16/04/2025
2025 წლის 6 აპრილს ქ. თბილისში, საქართველოს რკინიგზელთა პროფესიული კავშირის მორიგი XVII საანგარიში-საარჩევნო ყრილობა გაიმართა.
ყრილობაზე, სრული უმრავლესობით, მომდევნო ოთხი წლის ვადით კავშირის თავმჯდომარედ არჩეულ იქნა ბატონი გელა გელაშვილი, გამგეობის 12 წევრი და საკონტროლო-სარევიზიო კომისიის წევრები.
ყრილობაზე, პროფკავშირული მოძრაობის განვითარებაში შეტანილი განსაკუთრებული წვლილისათვის 5 პროფმუშაკს პრემიის ლაურეატის წოდება მიენიჭა.
პროფკავშირის 7,500-მდე წევრის მიერ, კრებებსა და კონფერენციებზე არჩეული 126 დელეგატიდან ყრილობას ესწრებოდა 111 დელეგატი, გამგეობის წევრები, საკონტროლო-სარევიზიო კომისია და მოწვეული სტუმრები.
აგრეთვე ყრილობის მუშაობაში, მონაწილეობა მიიღეს 7 სხვადასხვა ქვეყნის პარტნიორი ოეგანიზაციებისა და კონფედერაციების წევრ დელეგაციებმა, რომლებმაც საქართველოს რკინიგზელთა პროფესიული კავშირის მიმართ გამოხატეს სრული მხარდაჭერა სამომავლო საქმიანობაში წარმატებების მისაღწევად და ხაზგასმით აღნიშნეს, რომ საქართველოს რკინიგზელთა პროფესიულ კავშირს საერთაშორისო პროფკავშირების წევრ ორგანიზაციებს შორის ერთ-ერთი ლიდერის პოზიცია უკავია.
საქართველოს რკინიგზელთა პროფესიული კავშირი 120 წლის ისტორიის მანძილზე, მუდმივად იდგა და აგრძელებს რკინიგზელთა გვერდით დგომას, ზრუნავს მათი უფლებების დაცვაზე და სამუშაო პირობების გაუმჯობესებაზე, ლოიალურობის ამაღლებასა და მათთვის სხვადასხვა სოციალური პროგრამების განხორციელებაზე.
ერთობლივი თავდაუზოგავი მუშაობის შედეგად გვჯერა, რომ მომდევნო წელები უფრო მეტად წარმატებული იქნება თითოეული ჩვენგანისთვის.
