01/06/2026
ბავშვებზე ზრუნვა მათი საბაზისო მოთხოვნილებების დაკმაყოფილებით იწყება.
თუ შიმშილი ბავშვის ყოველდღიურობაა, ეს მას ხელს უშლის სწორ განვითარებაში.
სკოლებში კვების პროგრამის ამოქმედება განსაკუთრებულ დატვირთვას იძენს იმ ქვეყნებში, სადაც სოციოეკონომიკური მდგომარება საკმაოდ რთულია, ხოლო განვითარებულ ქვეყნებში ის ბავშვზე ზრუნვის მაღალი სტანდარტის დასტურია.
ამიტომ,
დღეს, პირველ ივნისს, ბავშვთა დღეს, კიდევ ერთხელ შეგახსენებთ .movement ხმა • Khma movement -ის სასკოლო კვების ინიციატივას, რომელსაც ჩვენი პროფესიული კავშირიც უერთდება და მოგიწოდებთ, ხელი მოაწეროთ მას.
ჯანსაღი და დაბალანსებული სასკოლო კვება უფრო მეტია, ვიდრე უბრალოდ დანაყრება.
ის რეალურად ამცირებს უთანასწორობას;
ხელს უწყობს ჯანსაღი კვების ჩვევის ჩამოყალიბებას;
ქმნის სკოლის კულტურას;
აუმჯობესებს შიდა სასკოლო ატმოსფეროს და მოსწავლეებს შორის ურთიერთობებს;
ზრდის ბავშვის კონცენტრაციას და ჩართულობას საგაკვეთილო პროცესში;
ამცირებს აგრესიას;
რაც მთავარია, ორგანიზმს ამარაგებს მიკროელემენტების დღიური ნორმით.
იხილეთ მოკლე ანიმაცია, თუ როგორ ამეგობრებს ბავშვებს საერთო მაგიდა.
სასკოლო კვება - ზრუნვა ძლიერი მომავლისათვის!
