საქართველოს ცურვის მშობელთა ასოციაცია • Gspa

15/05/2026

ერთად ვუგულშემატკივროთ ჩვენს სპორტსმენებს და ვუსურვოთ წარმატებები 💪🏊

Open Belgian Swimming Championships long, course 2026OBC long course 2026 DAY1 heats

06/05/2026

წარმატებებს ვუსურვებთ ჩვენს სპორტსმენებს და მათ მწვრთნელებს 🏊✨

საქართველოს ეროვნული და ახალგაზრდული ნაკრების ლიდერები იმყოფებიან საწვრთნელ სპორტულ შეკრებაზე ესპანეთის ქალაქ მალაგაში.
ჩვენი გუნდის შემადგენლობა ასეთია:
🏊 ფანცხავა ნოე
🏊‍♀️ კალანდაძე ანა
🏊 ერაძე ლუკა
🏊‍♀️ ნიჟარაძე ანა
🏊 ქოიავა გიორგი
🏊 ჩხიკვაძე ანდრია
🏊 ფოლადაშვილი ანდრეა

🏊 მწვრთნელები: Olivier Sangaria,დავით მურჯიკნელი,დავით გელაშვილი,Pat LHopitalier, Sylvain Tahon.

შეკრება ორგანიზებულია საქართველოს ეროვნული ნაკრების ახალი ფრანგი მწვრთნელის Olivier Sangaria-ს მიერ.

მასთან ერთად შეკრებაზე იმყოფება მსოფლიო დონის ფიზიკური მომზადების მწვრთნელი Pat LHopitalier, რომელსაც გააჩნია მრავალწლიანი მუშაობის გამოცდილება ისეთ ფრანგ ოლიმპიურ ჩემპიონებთან და პრიზიორებთან,როგორებიც არიან: Florent Manaudou,Frederick Bousquet,Camille Lacourt,Fabien Gilot,Jeremy Stravius,Beryl Gastaldello და სხვები.

ასევე შეკრებაზე იმყოფება გამოცდილი ფრანგი ფიზიოთერაპევტი და მასაჟისტი Sylvain Tahon,რომელიც ყოველდღიურ რეჟიმში აქტიურად ზრუნავს ჩვენი სპორტსმენების ფიზიკური ფორმის შენარჩუნებასა და ძალების აღდგენაზე.

ფრანგი სპეციალისტებისგან დაკომპლექტებული ამ სამწვრთნელო შტაბისგან ჩვენი სპორტსმენები და მწვრთნელები უდიდეს გამოცდილებას იძენენ. იღებენ ინფორმაციას მსოფლიო დონის ვარსკვლავების,ოლიმპიური ჩემპიონების და პრიზიორების მომზადების სპეციფიკური დეტალების შესახებ. შეკრების პერიოდში სპორტსმენებს უტარდებათ მრავალი თანამედროვე განსხვავებული ტესტი,რომელთა შედეგებიც გვაძლევს მნიშვნელოვან ინფორმაციას ბევრ სპეციფიურ დეტალზე.

სწორედ ასეთი გამოცდილებების მიღებაა საჭირო ქართული ცურვის უფრო მაღალ დონეზე ასაყვანად და საერთაშორისო მოწინავე შედეგების დასაფიქსირებლად. მადლობას ვუხდით საქართველის საწყლოსნო სახეობათა ეროვნული ფედერაციის პრეზიდენტს დიმიტრი აბდუშელიშვილს ასეთი გამოცდილების მიღების შესაძლებლობისთვის.

24/04/2026

კიდევ ერთი წინ გადადგმული ნაბიჯი ქართული ცურვისთვის! 🏊‍♂️

​ჩვენთვის, როგორც მშობელთა ასოციაციისთვის, პრიორიტეტულია, რომ ჩვენს შვილებთან თანამედროვე სტანდარტების მქონე მწვრთნელები მუშაობდნენ. ოლივერ სანგრიას ვიზიტი და ადგილობრივი სპეციალისტების გადამზადება გვაძლევს იმედს, რომ ქართული ცურვა სულ მალე განვითარების ახალ ეტაპზე გადავა. წარმატებები მწვრთნელებს და მადლობა ფედერაციას მხარდაჭერისთვის!“

11/04/2026

06/04/2026

🌍🏊‍♂️ გილოცავთ სპორტის საერთაშორისო დღეს

სპორტი მხოლოდ შედეგი არ არის —
ეს არის შრომა, დისციპლინა და მომავლის შექმნა.

ჩვენი ასოციაციის მიზანია ხელი შევუწყოთ ახალგაზრდა მოცურავეების განვითარებას და შევქმნათ გარემო, სადაც თითოეულ ბავშვს აქვს შანსი გახდეს მომავალი ვარსკვლავი ⭐

მშობლების მხარდაჭერა არის ის ძალა, რომელიც დგას თითოეული წარმატებული სპორტსმენის უკან.

