ფონდი ”გაამწვანე საქართველო”

24/10/2025

24/10/2025

24 ოქტომბერს სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსის და ბიჭვინთისა და ცხუმ-აფხაზეთის მიტროპოლიტის, უწმინდესი და უნეტარესი ილია II-ის მიერ დაფუძნებულმა ფონდმა ,,გაამწვანე საქართველო“-მ (აღმასრულებელი მდივანი გოჩა არონიშიძე) რუსთავში, ლევან გოთუას სახელობის N 17 საჯარო სკოლაში, ხეები დარგო, რაშიც მონაწილეობა მიიღეს ამავე სკოლის მოსწავლეებმა, მშობლებმა, პედაგოგებმა და დირექტორმა, ქ-ნმა ნელი ლიქოკელმა, ასევე ჩოხოსნებმა და დიაკონმა დავით გოგიაშვილმა, რომლის ინიციატივითა და ფონდის ორგანიზებითაც ეზო გამწვანდა შპს ,,მწვანე სახლი“-ს (ხელმძღვანელი მირიან მდივანი) მიერ მოწოდებული კიპარისებითა და შპს ,,ჯეოლივი“-ს ზეთისხილებით.

აღსანიშნავია, რომ წელს არის ლევან გოთუას დაბადებიდან 120 წლის იუბილე და სწორედ ამ თარიღს მიეძღვნა გამწვანების ეს ღონისძიებაც.

11/06/2025

11 ივნისს, საპატრიარქოს ფონდ ,,გაამწვანე საქართველო“-ს ორგანიზებით, თბილისში, 147-ე სკოლის ეზოში, დაირგო ზეთისხილის ნერგები.

ღონისძიებაში მონაწილეობა მიიღეს სკოლის დირექტორმა, ქ-ნმა ირინა წიკლაურმა, დიღმის მთავარანგელოზთა ტაძრის წინამძღვარმა, დეკანოზმა გაბრიელ გიგაურმა, პედაგოგებმა და მოსწავლეებმა.

ფონდ ,,გაამწვანე საქართველო“-ს აღმასრულებელი მდივანი გოჩა არონიშიძე ბავშვებს ესაუბრა ეკოლოგიის გაჯანსაღების აუცილებლობაზე და თითოეული ადამიანის როლზე ამ მნიშვნელოვან საქმეში; ასევე გააცნო ზეთისხილის მოვლის თავისებურებები. მანვე აქტიური მონაწილეობისა და თანადგომისთვის მადლობა გადაუხადა 147-ე სკოლის დირექტორს ქალბატონ ირინა წიკლაურს და ამავე სკოლის პედაგოგს ქალბატონ სოფო ცერუაშვილს.

სასიხარულოა, რომ ბავშვები ადრეული ასაკიდანვე სწავლობენ ბუნებასთან ურთიერთობას და ზრუნავენ საკუთარი გარემოს გაუმჯობესებაზე. მისასალმებელია ის ფაქტიც, რომ სკოლის ხელმძღვანელობა ხელს უწყობს ამ პროცესს.

07/06/2025

6 ივნისს საპატრიარქოს ფონდ ,,გაამწვანე საქართველო”-ს ორგანიზებით და ეროვნული სატყეო სააგენტოს ხელშეწყობით, ვაზისუბნის წმინდა იოანე ღვთისმეტყველის სახელობის ეკლესიაში (წინამძღვარი დეკანოზი იოანე მაზანაშვილი) დაირგო ზეთისხილისა და კიპარისის ნერგები.

ღონისძიებაში მონაწილეობა მიიღეს სოფლის მეურნეობის სამინისტროსა და ეროვნული სატყეო სააგენტოს წარმომადგენლებმა, ასევე ტაძრის მრევლმა.

ჩვენი ფონდი დაარსების დღიდან აქტიურად თანამშრომლობს ეროვნულ სატყეო სააგენტოსთან, ამჯერადაც სწორედ ეროვნული სატყეო სააგენტოს მიერ მომზადდა ტაძრის ეზოს გამწვანების პროექტი.

ფონდ ,,გაამწვანე საქართველო”-ს აღმასრულებელმა მდივანმა გოჩა არონიშიძემ აქტიური ჩართულობისთვის მადლობა გადაუხადა ღონისძიების მონაწილეებს და იმედი გამოთქვა, რომ ნაყოფიერი თანამშრომლობა მომავალშიც გაგრძელდება.

