18/06/2026
⭐️დაუვიწყარი დღე საგურამოში: ფონდი „მამაშვილობა“ და ილია ჭავჭავაძის სახლ-მუზეუმი.
დღის ცენტრის ორგანიზებით, ბენეფიციარებმა, მათმა მშობლებმა და თანამშრომლებმა შემეცნებითი და სასიამოვნო ექსკურსია მოაწყვეს საგურამოში🎒🌾
✨ჩვენი სტუმრობა მიხეილ ახალაძის ფონდ „მამაშვილობით“ დაიწყო, რომელიც ნამდვილი კულტურული აღმოჩენა აღმოჩნდა თითოეული ჩვენგანისთვის. ფონდში დაცულმა უნიკალურმა ნახატებმა, ხელოვნების ნიმუშებმა და ტრადიციულმა ნივთებმა ბავშვების დიდი ინტერესი გამოიწვია. იქ გულთბილად გვიმასპინძლა არქიმანდრიტმა მამა ადამმა, რომლის ყურადღებამ, სითბომა და კეთილგანწყობამ მონაწილეებზე განსაკუთრებული შთაბეჭდილება მოახდინა.
✨დღის მეორე ნახევარი კი დიდ ილია ჭავჭავაძის სახლ-მუზეუმში გავატარეთ, სადაც გაცოცხლებულ ისტორიას შევეხეთ. ილიას ნაკვალევზე გავლილმა გზამ კიდევ ერთხელ შეგვახსენა, თუ რამდენად დიდია მისი ღვაწლი თითოეული ჩვენგანის, განსაკუთრებით კი - მომავალი თაობის წინაშე.
დღევანდელმა დღემ მონაწილეებს მრავალი სასიამოვნო ემოცია, ახალი ცოდნა და დაუვიწყარი შთაბეჭდილება შესძინა. მსგავსი აქტივობები მნიშვნელოვნად უწყობს ხელს შეზღუდული შესაძლებლობის მქონე პირთა სოციალურ ინტეგრაციას, შემეცნებითი გამოცდილების გამდიდრებასა და საზოგადოების ცხოვრებაში აქტიურ ჩართულობას.
💜განსაკუთრებულ მადლობას ვუხდით ილია ჭავჭავაძის სახლ-მუზეუმის ადმინისტრაციას უსასყიდლო მასპინძლობისა და თბილი მიღებისთვის, ფონდ „მამაშვილობას“ - გულთბილი დახვედრისთვის, და თითოეულ მშობელსა თუ თანამშრომელს ბავშვებისთვის ასეთი ლამაზი დღის ჩუქებისთვის.
მადლობა ყველა პარტნიორსა და მხარდამჭერს, რომლებმაც ამ დღის წარმატებით განხორციელებას შეუწყვეს ხელი✨
#ბავშვიოჯახისაზოგადოება 💜 #დღისცენტრი #საგურამო #მამაშვილობა #ილიაჭავჭავაძე #ინკლუზია #შემეცნებითიექსკურსია #თანაბარიშესაძლებლობები
