Diaspora Hasjane

20/08/2026

Nga Hasi në Tottenham, Armend Muslika firmos kontratën e parë profesionale🇦🇱 🇬🇧
Një tjetër histori suksesi me origjinë shqiptare po shkruhet në futbollin anglez. Armend Muslika, i riu me origjinë nga Hasi i Shqipërisë, ka firmosur kontratën e tij të parë profesionale me Tottenham Hotspur, duke hedhur një tjetër hap të rëndësishëm në karrierën e tij sportive.

Lajmi është bërë i ditur nga vetë klubi anglez, i cili, përmes një njoftimi zyrtar, ka uruar 17-vjeçarin për këtë arritje: “We’re delighted to announce that Armend Muslika has signed his first professional contract with the Club. Congratulations, Armend.”
Rrugëtimi i Muslikës është një histori e punës, talentit dhe përkushtimit. I lindur më 8 mars 2009 në Brenogë, njësia administrative Fajzë, në zonën e Hasit Armendi u zhvendos në Angli dhe iu bashkua akademisë së Tottenhamit në moshën 13-vjeçare. Që prej atëherë, ai ka avancuar hap pas hapi në strukturat e klubit, duke spikatur me paraqitjet dhe golat e tij.

Gjatë sezonit 2024/25, me ekipin U16 të Tottenhamit, Muslika shënoi 16 gola, një statistikë mbresëlënëse për një mesfushor. Performancat e tij i dhanë mundësinë të ngjitej në ekipin U18, ku bëri debutimin në fund të atij sezoni.

Sezoni 2025/26 do të ishte edhe më i veçantë për talentin shqiptar. Muslika u shndërrua në një prej lojtarëve kryesorë të Tottenham U18 dhe përfundoi sezonin si golashënuesi më i mirë i ekipit në kampionat, me 15 gola në 24 ndeshje. Një prej paraqitjeve më të spikatura ishte ajo ndaj West Bromwich Albion, ku ai realizoi plot katër gola.

Paralelisht me rrugëtimin në Angli, Armend Muslika ka përfaqësuar edhe Shqipërinë në nivelet e moshave, duke vijuar të mbajë lidhjen me vendin e origjinës.

Sot, në moshën vetëm 17-vjeçare, Muslika ka hedhur hapin e parë drejt futbollit profesionist. Firma me Tottenham Hotspur është një moment i rëndësishëm jo vetëm për të dhe familjen e tij, por edhe për komunitetin shqiptar dhe veçanërisht për Hasin, nga ku ka origjinën familja e tij.

12/08/2026

Pashtriku, krenari e Hasit në fushën e futbollit🇦🇱

Më 26 korrik 2026 u zhvilluan ndeshje miqësore mes ekipit të Pashtrikut dhe ekipit të Kukësit. Grupmoshat U9, U11 dhe U13 zhvilluan paraqitje të shkëlqyera, duke arritur fitore të thella.

Më 31 korrik 2026, Pashtriku u përball në ndeshje miqësore me ekipin e Gjakovës, ku edhe këtë herë grupmoshat U9, U11 dhe U13 treguan nivel të lartë dhe siguruan fitore bindëse.

Një vlerësim të veçantë meriton Ardian Poga, i cili po bën një punë të shkëlqyer me ekipet e moshave, së bashku me Albert Harhullen. Përkushtimi, puna dhe profesionalizmi i tyre po japin rezultate të dukshme dhe po ndihmojnë në formimin e një brezi të ri futbollistësh hasjanë.

⚽️ Djemtë hasjanë po na bëjnë krenarë me përkushtimin, talentin dhe rezultatet e tyre.

👏 Urime Pashtrikut dhe të gjithë atyre që po kontribuojnë në zhvillimin e këtyre të rinjve!

Suksese të mëtejshme, kampionë! 💪🏆

10/08/2026

Gjallica — luksi i vërtetë është natyra 🌄✨

Pamje që nuk blihen, ajër që nuk zëvendësohet, qetësi që nuk gjendet askund tjetër…
Nga Hasi dhe Kukësi, kjo është arratisja perfekte për shpirtin.

