06/08/2026
🍁 სექტემბრის დიაბეტური ბანაკი 2026 – საუკეთესო მომზადება ახალი სასწავლო წლისთვის!
📅 6–11 სექტემბერი, 2026
ორგანიზატორი: საქართველოს არაგადამდებ დაავადებათა პრევენციის ალიანსი
ტიპი 1 დიაბეტის მქონე ბავშვებისა და მათი ოჯახების მხარდაჭერის მიზნით, 2026 წლის 6–11 სექტემბერს გაიმართება დიაბეტური ბანაკი, რომელიც განკუთვნილია 7–16 წლის ასაკის ტიპი 1 დიაბეტის მქონე ბავშვებისა და მათი ერთ-ერთი მშობლისთვის.
გასული წლების დიაბეტურმა ბანაკებმა ნათლად აჩვენა, რომ მსგავსი პროგრამები მნიშვნელოვან დადებით გავლენას ახდენს როგორც ბავშვების, ისე მშობლების ცოდნაზე, თვითდაჯერებულობაზე, ემოციურ მდგომარეობასა და დიაბეტის ყოველდღიური მართვის უნარებზე. სწორედ ამ წარმატებული გამოცდილების საფუძველზე, საქართველოს არაგადამდებ დაავადებათა პრევენციის ალიანსის მიერ შემუშავებულმა დიაბეტური ბანაკის მოდელმა საერთაშორისო აღიარებაც მოიპოვა და დღეს ის საქართველოში დიაბეტის განათლების ერთ-ერთ ყველაზე წარმატებულ პრაქტიკად ითვლება.
🌿 რა გელით ბანაკში?
• პრაქტიკული და თეორიული სესიები დიაბეტის მართვის შესახებ (ინსულინოთერაპია, კვება, ფიზიკური აქტივობა, თანამედროვე ტექნოლოგიები);
• ინდივიდუალური და ჯგუფური შეხვედრები ექიმებთან, ნუტრიციოლოგთან და სხვა სპეციალისტებთან;
• ფსიქოლოგიური ტრენინგები, ემოციების მართვისა და თვითდაჯერებულობის განვითარების ვორქშოფები;
• მშობლებისთვის სპეციალური საგანმანათლებლო სესიები და გამოცდილების გაზიარება;
• სპორტული, შემოქმედებითი და გასართობი აქტივობები;
• ახალი მეგობრები, ურთიერთდახმარების ქსელის ჩამოყალიბება და ოჯახებს შორის გამოცდილების გაზიარება;
• უსაფრთხო, თბილი და პროფესიონალური გარემო, სადაც თითოეული მონაწილე მუდმივი მეთვალყურეობის ქვეშ იქნება.
💙 რატომ არის ეს ბანაკი განსაკუთრებული?
დიაბეტური ბანაკი არ არის მხოლოდ დასვენება ან გართობა.
ეს არის ინტენსიური საგანმანათლებლო და ფსიქოსოციალური პროგრამა, რომელიც ეხმარება:
• ბავშვს, გახდეს უფრო დამოუკიდებელი და თავდაჯერებული დიაბეტის მართვაში;
• მშობელს, მიიღოს თანამედროვე, პრაქტიკული ცოდნა და პროფესიონალური რეკომენდაციები;
• ორივეს, უკეთ გაუმკლავდნენ დიაბეტთან დაკავშირებულ ემოციურ და ფსიქოლოგიურ გამოწვევებს;
• ოჯახს, გაიზიაროს გამოცდილება სხვა ოჯახებისგან, რომლებიც იმავე გზას გადიან;
• ბავშვს, განივითაროს პასუხისმგებლობა, სოციალური უნარები და ცხოვრების ჯანსაღი წესისადმი მოტივაცია.
წინა ბანაკების შეფასებებმა აჩვენა, რომ მონაწილეთა უმრავლესობამ ბანაკის შემდეგ მნიშვნელოვნად გაიუმჯობესა როგორც დიაბეტის მართვის პრაქტიკული უნარები, ასევე საკუთარი შესაძლებლობების რწმენა.
📍 ადგილი და თარიღი
📅 6–11 სექტემბერი, 2026 წელი
🏕️ 4-ვარსკვლავიანი სასტუმრო „სოლო გრანდ ბოშური“
ტანას ხეობა, გორის მუნიციპალიტეტი
💰 მონაწილეობის ღირებულება
ბანაკის სრული ღირებულება მნიშვნელოვნად აღემატება იმ თანხას, რომელსაც მონაწილეები გადაიხდიან.
საქართველოს არაგადამდებ დაავადებათა პრევენციის ალიანსის მიერ ადგილობრივი და საერთაშორისო პარტნიორებისგან დამატებითი ფინანსური რესურსების მოძიების შედეგად, ბანაკი ნაწილობრივ დაფინანსდება დონორის მიერ, ხოლო დარჩენილი ნაწილის დაფარვა მოხდება მონაწილე ოჯახების თანამონაწილეობით.
დიაბეტის მქონე ბავშვისა და მისი ერთ-ერთი მშობლის ბანაკში მონაწილეობის საფასური შეადგენს მხოლოდ 950 ლარს.
ერთზე მეტი დიაბეტის მქონე ბავშვის წამოყვანის შემთხვევაში ყოველ ბავშვზე დაემატება 500 ლარი, ხოლო დიაბეტის არმქონე დედმამიშვილის ან მე-2 მშობლის წამოსვლის შემთხვევაში ემატება 600 ლარი.
ღირებულებაში შედის:
• 4-ვარსკვლავიან სასტუმროში განთავსება (6 დღე / 5 ღამე);
• დღეში 4-ჯერადი სრულფასოვანი, დაბალანსებული კვება (შვედური მაგიდა);
• ყველა საგანმანათლებლო ტრენინგი და პრაქტიკული სესია;
• ფსიქოლოგიური და ემოციური მხარდაჭერის პროგრამები;
• სპორტული, კულტურული და შემოქმედებითი აქტივობები;
• ბანაკისთვის საჭირო ყველა სასწავლო და საორგანიზაციო მასალა.
💳 გადახდის წესი
რეგისტრაციის დადასტურების შემდეგ აუცილებელია 2026 წლის 17 აგვისტოს ჩათვლით ბანაკში მონაწილეობის საფასურის (950 ლარი) გადარიცხვა საქართველოს არაგადამდებ დაავადებათა პრევენციის ალიანსის საბანკო ანგარიშზე.
თუ აღნიშნულ ვადამდე თანხა არ იქნება გადახდილი, რეგისტრაცია ავტომატურად გაუქმდება და ადგილი გადაეცემა მომდევნო მსურველს.
საბანკო რეკვიზიტები:
მიმღები: საქართველოს არაგადამდებ დაავადებათა პრევენციის ალიანსი
ბანკი: თიბისი ბანკი
ანგარიშის ნომერი: GE38TB7617936020100011
დანიშნულებაში მიუთითეთ: დიაბეტური ბანაკი 2026 – ბავშვის სახელი და გვარი
📞 რეგისტრაცია და დამატებითი ინფორმაცია
📧 [email protected]
📱 მარი ბუაჩიძე
599 706015 (WhatsApp / Viber)
558 389770
ადგილების რაოდენობა შეზღუდულია, ამიტომ გთხოვთ რეგისტრაცია წინასწარ გაიაროთ. ნაკლების ჩვენება
