21/10/2025
საქველმოქმედო ფონდის დასახელება — „მეცენა“ სამომავლო საქმიანობის კონცეფციაზე დაყრდნობით შეიქმნა. საქველმოქმედო ფონდი იმ ადამიანებს აერთიანებს, რომლებიც დაინტერესებულები არიან, ნიჭიერ და შეზღუდული ფინანსური რესურსების მქონე ახალგაზრდებს განვითარების შანსი მისცენ — დაეხმარონ საინტერესო და უნიკალური პროექტების შესრულებაში, რომლებიც მომავალში დივიდენდის პრინციპით, ქვეყნის განვითარებასა და წინსვლაზე აისახება; ფონდის მეორე სეგმენტი უკიდურეს ეკონომიკურ სიდუხჭირეში მყოფი მოწყვლადი ჯგუფები არიან, რომლებსაც სიცოცხლის გადარჩენისთვის აუცილებელი პირობები არ გააჩნიათ. „მეცენას“ შემომწირველები მაღალი სოციალური პასუხისმგებლობით და ფილანტროპიით გამორჩეული პიროვნებები არიან, რომლებიც მიზნად ისახავენ, წვლილი შეიტანონ ქვეყნის განვითარებაში, როგორც საკუთარი მოღვაწეობით, ასევე — ინდივიდებისა თუ თემების მხარდაჭერით.