Minimal, i pastër, i paharrueshëm. 🤍

03/08/2026

𝗠𝗯𝗶𝗲𝗺𝗿𝗮 𝗳𝗮𝗺𝗶𝗹𝗷𝗲𝘀𝗵 𝗻𝗲̈ 𝗚𝗷𝗮𝗸𝗼𝘃𝗲̈ 𝗺𝗲 𝗽𝗿𝗲𝗷𝗮𝗿𝗱𝗵𝗷𝗲 𝗻𝗴𝗮 𝗛𝗮𝘀𝗶

Gjakova, si një ndër qytetet kryesore të Rrafsh*t të Dukagjinit, përfshin sot 22 fshatra të regjionit të Hasit, por historikisht ka qenë e lidhur ngushtë me shumicën e fshatrave të Hasit që sot ndodhen në Shqipëri.

Përveç lidhjeve gjeografike, kulturore dhe ekonomike, kjo lidhje pasqyrohet edhe në mbiemrat e shumë familjeve gjakovare me prejardhje nga Hasi. Shumica e tyre janë vendosur në Gjakovë nga vitet 1700 deri rreth vitit 1940. Edhe më vonë ka pasur lëvizje, por jo gjithmonë është ruajtur mbiemri i fshatit të origjinës.

Ruajtja e mbiemrit të fshatit ka shërbyer si një mënyrë për të identifikuar prejardhjen dhe për të mbajtur gjallë kujtesën familjare ndër breza.

Në Gjakovë hasim këta mbiemra me prejardhje nga Hasi:
Hasi, Dobruna, Doli, Kusari, Zhubi, Deva, Lipoveci, Rogova, Gërçina, Bistrazhini, Gola, Leti, Gjini, Qarri, Godeni, Qurdina, Kruma, Romaja, Cahani, Nikoliqi, Raça, Perteshtani, Firza, Kabashi, Spahija, Domi, Zarari, Hoxha, Dashi, Zuka, Saliuka, Kosturi, Duraku, Myha, Gaxha, Perolli, Helshani, Zymi, Olloni (Nerjovaj).

Po ashtu edhe: Hoda, Guta, Tanushi, Vorfi – të cilët janë gjithashtu me prejardhje nga Hasi.

Shumë familje vazhdojnë të njohin farefisin dhe përkatësinë e tyre fisnore. Për shembull, familjet Dobruna dhe Doli i përkasin fisit Gashi.

Një dëshmi e gjallë e lidhjeve historike dhe identitetit tonë të përbashkët.

31/07/2026

Bashkia Has fiton betejën e reformës territoriale – projektligji i PS-së e ruan atë si njësi më vete

Mobilizimi historik nga Londra në Tiranë i “Diasporës Hasjane” që mbrojti identitetin e Hasit.
Socialistët kanë depozituar në Kuvend projektligjin për ndarjen e re administrativo-territoriale, i cili parashikon uljen e numrit të përgjithshëm të bashkive nga 61 në 46. Por në këtë hartë të re, Bashkia Has nuk zhduket – ajo vazhdon të ekzistojë si njësi më vete, duke i dhënë fund spekulimeve dhe shqetësimeve të muajve të fundit.
Projektligji i cili pritet të kalojë në procedurat parlamentare, përcakton qartë ndarjen e re territoriale të njësive të qeverisjes vendore. Sipas tij, Republika e Shqipërisë do të organizohet në 46 bashki dhe 12 qarqe.
Sipas tabelave bashkëlidhur projektligjit të siguruar nga “Diaspora Hasjane”, Qarku Kukës do të organizohet me 3 bashki (Kukës, Has, Tropojë), 3 qytete dhe 27 njësi administrative.
NJË BETEJË E GJATË E “DIASPORËS HASJANE“
Ky rezultat nuk erdhi rastësisht. Muaj me radhë, Diaspora Hasjane dhe komuniteti hasjan në përgjithësi kanë kundërshtuar me vendosmëri çdo mundësi të shkrirjes së bashkisë, duke parashtruar qindra argumente për ruajtjen e saj. Ata kanë qenë një zë i fuqishëm jo vetëm brenda Shqipërisë, por edhe përtej kufijve, me përfaqësuesit e tyre në Londër dhe Tiranë.

