23/06/2026
മുഹറം
മനുഷ്യകുലത്തിന്റെ നിർണ്ണായക ചരിത്രസംഭവങ്ങൾക്ക് സാക്ഷിയായ വിശേഷ മാസമാണിത്. വിശ്വാസദൃഢതയുടെ അനശ്വര വിജയവും സത്യനിഷേധത്തിന്റെ ആത്യന്തിക പതനവും മുഹറം സമ്മാനിക്കുന്ന ആത്മീയ പാഠങ്ങളാണ്. ജീവിതത്തിൽ അഭിമുഖീകരിക്കേണ്ടി വന്നേക്കാവുന്ന സകല പരീക്ഷണങ്ങൾക്ക് മുന്നിലും സഹനശീലരായി ഇലാഹിൽ പ്രതീക്ഷയർപ്പിച്ച് മുന്നോട്ടു സഞ്ചരിക്കാനായാൽ വിജയം സുനിശ്ചിതമായിരിക്കുമെന്നാണ് മുഹറം നൽകുന്ന സന്ദേശം. ജീവിത്തിലെ കഠിനമായ പരീക്ഷണങ്ങളിൽ നിന്ന് രക്ഷയുടെ തീരത്തേക്കണഞ്ഞ മൂസ(അ), യൂനുസ്(അ), നൂഹ്(അ), ഇബ്രാഹിം(അ), യൂസുഫ്(അ), അയ്യൂബ്(അ) തുടങ്ങിയ പ്രവാചകന്മാരുടെ ചരിത്ര സംഭവങ്ങൾ പറയുന്ന മുഹറം വിശ്വാസിയുടെ പ്രതീക്ഷയുടെ തുരുത്താണ്.
അനുഗ്രഹങ്ങളുടെ കഥ പറയുന്ന മുഹറമിന്റെ പവിത്രമേറിയ താസുആ, ആശൂറാ ദിവസങ്ങളിൽ നോമ്പെടുക്കൽ പ്രത്യേക സുന്നത്താണ്. ഈ പവിത്ര ദിന രാത്രങ്ങളെ നന്മകൾ കൊണ്ട് വർണ്ണാഭമാക്കുവാൻ ഹബീബുമാർ ശ്രമിക്കുമല്ലോ.
🎯 www.instagram.com/rscengland
🎯 www.facebook.com/rscengland
💚💙
