოწვევებსა და ორგანიზაციისთვის შექმნილ ღირებულებაზე.

ამ დღესთან დაკავშირებით, IIA ინსტიტუტმა თქვენთვის სპეციალური პრაქტიკული bმასალები (Toolkit) მოამზადა. ეს რესურსები დაგეხმარებათ:

📢 პროფესიის ცნობადობის გაზრდაში - გააცანით კოლეგებს შიდა აუდიტის რეალური მნიშვნელობა - როგორც სანდო მრჩეველი და პარტნიორი;

🏢 კორპორაციული მართვის გაძლიერებაში - დაგეგმეთ ვორქშოფები და დისკუსიები რისკების მართვის კულტურის ასამაღლებლად;

🤝 უკუკავშირის წახალისებაში – შექმენით ღია სივრცე თანამშრომლების მოსაზრებების გაზიარებისა და რეკომენდაციების მისაღებად.

წელს IIA საქართველო პირველად უერთდება შიდა აუდიტორთა ცნობიერების თვის აღნიშვნას! 🇬🇪

თვალი ადევნეთ ჩვენს გვერდს, წინ საინტერესო აქტივობები გელით!

ჩამოტვირთეთ მასალები და ჩაერთეთ საერთაშორისო კამპანიაში!📥

მასალებთან დაკავშირებით დეტალების სანახავად იხილეთ ბმული პირველ კომენტარში 👇

#შიდააუდიტი

01/05/2026

მაისი – შიდა აუდიტის თვეა! ✨

ამასთან დაკავშირებით, შიდა აუდიტორთა ინსტიტუტი (IIA) მაისის თვეში წევრებს 20%-იან ფასდაკლებას გთავაზობთ.

ფასდაკლება ვრცელდება გამოცდისთვის ახალი განაცხადისა და რეგისტრაციის საფასურზე შემდეგი სერტიფიკატებისთვის:
🔹Certified Internal Auditor® (CIA®)
🔹Certification in Risk Management Assurance® (CRMA®)
🔹Internal Audit Practitioner™ (IAP™)

📌 როგორ გამოიყენოთ შეთავაზება:
🔹უნდა შეხვიდეთ CCMS სისტემაში
🔹შეავსოთ განაცხადი ან დარეგისტრირდეთ გამოცდაზე
🔹გადახდისას მიუთითოთ პრომო კოდი: May20%

⚠️ მნიშვნელოვანია გაითვალისწინოთ:
🔹IIA წევრობა უნდა გქონდეთ სტატუსით - აქტიური
🔹გამოცდის რეგისტრაცია უნდა გამოიყენოთ 180 დღის განმავლობაში

💡 ეს არის შესაძლებლობა გადადგათ ეფექტიანი ნაბიჯი თქვენს პროფესიულ განვითარებაში.

ფასდაკლებასთან დაკავშირებით დეტალების სანახავად იხილეთ ბმული პირველ კომენტარში 👇

28/04/2026

მოხარული ვარ გაგეცნოთ IIA საქართველოს წარმომადგენლობის საბჭოს წევრად - მე ვარ თაია ცისკარაული.

როდესაც პირველად შევიტყვე ამ ინიციატივის შესახებ და მივიღე შეთავაზება ამ პროცესში ჩართვაზე, დიდი სიხარულით დავთანხმდი. ამისთვის სამი მთავარი მიზეზი მქონდა:
🤝თავად ინიციატორთა გუნდი, რომელთა შემართებამ და პროფესიონალიზმმა თავიდანვე დამარწმუნა საქმის წარმატებაში;
🎓 ეს იყო ჩემი 14-წლიანი აუდიტორული პრაქტიკის ბუნებრივი გაგრძელება; და
🌎 CIA სერტიფიცირება გავლილი მქონდა და ზუსტად ვიცოდი, რა ღირებულებას მოუტანდა ჩვენს პროფესიას საქართველოში IIA-ის შემოსვლა.

