14/03/2025
ვაცხადებთ კონკურსს პროექტის: „დაბრუნებული მიგრანტებისა და ფულადი გზავნილების მიმღები ოჯახების ეკონომიკური გაძლიერება გურიაში“ ფარგლებში.
➤ განმახორციელებელი ორგანიზაცია:
ა(ა)იპ საზოგადოებრივი დამცველი;
ა(ა)იპ გურიის აგრობიზნესცენტრი.
➤ კონკურსის განაცხადების მიღების პერიოდი:
10 მარტი 2025 – 10 აპრილი 2025;
➤ დაფინანსების მოცულობა:
არაუმეტეს 1000 ევრო;
➤ კონკურსის მიზანი:
სამშობლოში დაბრუნებული მიგრანტებისა და ფულადი გზავნილის მიმღები ოჯახების ეკონომიკური მხარდაჭერა და მცირე ბიზნესის წამოწყების ხელშეწყობა.
გამარჯვებულები მიიღებენ გრანტს, რომელიც გამოყენებული იქნება ბიზნესის დასაწყებად ან გასაფართოებლად.
➤ ვინ შეიძლება მონაწილეობდეს კონკურსში?
-პირები, რომლებიც 1 წლისა და 6 თვის განმავლობაში ცხოვრობდნენ და მუშაობდნენ საზღვარგარეთ და ბოლო 1 წელი და 6 თვეა დაბრუნდნენ საქართველოში;
-აქვთ ბიზნეს იდეა ან უკვე დაწყებული მცირე ბიზნესი, მზად არიან, მიიღონ მონაწილეობა ონლაინ ტრენინგებსა და კონსულტაციებში;
-პირები, რომლებიც არიან ფულადი გზავნილის მიმღები ოჯახის წევრები.
➤ რას დავაფინანსებთ?
ახალი ბიზნესის წამოწყებას;
არსებული მცირე ბიზნესის გაფართოებას;
საჭირო აღჭურვილობის, მასალებისა და ტექნიკის შეძენას;
მომსახურების გაუმჯობესებასა და ინოვაციების დანერგვას.
➤ რას არ დავაფინანსებთ?
მიმდინარე საოპერაციო ხარჯებს (გაქირავება, კომუნალური გადასახადები).
➤ როგორ მივიღოთ მონაწილეობა?
1. გამოაგზავნეთ ხელმოწერილი ბიზნეს გეგმა და სარეგისტრაციო ფორმა ელექტრონულ ფოსტაზე: [email protected]
ან წარადგინეთ გურიის აგრობიზნესცენტრის ოფისში შემდეგ მისამართზე: ქ.ოზურგეთი, გრიბოედოვის ქ.№19.
2. დამატებითი დოკუმენტაცია:
პირადობის დამადასტურებელი დოკუმენტი;
მიგრაციის ისტორიის დამადასტურებელი საბუთი;
საჭირო დამატებითი დოკუმენტები.
➤ განაცხადების განხილვის პროცესი:
პირველი ეტაპი – დოკუმენტაციის გადარჩევა და კონკურსის კრიტერიუმებთან შესაბამისობის შეფასება;
მეორე ეტაპი – გასაუბრება საუკეთესო კანდიდატებთან;
საბოლოო გამარჯვებულებს შეარჩევს შეფასების კომისია.
➤ კონკურსის ვადები:
განაცხადების მიღება იწყება: 10 მარტი 2025;
განაცხადების მიღება მთავრდება: 10 აპრილი 2025;
შეფასება და გასაუბრება: 14 აპრილი 2025;
გამარჯვებულების გამოცხადება: 17 აპრილი 2025;
➤ კითხვების შემთხვევაში, მოგვმართეთ:
ტელეფონი: 591 22 66 22; 591 57 37 37;
შენ შენი წარმატების ავტორი ხარ – მიიღე მონაწილეობა და დაიწყე შენი ბიზნესი!
პროექტი ხორციელდება „განვითარებაზე მიგრაციის გავლენის გაძლიერება საქართველოში“ (STREAMinG2) II ფაზის ფარგლებში, რომელსაც ახორციელებს მიგრაციის პოლიტიკის განვითარების საერთაშორისო ცენტრი (ICMPD) ევროკავშირის დაფინანსებით.
➤ დანართების ჩამოტვირთვა:
სარეგისტრაციო ფორმა (სამშობლოში დაბრუნებული მიგრანტი)- https://docs.google.com/document/d/1fjijSZrDU_FtDjOwzyhyD7RV1WTcWs9A/edit?usp=sharing&ouid=118382668049573891904&rtpof=true&sd=true
სარეგისტრაციო ფორმა (ფულადი გზავნილის მიმღები ოჯახები)- https://docs.google.com/document/d/1WqEAcv5waww2823YVej2fMa3ejgtU9L9/edit?usp=drive_link&ouid=118382668049573891904&rtpof=true&sd=true
საგრანტო განაცხადის ფორმა- https://docs.google.com/document/d/1kEtgDf77tSYyj18_e4_tGKOeZuSVRSvQ/edit?usp=drive_link&ouid=118382668049573891904&rtpof=true&sd=true