Diaspora Hasjane shpreh falenderimin e sinqertë për marrjen në konsideratë të kërkesave të saj dhe vlerëson angazhimin e çdo anëtari të komunitetit që u bashkua në këtë qëndresë disa-mujore. Kjo fitore është dëshmi se zëri i diasporës dhe i komunitetit, kur është i bashkuar dhe i argumentuar, dëgjohet dhe respektohet.

Shkrimin e plote e gjeni tek website:

BASHKIA HAS FITON BETEJËN E REFORMËS TERRITORIALE – PROJEKTLIGJI I PS-SË E RUAN ATË SI NJËSI MË VETEJuly 30, 2026

30/07/2026

🇦🇱Hasi nuk shkrihet: pas lobimit nga Diaspora Hasjane, Bashkia Has mbetet njësi më vete në reformën territoriale.

Bashkia Has pritet të vijojë të mbetet njësi më vete në hartën e re administrativo-territoriale, pas një procesi të fortë lobimi dhe ndërhyrjesh në kuadër të diskutimeve për reformën që po zhvillohet në vend.

Reforma territoriale, e cila synon rishikimin e ndarjes aktuale të bashkive, ka sjellë në tryezë disa skenarë, përfshirë edhe reduktimin e numrit të tyre. Në këtë kontekst, bashkitë e vogla dhe me varësi të lartë nga buxheti i shtetit janë konsideruar ndër më të rrezikuarat për t’u bashkuar apo shkrirë.

Mes tyre u përmend edhe Bashkia Has, e cila në fazat paraprake të diskutimeve u konsiderua si një nga njësitë që mund të prekej nga ndryshimet e reja territoriale. Megjithatë, zhvillimet e fundit tregojnë se pas përpjekjeve të përfaqësuesve lokalë dhe ndërhyrjeve në nivele vendimmarrëse, është arritur që Hasi të mos humbasë statusin e tij si bashki më vete.

Argumentet kryesore në favor të ruajtjes së Bashkisë Has lidhen me identitetin e fortë territorial, specifikat gjeografike dhe nevojën për të ruajtur përfaqësimin lokal në një zonë me karakteristika të veçanta.

Ndërkohë, procesi i reformës territoriale vijon të mbetet në fazë diskutimesh dhe konsultimesh publike, pa një vendim përfundimtar të miratuar. Megjithatë, rasti i Hasit shihet si një shembull i ndikimit që mund të kenë ndërhyrjet dhe lobimi lokal në përcaktimin e hartës së re administrative.

Nëse drafti final do të reflektojë këto zhvillime, Bashkia Has pritet të vijojë të funksionojë si njësi e pavarur vendore edhe në reformën e re.

27/07/2026

“FABULA TË ZGJEDHURA” – NJË THESAR I MENDJES POPULLORE NGA SHKURTE MULA

450 fabula, 500 aforizma dhe një dashuri e pashuar për tokën, gjuhën dhe njerëzit e Hasit.
Në një kohë kur zëri i traditës po zbehet në zhurmën e përditshme, ka ende njerëz që zgjedhin të jenë roje të saj. Një prej tyre është Shkurte Mula, mësuesja e muzikës nga Helshani i Hasit, e cila përmes librit të saj “Fabula të zgjedhura” (i njohur ndryshe edhe si “Fjala”) sjell një kontribut të rrallë për kulturën shqiptare. Ky artikull synon të hedhë dritë mbi këtë vepër dhe figurën e autores, duke analizuar fragmente nga fabulat dhe duke eksploruar rëndësinë e tyre në ruajtjen e trashëgimisë kulturore të Hasit.

