SOS ბავშვთა სოფელი • SOS Children's Villages Georgia

19/06/2026

„მამასთან ერთად კარგია, მომწონს“ - ალბათ, ამ სიტყვებზე დიდი აღიარება და ჯილდო მამისთვის არაფერია.

მამის დღე ახლოვდება და ჩვენმა ქუთაისის გუნდმა გადაწყვიტა, ეს დღე განსაკუთრებულად აღენიშნა! SOS ბავშვთა სოფლის ოჯახის გაძლიერების პროექტის ფარგლებში, მამებმა და შვილებმა ყოველდღიური საზრუნავი გვერდზე გადადეს და დრო ერთად, ბოულინგ ცენტრში გაატარეს.

ჩვენი მიზანიც სწორედ ეს იყო - ხელი შეგვეწყო მამა-შვილის ურთიერთობის განმტკიცებისა და ბავშვის აღზრდაში მამების ჩართულობისთვის. მონაწილეები დიდი სიამოვნებით ჩაერთნენ თამაშში, გაერთნენ და უამრავი დადებითი ემოცია მიიღეს.

ბავშვების უკუკავშირიდან:
💬 „მე და მამამ ძალიან კარგი დრო გავატარეთ.“
💬 „მამასთან ერთად კარგია, მომწონს.“

შვილის ცხოვრებაში მამის აქტიური ჩართულობა ძალიან მნიშვნელოვანია და გვიხარია, რომ ეს დღე მათთვის კიდევ ერთ თბილ, საერთო მოგონებად იქცა.

10/06/2026

გადავწყვიტეთ, უფრო ახლოს გაგაცნოთ ადამიანები, რომლებიც ყოველდღიურად ქმნიან პოზიტიურ ცვლილებებს ბავშვებისა და ოჯახებისთვის. 💙

გაიცანით ლიკა ლაჩაშვილი - SOS ბავშვთა სოფლის ოჯახის გაძლიერების პროექტის ფსიქოლოგი.

ლიკა უკვე წლებია მუშაობს ბავშვებთან, მშობლებთან და ოჯახებთან, რომლებიც სხვადასხვა გამოწვევის წინაშე დგანან. მისი საქმიანობა მხოლოდ პროფესიული მხარდაჭერით არ შემოიფარგლება - ეს არის ნდობის, უსაფრთხოებისა და განვითარების შესაძლებლობების შექმნა მათთვის, ვისაც ყველაზე მეტად სჭირდება მხარდაჭერა.

ვიდეოში ლიკა გვიყვება საკუთარი პროფესიული გზის, SOS ბავშვთა სოფელში მუშაობის გამოცდილებისა და იმ მნიშვნელობის შესახებ, რომელსაც მისი საქმიანობა ატარებს ბავშვებისა და ოჯახების ცხოვრებაში.

გვჯერა, რომ ჩვენი საქმიანობის უკან სწორედ ადამიანები დგანან - პროფესიონალები, რომლებიც ყოველდღიურად ზრუნავენ იმაზე, რომ ბავშვებმა უსაფრთხო და მზრუნველ გარემოში გაიზარდონ.

🎥 უყურეთ ლიკას ისტორიას და გაიგეთ მეტი მისი საქმიანობის შესახებ.

08/06/2026

ჩვენი დონორების ფინანსური მხარდაჭერით SOS ბავშვთა სოფელში ხეზე მუშაობის წრე ფუნქციონირებს. აქ ბავშვები ხელობის შესწავლასთან ერთად პოულობენ უსაფრთხო გარემოსა და მეგობრებს, ხოლო ყოველდღიური საზრუნავი და პრობლემები მეორეხარისხოვანი ხდება.

„ხის ნაჭრებით თამაში სულ მიყვარდა, მაგრამ აქ მასწავლებელმა მითხრა, შეგიძლია რაღაცეები მართლა ააშენოო. ახლა, როცა რაღაცას ვთლი, სულ იმას ვფიქრობ, მალე გავიზარდო და დიდი სახლი ავაშენო“ - გიორგი, 11 წლის

თქვენი მხარდაჭერა მათ მეტ შესაძლებლობასა და მომავლის იმედს აძლევს.

გახდი კარგი ამბების შემოქმედი ჩვენთან ერთად: https://sos-childrensvillages.ge/ka/donation

შენიშვნა: ბენეფიციართა პირადი მონაცემებისა და კონფიდენციალობის დაცვის მიზნით, ისტორიაში გამოყენებული სახელები, ფოტოები და/ან გარკვეული დეტალები შეცვლილია.

დაეხმარე ბავშვებს და ოჯახებს, რომლებსაც საზოგადოების მხარდაჭერა სჭირდებათ

04/06/2026

🎈ბავშვთა დაცვის დღე მხიარულად გაატარა ქუთაისის ადრეული განვითარების პროგრამის მონაწილე 81-მა ბავშვმა.

სპორტული შეჯიბრებები, ქართული ცეკვები, საყვარელი ზღაპრის გმირები, ბევრი ღიმილი და ცაში გაშვებული სურვილები - ასე აღვნიშნეთ ეს განსაკუთრებული დღე.

SOS ბავშვთა სოფელში გვჯერა, რომ ყველა ბავშვი იმსახურებს ბედნიერ ბავშვობას და ასეთ დაუვიწყარ დღეებს.

03/06/2026

მადლობა თანადგომისათვის 💙 Wyndham Grand Tbilisi

02/06/2026

მადლობა მხარდაჭერისათვის 💙 საჭადრაკო კლუბი „მერანი“• Chess Club „Merani”

01/06/2026

მადლობა მასპინძლობისათვის 💙 ერისიონი Erisioni

01/06/2026

გილოცავთ ბავშვთა დაცვის საერთაშორისო დღეს 🎈

SOS ბავშვთა სოფელში გვჯერა, რომ ყველა ბავშვი იმსახურებს ბავშვობას - უსაფრთხო გარემოს, სადაც მათი უფლებები დაცულია და ყოველი დღე სიყვარულით, სიხარულითა და ბედნიერებითაა სავსე 💙

27/05/2026

Gaamos • გაამოს გუნდმა გადაწყვიტა თითოეული გაყიდული მოსახატი ნაკრებიდან 1 ლარი „SOS ბავშვთა სოფელში“ გადარიცხოს.

მადლობა მათ ამ შესანიშნავი კამპანიისათვის.

გვჯერა, ქველმოქმედების ძალა ერთობაშია! 💙

26/05/2026

გილოცავთ საქართველოს დამოუკიდებლობის დღეს! 🇬🇪
ჩვენ გვჯერა, რომ ყველა ბავშვი იმსახურებს ბედნიერ ბავშვობას, უსაფრთხო გარემოსა და თავისუფალ, დამოუკიდებელ ქვეყანაში ცხოვრებას! 🎈💙