23/05/2025

22 მაისს, წმინდა ნიკოლოზის ხსენების დღეს, სვეტიცხოვლის ეზოში, სრულიად საქართველოს კათოლიკოს-პატრიარქის, უწმინდესი და უნეტარესი ილია II-ის ლოცვა-კურთხევითა და იუნესკოს ნებართვით გაშენებულ ბაღში ჩვენი ფონდის მხარდამჭერებთან ერთად დავრგეთ ვარდები.

15/05/2025

21/10/2024

18 ოქტომბერს, წმინდა გრიგოლ ხანძთელის ხსენების დღეს, სრულიად საქართველოს კათოლიკოს-პატრიარქ ილია II-ის კურთხევით წალკის ეპისკოპოსმა გრიგოლმა (კაცია) აკურთხა ვაზიანში სამხედრო ნაწილის ტერიტორიაზე აგებული წმინდა გიორგის სახელობის ტაძარი.
საზეიმო წირვას მრევლთან და სამხედროებთან ერთად საქართველოს თავდაცვის მინისტრი ბ-ნი ირაკლი ჩიქოვანი დაესწრო.
მსახურების დასრულების შემდეგ ტაძრის მიმდებარე ტერიტორიაზე საპატრიარქოს ფონდ ,,გაამწვანე საქართველოს" (აღმ. მდივანი გოჩა არონიშიძე) ორგანიზებით დაირგო 200-მდე ზეთისხილის ხე.
გამწვანების ღონისძიებაში მონაწილეობა მიიღეს თავდაცვის მინისტრმა, თავდაცვის ძალების ხელმძღვანელებმა, ჯარისკაცებმა და მათმა შვილებმა, ასევე სამღვდელოებამ და მრევლმა.

18/10/2024

18 ოქტომბერს, წმინდა გრიგოლ ხანძთელის ხსენების დღეს, სრულიად საქართველოს კათოლიკოს-პატრიარქ ილია II-ის კურთხევით წალკის ეპისკოპოსმა გრიგოლმა (კაცია) აკურთხა ვაზიანში სამხედრო ნაწილის ტერიტორიაზე აგებული წმინდა გიორგის სახელობის ტაძარი.

საზეიმო წირვას მრევლთან და სამხედროებთან ერთად საქართველოს თავდაცვის მინისტრი ბ-ნი ირაკლი ჩიქოვანი დაესწრო.

მსახურების დასრულების შემდეგ ტაძრის მიმდებარე ტერიტორიაზე საპატრიარქოს ფონდ ,,გაამწვანე საქართველოს" (აღმ. მდივანი გოჩა არონიშიძე) ორგანიზებით დაირგო 200-მდე ზეთისხილის ხე.

გამწვანების ღონისძიებაში მონაწილეობა მიიღეს თავდაცვის მინისტრმა, თავდაცვის ძალების ხელმძღვანელებმა, ჯარისკაცებმა და მათმა შვილებმა, ასევე სამღვდელოებამ და მრევლმა.

18/10/2024

14 ოქტომბერს სვეტიცხოვლობის დღესასწაულზე ფონდ ,,გაამწვანე საქართველოს" ორგანიზებით პრემიერ-მინისტრმა ირაკლი კობახიძემ საპატრიარქო ტახტის მოსაყდრესთან, სენაკისა და ჩხოროწყუს მიტროპოლიტ შიოსთან (მუჯირი) ერთად სვეტიცხოვლის ეზოში ნეკერჩხლის ხე დარგო.

16/10/2024

ა.წ 12 ოქტომბერს სრულიად საქართველოს კათოლიკოს-პატრიარქ ილია II-ის კურთხევით, ფონდმა ,,გაამწვანე საქართველო“-მ (აღმ. მდივანი გოჩა არონიშიძე) საპატრიარქოს დეკორატიული მებაღეობის საზოგადოებრივ კოლეჯთან (ხელმძღვანელი იღუმენია თეკლე სიხარულიძე) ერთად თბილისში, ჩუღურეთის რაიონში, მდებარე ყოვლადწმინდა სამების ტაძრის ეზოში გამწვანების ღონისძიება განახორციელა. ტაძრის ირგვლივ დაირგო 170 კიპარისი, რომელიც შექმნის ბუნებრივ გალავანს.
აღნიშნული ტაძარი სრულიად საქართველოს კათოლიკოს-პატრიარქის კურთხევით იმ ოჯახებისა და ექიმების შემოწირულობით აიგო, რომელთაც აბორტის ცოდვის გამო სურდათ სინანულის გამოხატვა.

13/10/2024