ჩემთვის ეს პროფესია ნიშნავს ნდობის გაძლიერებას ბიზნესსა და საჯარო მმართველობაში, ორგანიზაციული მმართველობის მუდმივ გაუმჯობესებას, უფრო ეფექტურ გადაწყვეტილებებს და შედეგად, მეტ საზოგადოებრივ სარგებელს.

ინსტიტუტში ჩემი ძირითადი პასუხისმგებლობაა - მარკეტინგული სტრატეგიისა და ღონისძიებების ეფექტური მართვა. ამ როლში პირველად ვარ, მაგრამ აუდიტორის ცხოვრება მუდმივად სავსეა სიახლეებით და გამოწვევებით😊

​ამ მიმართულებით ჩვენი მიზანია:
🔹გაიზარდოს შიდა აუდიტის პროფესიის ცნობადობა საზოგადოებაში;
🔹შეიქმნას ცოდნის გაზიარების ერთგვარი პლატფორმა, რომელიც უპასუხებს პროფესიაში არსებულ თანამედროვე გამოწვევებს;
🔹ჩამოყალიბდეს ერთიანი და ძლიერი პროფესიული გაერთიანება;
🔹მოხდეს წევრების საჭიროებების ანალიზი და მათზე მორგებული აქტივობების შემუშავება.

​მჯერა, საერთაშორისო და ადგილობრივი გამოცდილების გაერთიანება საშუალებას მოგვცემს, შევქმნათ ახალი შესაძლებლობები, რომლებიც კიდევ უფრო გააძლიერებს ჩვენს პროფესიულ საზოგადოებას და შიდა აუდიტის სფეროს განვითარების ახალ ეტაპზე გადაიყვანს.

Taia Tsiskarauli

#შიდააუდიტი

23/04/2026

მიხარია, რომ მაქვს შესაძლებლობა გაგეცნოთ - მე თამარ დავითაია ვარ, საქართველოს შიდა აუდიტორთა ინსტიტუტის მმართველი საბჭოს წევრი.

ჩემი პროფესიული გზა შიდა აუდიტში დაახლოებით 15 წლის წინ დაიწყო, მაშინ როცა ეს ფუნქცია საქართველოს საჯარო სექტორში ჯერ კიდევ განვითარების საწყის ეტაპზე იყო. იურიდიული სფეროდან შიდა აუდიტში გადმოვინაცვლე - მიმართულებაში, რომელიც იმ დროს ბევრისთვის ახალი იყო და სწორედ ამ გამოწვევამ გამიჩინა განსაკუთრებული ინტერესი და სიყვარული შიდა აუდიტის მიმართ.

ჩემი პროფესიული გამოცდილება მოიცავს როგორც საჯარო, ისე კერძო სექტორს. 2021 წლიდან შევუერთდი საერთაშორისოდ სერტიფიცირებულთა რიგებს - CIA (Certified Internal Auditor). აქტიურად ვმუშაობ ტრენინგების, მეთოდოლოგიური ჩარჩოების განვითარებისა და ხარისხის შეფასების მიმართულებით.

პარალელურად, ჩემი ცხოვრების მნიშვნელოვანი ნაწილი უკავშირდება მთებსა და რისკიან თავგადასავლებს ლაშქრობების დროს. მათ მასწავლეს, რომ როგორც მთაში, ისე შიდა აუდიტში, წარმატებისთვის აუცილებელია მომზადება, რისკების შეფასება და გააზრებული ნაბიჯები.

🎯 ინსტიტუტში ჩემი პასუხისმგებლობის სფეროა სერტიფიცირება, ტრენინგები და პარტნიორობა საგანმანათლებლო კუთხით. მჯერა, რომ პროფესიის გაძლიერება იწყება ცოდნით, უწყვეტი განვითარებით და პროფესიული ზრდისთვის შესაძლებლობების შექმნით.

💡 სწორედ ამიტომ, მმართველი საბჭოს პროფესიონალ გუნდთან ერთად ჩვენი მიზანია, IIA საქართველოს ფარგლებში შევქმნათ გარემო, სადაც:

● პროფესიული განვითარება იქნება სისტემური და ხელმისაწვდომი,
● საერთაშორისო სერტიფიცირება - უფრო რეალისტური და მიღწევადი,
● სწავლება კი - პრაქტიკაზე ორიენტირებული და ღირებულებაზე დაფუძნებული.