Libri përmban fabula, të shkruara me mjeshtëri dhe të pasura me dinamikë, larmi tematikash, freski dhe satirë. Në kopertinë, autorja i dedikon veprën nxënësve të saj me vargjet prekëse:
“Një jetë me ju nxënës punova,�Ju kam mësuar e më keni mësuar,�Ndaj këtë libër të vogël mendova�Juve për t’ua dedikuar.”
Ky dedikim tregon qartë se libri nuk është thjesht një koleksion fabulash, por një testament i një marrëdhënieje të gjatë e të thellë mes mësueses dhe nxënësve të saj.
Rëndësia kulturore e veprës
Libri “Fabula të zgjedhura” nuk është thjesht një koleksion fabulash. Ai është një akt rezistence kulturore. Mesuesja Shkurte Mula merr përsipër misionin e ruajtjes së saj. Ajo e bën këtë jo si një akademike e ftohtë, por si një grua që e ka jetuar atë traditë në çdo qelizë të trupit të saj.
Shkrimin e plote e gjeni ne website:

NËNKRYETARI I “DIASPORËS HASJANE”: TË NDËRTOJMË NJË KOMUNITET TË BASHKUAR, PA HARRUAR KURRË RRËNJËT TONAJuly 13, 2026

20/07/2026

Hasi i vallës, këngës e veshjes së bukur
Nje deshmi e studiuesit R. Bogdani mbi pasurine e jashtezakonshme të kulturës hasjane
Një studim i realizuar në vitin 1971 nga studiesi R. Bogdani në fshatrat e Hasit, në Shqiperi dhe në Kosove, vlereson
lart kulturën hasjane dhe e pershkruan ate me nje
hollësi te veçante, sidomos në lidhje me veshjet, vallet dhe
këngët e Hasit. Më poshte po citojme disa pjese nga
karakteristikat e vallëzimit hasjan.
Vallet e kësaj krahine marrin perparesi, sepse, duke pasur nje shtrat te njesuar, bejne jete artistike folklorike brenda dhe jashte kufijve te sotem shteterore. Kërcimet njeshe (si për burrat, ashtu edhe per grate perbejne dukurine me tipike e më të kristalizuar. Ka rëndësi te theksohet se struktura e tyre, ashtu si e tëre vallezimeve te këtij sistemi, kudo ku praktikohen, eshte elastike dhe lejon improvizimin dhe spontanitetin dhe nje thurrje të motiveve e figurave koreografike. Megjithatë, ato
kanë nje baze karakteristike hasjane, që i dallon, ne njefare
mase, nga vallet e krahinave fqinje.
Në Has, vallet e grave, në krahasim me ato të burrave, janë më të shumta në numër dhe më te begata në aspektin krijues dhe
interpretues, sepse dallohen sidomos për shprehesine dhe lëvizjet e lishme. Si të tilla, ato gjejne praktikim më te dendur.Zakonisht vendasit perdorin per to emertimin “kercim” ose “kërcim grash”.
Kërcimet e grave të Hasit dallohen për tre tipare kryesore. Së pari, forma më e hershme dhe origjinale është vallëzimi nga një grua e vetme. Së dyti, në dasma, tradita kërkon që të kërcejnë të parat “bijat” e shtëpisë, të cilat spikasin për energjinë dhe këndimin më të fortë. Së treti, ndërthurja e valltares me reagimin e të pranishmëve, e shoqëruar me këngë dhe e ndjekur sipas një rendi të caktuar, e ka shndërruar këtë vallëzim në një formë të plotë artistike me karakter spektakli popullor.

18/07/2026

Elena Dajçi: Një vizion për Hasin dhe botën

Nga suksesi në Cambridge drejt kontributit për vendlindjen

Kur një vajzë nga Hasi arrin të trokasë në portat e Universitetit të Kembrixhit, historia e saj nuk është vetëm një arritje personale, por një frymëzim për çdo të ri shqiptar që ëndërron të madhe. Elena Dajçi, me përkushtimin dhe pasionin e saj për letërsinë, ka dëshmuar se prejardhja nuk përcakton kufijtë e suksesit, por se puna dhe vullneti janë ata që hapin dyert e botës. “Diaspora Hasjane” me krenari sjell rrugëtimin e saj!

Fëmijëria dhe fillesat: Pasioni për leximin

Historia e Elenës fillon aty ku fillojnë shumë ëndrra të mëdha: me një libër në dorë.