🇬🇪 ერთად ვზრდით ძლიერ, ჯანმრთელ და მიზანდასახულ თაობას

#სპორტისდღე

05/04/2026

🚨 რუსთავი 2-ის ეთერში გავიდა გადაცემა „ჩემპიონები“, რომლის სტუმარიც გახლდათ საქართველოს საწყლოსნო სახეობათა ეროვნული ფედერაციის პრეზიდენტი, ბატონი დიმიტრი აბდუშელიშვილი.

​ინტერვიუს მსვლელობისას, პრეზიდენტმა ისაუბრა ფედერაციაში შემავალ ოთხივე სახეობაზე, მათ განვითარებასა და სამომავლო გეგმებზე. თუმცა, რამდენადაც ჩვენი ასოციაციის უპირატესი ინტერესი ქართული ცურვაა, გადაცემიდან გთავაზობთ სწორედ იმ ნაწილს, სადაც ბატონი დიმიტრი უშუალოდ ცურვის მიმართულებით დაგეგმილ ნაბიჯებსა და პერსპექტივებზე საუბრობს.

ჩვენი მხრიდან ​მადლობას ვუხდით პრეზიდენტს იმ ყურადღებისა და ზრუნვისთვის, რაც მისი მმართველობის მოკლე პერიოდში უკვე იგრძნობა ჩვენს სახეობაში. "საქართველოს ცურვის მშობელთა ასოციაცია" დიდ იმედს ამყარებს მის მიერ დაწყებულ პოზიტიურ ცვლილებებზე. 🤝

​გვჯერა, რომ სწორედ პრეზიდენტის პირადი მოწადინებითა და ხელშეწყობით, ცურვა საქართველოში სულ მალე შეიძენს იმ მასშტაბებსა და პრიორიტეტულობას, რომელიც მას ეკუთვნის. ჩვენი მხრივ ,მზად ვართ მაქსიმალური კონსტრუქციულობით დავუდგეთ გვერდში ფედერაციას ამ საერთო, ამბიციური მიზნების მისაღწევად. 🏊‍♀️
საქართველოს საწყლოსნო სპორტის სახეობათა ფედერაცია/Aquatic Sports Federation

01/04/2026

მოხარულნი ვართ გაცნობოთ,
რომ დაარსდა➡️"საქართველოს ცურვის მშობელთა ასოციაცია“ 🏊‍♀️🇬🇪🏊‍♂️

მსოფლიო პრაქტიკაში, ცურვის სპორტში წარმატებით ფუნქციონირებს მშობელთა ასოციაციები და საკონსულტაციო საბჭოები, რომლებიც მნიშვნელოვან როლს ასრულებენ ახალგაზრდა მოცურავეების მხარდაჭერაში, მშობლების ჩართულობის გაძლიერებასა და სპორტული ორგანიზაციებთან ეფექტიანი თანამშრომლობის ჩამოყალიბებაში.

სწორედ აღნიშნული პრაქტიკის გათვალისწინებით შეიქმნა მშობელთა ეს გაერთიანება ,რომლის მიზანია საქართველოში ცურვის სპორტის მხარდაჭერა და განვითარების პროცესებში აქტიური ჩართულობა.

ასოციაცია გააერთიანებს მოცურავეების მშობლებს, რომელთაც საერთო მიზანი ექნებათ – ხელი შეუწყონ ახალგაზრდა სპორტსმენების განვითარებას, ჯანსაღი სპორტული გარემოს ჩამოყალიბებას და ცურვის სპორტის პოპულარიზაციას.

ასოციაციის საქმიანობის ძირითადი მიმართულებებია:
➡️ცურვის პოპულარიზაცია და მხარდაჭერა;
➡️ ახალგაზრდა მოცურავეების ინტერესების ხელშეწყობა;
➡️ მშობლების ჩართულობის გაზრდა სპორტის განვითარების პროცესში;
➡️კონსტრუქციული თანამშრომლობა საქართველოს ცურვის ფედერაციასთან და სხვა შესაბამის ორგანიზაციებთან;
➡️სპორტული გარემოს გაუმჯობესების ინიციატივების მხარდაჭერა.

"საქართველოს ცურვის მშობელთა ასოციაცია"
წარმოადგენს დამოუკიდებელ, არაკომერციულ გაერთიანებას, რომლის საქმიანობა ეფუძნება გამჭვირვალობის, თანამშრომლობისა და სპორტის განვითარების პრინციპებს.

ვისაც სურს, გახდეს "საქართველოს ცურვის მშობელთა ასოციაციის"- წევრი, შეუძლია მოგვმართოს შემდეგ ელექტრონულ მისამართზე:⤵️
[email protected]

გვჯერა, რომ ერთობლივი ძალისხმევით შევძლებთ მნიშვნელოვანი წვლილის შეტანას ქართული ცურვის განვითარებასა და ახალგაზრდა სპორტსმენებისთვის უკეთესი პირობების შექმნაში.🏊‍♂️🇬🇪🏊‍♀️