Pakistani Christian Community Of Europe "Unity"

21/05/2026

انتہائی دُکھ اور افسوس کے ساتھ اطلاع دی جاتی ہے کہ ہمارے عزیز دوست آفتاب بھٹی صاحب کی اہلیہ اس دنیا سے وفات پا گئی ہیں۔ ✝️

ہم اس غم کی گھڑی میں آفتاب بھٹی صاحب اور اُن کے تمام اہلِ خانہ کے ساتھ دلی ہمدردی اور تعزیت کا اظہار کرتے ہیں۔
خداوند مرحومہ کو اپنے ابدی سکون میں جگہ عطا فرمائے اور خاندان کو یہ صدمہ برداشت کرنے کی ہمت، صبر اور تسلی دے۔ آمین۔

آپ سب سے مرحومہ کے لیے دعا کی درخواست ہے۔ 🤍

02/05/2026

یورپ میں رہنے والے پاکستانی مسیحیوں کے لیے پیغام

30/04/2026

سٹراسبرگ، فرانس میں یورپی پارلیمنٹ کے سامنے پاکستانی مسیحیوں کے حق میں ایک پُرامن احتجاج کیا گیا۔
اس پروٹیسٹ کا مقصد پاکستان میں مسیحی برادری، خاص طور پر معصوم بچیوں کے ساتھ ہونے والی زیادتیوں کے خلاف آواز بلند کرنا اور انصاف کا مطالبہ کرنا تھا۔

مظاہرین نے انسانی حقوق کی پاسداری، مذہبی آزادی اور اقلیتوں کے تحفظ کے لیے عالمی برادری کی توجہ اس سنگین مسئلے کی طرف مبذول کروائی۔
ہم سب کا یہ پیغام ہے کہ ظلم کے خلاف آواز اٹھانا ہم سب کی ذمہ داری ہے۔

26/04/2026

📢 اہم اعلان | Important Announcement

✨ اردو اور ہندی چرچ کی جانب سے آپ سب کو خوش آمدید ✨

آج شام 6 بجے ایک خصوصی عبادت کا پروگرام رکھا گیا ہے۔

اس بابرکت موقع پر ہم خدا کی خادمہ پاسٹر غزالہ شفیق صاحبہ اور خدا کے خادم پاسٹر شفیق صاحب کو خوش آمدید کہتے ہیں، جو ہمارے درمیان خدا کا کلام شیئر کریں گے۔

🙏 آپ سب کو دعوت دی جاتی ہے کہ آئیں، شامل ہوں اور خدا کی برکتیں حاصل کریں۔

📍 سب مل کر عبادت کریں اور روحانی فیض پائیں

24/04/2026

سندھ اسمبلی کے ڈپٹی اسپیکر جناب انتھنی نوید سہوترا صاحب کا فرانس آمد پر پرتپاک استقبال کیا گیا۔ اس موقع پر ان کی پاکستانی کرسچن کمیونٹی فرانس کے ساتھ ایک اہم ملاقات منعقد ہوئی۔

اس ملاقات میں پاکستانی چرچز کے لیڈران، مذہبی رہنما اور کمیونٹی کے نمائندگان نے بالخصوص شرکت اختیار کی۔ تمام شرکاء نے متحد ہو کر کمیونٹی کے مسائل، حقوق اور باہمی یکجہتی پر گفتگو کی اور ایک مضبوط آواز کے ساتھ آگے بڑھنے کے عزم کا اظہار کیا۔

اس ملاقات کا بنیادی مقصد فرانس میں پاکستانی کرسچن کمیونٹی کے اتحاد کو فروغ دینا، ایک مضبوط یونٹی قائم کرنا اور یہاں پر رہنے والے تمام مسیحیوں کے درمیان اتفاقِ رائے پیدا کر کے کمیونٹی کو مزید مضبوط بنانا تھا

اس موقع پر جناب ڈینیل مسیح سہوترا ، ایلڈر انصر فاروق، پرستار ہارون مسیح ،کمال چغتائی ایڈوکیٹ و ہائی کورٹ، (سابق ایم پی اے)، پرستار عارف مسیح سہوترا، پرویز کھوکھر، کرسٹوفر ڈیوڈ ،ذیشان نذیر، فاروق مسیح ، ذیشان رندھاوا، مانی سیم، نواز بھائی، فرانسس بھائی، فرانسس زیویئر، نعیم بھائی، خرم گل اور وسیم مسیح نے خصوصی طور پر شرکت کی

یہ ملاقات پاکستانی مسیحی برادری کے اتحاد، بیداری اور اپنے حقوق کے لیے جدوجہد کی ایک خوبصورت مثال ہے

24/04/2026

🇫🇷✝️ Unity for Justice – Pakistani Christian Community in France

تمام تعریف خداوند کے نام!

فرانس میں مقیم تمام پاکستانی چرچوں کے لیڈران اور کمیونٹی کے نمائندگان نے پاکستان میں مسیحیوں پر ہونے والے ظلم و ستم کے خلاف ایک مضبوط اور متحد آواز اٹھانے کے لیے اتحاد کر لیا ہے۔

یہ اتحاد اس بات کی علامت ہے کہ ہم سب ایک ہیں، اور اپنے بھائیوں اور بہنوں کے حقوق، تحفظ اور انصاف کے لیے خاموش نہیں رہیں گے۔

اسی سلسلے میں سندھ اسمبلی کے ڈپٹی اسپیکر، انتھنی نوید سہوترا صاحب کو فرانس مدعو کیا گیا، جہاں فرانس کی پاکستانی کرسچن کمیونٹی کی جانب سے انہیں باضابطہ طور پر ایک تحریری پٹیشن پیش کی گئی۔ اس پٹیشن میں مطالبہ کیا گیا کہ پاکستانی مسیحیوں کے حقوق، تحفظ اور انصاف کے لیے پارلیمنٹ میں مؤثر آواز اٹھائی جائے۔

یہ پروگرام ڈینیئل مسیح سہوترا کے ساتھ مل کر تمام پاکستانی کرسچن کمیونٹی فرانس نے آرگنائز کیا، جس کا مقصد پاکستانی مسیحیوں کے لیے متحد ہو کر آواز اٹھانا اور ان کے حقوق کے لیے جدوجہد کرنا ہے۔

ہم ڈپٹی اسپیکر انتھنی نوید سہوترا صاحب کے بے حد شکر گزار ہیں کہ انہوں نے قیمتی وقت نکال کر فرانس کا دورہ کیا اور پاکستانی کرسچن کمیونٹی فرانس یونٹی میں آ کر شمولیت اختیار کی، تمام معاملات کو سنا اور ان پر توجہ دی۔

ہم سب نے مل کر پاکستان کے اعلیٰ عہدے داران تک اپنی آواز پہنچائی ہے تاکہ مسیحی برادری کے ساتھ ہونے والی ناانصافیوں کو روکا جا سکے اور ان کے بنیادی حقوق کو یقینی بنایا جا سکے۔

✊ ہم متحد ہیں
📢 ہم آواز اٹھا رہے ہیں
🙏 ہم انصاف کے لیے کھڑے ہیں

20/04/2026

05/04/2026

"He is not here, He has risen” Matthew 28:6 ✝️