ორგანიზაცია "წინ ახალი შესაძლებლობებისკენ" დაარსდა 2020 წლის იანვარში. მასში გაწევრიანებულია 120-ზე მეტი 17-60 წლის ქალი. ორგანიზაცია მუშაობს ქალთა გაძლიერების, ტოლერანტობის, მრავლფეროვნების მართვის, ადგილობრივი ქალებისა და გოგონების დასაქმების მიმართულებით.
ორგანიზაციის ძირითადი მიზანია რეგიონში მცხოვრები ქალების ჩართულობის გააქტიურება, ადვოკატირების პროცესში მონაწილეობის უზრუნველყოფა, განვითარ
ებასა და დასაქმებაში ხელშეწყობა. აღსანიშნავია, რომ ორგანიზაციის მიერ განხორციელებული პროექტების ფარგლებში, სამიზნე აუდიტორია არის ჯავახეთის რეგიონის განსაკუთრებული საჭიროების მქონე სოფლები, რათა ადგილობრივებს მიეცეთ განვითარებისა და ინტეგრაციის შესაძლებლობა. აქტივობების ძირითადი ბენეფიციარები ქალები არიან.
რეგიონში საქმიანობის უფრო აქტიურად გაგრძელების მიზეზი ქალების მოტივაცია, მონდომება და მედეგობაა, რის შედეგადაც, ისინი აქტიურად ერთვებიან ორგანიზაციის საქმიანობაში და თვითონ ასრულებენ ინიციატორის როლს. აღსანიშნავია ასევე, რომ სხვადასხვა ორგანიზაციებს ეხმარებიან შეხვედრების ორგანიზებაში, მონაწილეების მობილიზაციაში.
ამჟამად, ორგანიზაციამ “წინ, ახალი შესაძლებლობებისკენ“, USAID-ის პროექტის დახმარებით, შეძლო თავისი სამუშაო სივრცის ახალქალაქში გახსნა, სადაც ბენეფიციარ ქალებს აქვთ შესაძლებლობა, დაესწრონ ყველა დაგეგმილ ღონისძიებას, გაკვეთილებს თუ სასწავლო კურსებს. ორგანიზაცია სამომავლოდ უფრო გაფართოებას გეგმავს და ამისთვის აქტიურად მუშაობს. პროექტის ფარგლებში, დაგეგმილია ბევრი აქტივობა: ადვოკატირების კამპანიები ადგილობრივ თვითმმართველობასთან, გასვლითი ღონისძიებები, სასწავლო კურსები და მოსახლეობის ცნობიერების ამაღლების მიზნით, თანატოლგანათლების ფარგლებში დაგეგმილი გასვლითი შეხვედრები ახალქალაქის მუნიციპალიტეტის სოფლებში.