“Që nga fëmijëria kam pasur pasion për leximin dhe letërsinë. Rrugëtimi im filloi pikërisht këtu, sepse gjithmonë kam pasur rezultate të shkëlqyera në letërsi. Për ata që e dëgjojnë historinë time për herë të parë, do të thosha se leximi është vendi ku fillon akademia dhe të mësuarit. I inkurajoj të lexojnë çfarëdo lloj librash që u zgjojnë interesin.”

Kjo dashuri për fjalën e shkruar do të ishte shtylla kryesore e një udhëtimi që do ta çonte atë shumë përtej kufijve të vendlindjes.

Vendimi për të aplikuar në Cambridge

Shpesh, për të ecur përpara, mjafton një zë që të thotë “ti mundesh”. Për Elenën, ky zë ishte i nënës së saj.

“Përpara se të vendosja të aplikoja në Cambridge, nuk e kisha menduar fare këtë mundësi, sepse e konsideroja veten jo aq të aftë për të studiuar në një institucion të tillë. Por mami më shtyu të aplikoja, sepse besonte në zgjuarsinë time dhe në aftësitë e mia për të punuar fort.”

Shkrimin dhe historine e plote te Elenes e gjeni tek website:

NËNKRYETARI I “DIASPORËS HASJANE”: TË NDËRTOJMË NJË KOMUNITET TË BASHKUAR, PA HARRUAR KURRË RRËNJËT TONAJuly 13, 2026

14/07/2026

Nënkryetari i “Diasporës Hasjane”, z. Max (Misin) Dajci, ndan vizionin e tij për forcimin e komunitetit, ruajtjen e identitetit hasjan, angazhimin e brezit të ri dhe rolin që diaspora mund të luajë në zhvillimin e Hasit, duke e kthyer solidaritetin në veprime konkrete në shërbim të njerëzve.

Pas çdo organizimi të suksesshëm, çdo nisme humanitare dhe çdo aktiviteti që afron hasjanët me njëri-tjetrin, qëndron puna e njerëzve që e shohin shërbimin ndaj komunitetit si mision. Njëri prej tyre është nënkryetari i “Diasporës Hasjane”, z. Max (Misin) Dajci, i cili e konsideron këtë përgjegjësi jo si një detyrë, por si një privilegj dhe një obligim moral ndaj vendlindjes dhe njerëzve të saj.

Për z. Dajci, angazhimi në drejtimin e “Diasporës Hasjane” mbart një domethënie të veçantë.

“Është një përgjegjësi e madhe morale dhe një privilegj të vendosësh veten në shërbim të komunitetit tënd.”

Ky është edhe parimi që ka udhëhequr angazhimin e tij gjatë këtij viti, një periudhë e mbushur me iniciativa që kanë forcuar lidhjet mes hasjanëve dhe kanë dëshmuar se diaspora mund të jetë një forcë e rëndësishme zhvillimi dhe solidariteti.

Sipas tij, lidhja e hasjanëve me vendlindjen nuk është krijuar nga rrethanat, por buron natyrshëm nga identiteti dhe trashëgimia e tyre.

“Lidhja me vendlindjen është diçka natyrale që vjen nga shpirti. Ajo ushqehet nga respekti i ndërsjellë mes anëtarëve të komunitetit dhe nga vlerat e larta që kemi trashëguar brez pas brezi.”

Këto vlera vazhdojnë të jenë forca që mban të bashkuar komunitetin.

“Sinqeriteti, ndershmëria, mikpritja dhe vullneti për të ndihmuar njëri-tjetrin.”

Një vend të rëndësishëm në vizionin e tij zë brezi i ri. Ai beson se të rinjtë do ta çojnë përpara misionin e “Diasporës Hasjane”, duke e zhvilluar edhe më tej atë.

Shkrimin e plote e gjeni tek website:

NËNKRYETARI I “DIASPORËS HASJANE”: TË NDËRTOJMË NJË KOMUNITET TË BASHKUAR, PA HARRUAR KURRË RRËNJËT TONAJuly 13, 2026