🤝 მოუთმენლად ველი, რომ ერთად შევქმნათ ისეთი გარემო საქართველოში, რომელშიც შიდა აუდიტი კიდევ უფრო ძლიერი, გავლენიანი და მოთხოვნადი გახდება.

თუ გაინტერესებთ, როგორ უკავშირდება ჩემს ცხოვრებაში შიდა აუდიტი და მთები ერთმანეთს, შეგიძლიათ წაიკითხოთ ჩემი ბლოგი აქ: https://lnkd.in/dpdxYb4X

Tamar Davitaia

#შიდააუდიტი #პროფესიულიგანვითარება #სერტიფიცირება #ტრენინგი

21/04/2026

შიდა აუდიტის პროფესია საქართველოში ეტაპობრივად გადადის უფრო მაღალ სტანდარტებზე - იზრდება მოთხოვნა არა მხოლოდ გამოცდილებაზე, არამედ საერთაშორისოდ აღიარებულ ცოდნაზეც. შიდა აუდიტორთა ინსტიტუტი (IIA) გთავაზობთ სერტიფიცირების პროგრამებს, რომლებიც სხვადასხვა ეტაპზე მყოფ პროფესიონალებზეა მორგებული.

🔹 რომელი სერტიფიცირება შეიძლება იყოს თქვენთვის შესაბამისი?

▪️ Internal Audit Practitioner (IAP™) საწყისი ეტაპისთვის:
▫️ ფოკუსი შიდა აუდიტის საფუძვლებზე
▫️ეფუძნება CIA Part 1-ს
▫️არ აქვს წინაპირობები
▫️იდეალურია სტუდენტებისთვის და ახალბედა აუდიტორებისთვის.

▪️ Certified Internal Auditor (CIA®) ყველაზე ფართოდ აღიარებული სერტიფიცირება შიდა აუდიტში:
▫️გლობალური აღიარება
▫️3-ნაწილიანი გამოცდა
▫️მოიცავს: საფუძვლებს, აუდიტის პრაქტიკას და ფუნქციის მართვას
▫️ხელმისაწვდომია სხვადასხვა ენაზე.

▪️ CIA Challenge Exam - გამარტივებული გზა გამოცდილი პროფესიონალებისთვის:
▫️ერთი გამოცდა
▫️განკუთვნილია CPA/CA, CISA სერტიფიკატის მფლობელებისთვის
▫️ან მინიმუმ 10 წლიანი გამოცდილების მქონე პირებისთვის

▪️ Certification in Risk Management Assurance (CRMA®) - რისკების მართვაზე ორიენტირებული სერტიფიცირება:
▫️ ფოკუსი: რისკების მართვა და რწმუნება
▫️150 წუთიანი გამოცდა
▫️არ საჭიროებს წინაპირობად CIA-ს.

🔹 რატომ არის სერტიფიცირება მნიშვნელოვანი?

სერტიფიცირება წარმოადგენს თქვენი პროფესიული ცოდნისა და უნარების საერთაშორისო დონეზე აღიარების ერთ-ერთ ყველაზე ეფექტურ გზას:
▫️ გეხმარებათ იმუშაოთ საერთაშორისო სტანდარტების შესაბამისად
▫️ გაძლევთ შესაძლებლობას ცოდნა სისტემურად განავითაროთ და პრაქტიკაში ეფექტიანად გამოიყენოთ
▫️ აძლიერებს თქვენს კონკურენტუნარიანობას და მხარს გეხმარებათ კარიერულ განვითარებაში
▫️ გაკავშირებთ გლობალურ პროფესიულ საზოგადოებასთან და საუკეთესო პრაქტიკებთან.

ℹ️ აღსანიშნავია, რომ IIA-ის წევრებისთვის სერტიფიცირების პროგრამებზე მოქმედებს შეღავათიანი პირობები.

📎 დეტალური ინფორმაცია და რეგისტრაცია:

👉 https://lnkd.in/gx_BrvUH