31/10/2025
22. oktober funnu 5 av limum okkara vegin til Essen í týsklandi í sambandi við heimsins størstu brettspælsmessu: SpielEssen.
(Sambært fyriskiparanum av messuni, luttóku heili 220.000 gestir tilsamans!)
Ferðin vardi 5 dagar til og við 26. oktober, og Jákup frá ferðalagnum sigur soleiðis frá upplivingini:
Tiltakið var risastórt, og longu tá vit settu fót innum dyrnar á messubygninginum, gekk upp fyri okkum, at tað ikki fór at vera gjørligt at náa at síggja alt - tó fekst nógv burturúr og hugnaðu vit okkum stak nógv.
Á messuni vóru alskyns nøvn innan brettspælsídnaðin, bæði stór sum smá - Vit hittu m.a. listafólk handan Magic the Gathering-kortum og skaparum av ymsum brett- og rolluspølum. Nógv var gjørt burturúr hjá ymsu spælmakarunum, og eisini var møguleiki at royna mong av teimum nýggju spølunum - harímillum tey spildrnýggju spølini, ið vóru givin út á tiltakinum. Hvønn dag var nógv at síggja, og endaðu vit altíð við hendum og posum fullir av spølum.
Fyrsti dagurin var heilt vist tann mest minnisverdi; so at siga allur dagurin var lagdur av til messuna, og vóru vit eisini stødd har til tað lat aftur. Nógv onnur høvdu havt sama hugskot sum vit, og tá tað var tíð at finna vegin aftur til parkeringsplássi, har bilurin hjá okkum stóð, mundi vit mist hvønn annan burtur í hópinum av vitjandi. Tað regnaði nakað illa tann dagin, og fjøldin til bussarnar, ið koyrdu til Parkeringøkið, var so mikið tøtt, at vit vóru sum sild í dós. Fólk fluttu seg sum streymur í á, og hvørja ferð ein bussur kom, var man togaður við streyminum. Tá tað at enda var okkara túrur at sleppa umborð, gekk skjótt upp fyri okkum at ikki øll av okkum sloppu við, men tá var longu ov seint; Mannamúgvan skolaði helvtina av okkum inn í bussin, meðan restin stóðu hjálparleys eftir í regninum. Tann, ið hevði billyklarnar var ein teirra, og sum í einum filmi, róptu vit eftir at fáa billyklarnar kastaðar til okkum, men tá var farið. Endin var at helvtin av okkum stóðu eftir uttanfyri messuna, og hin í einum busskýli í illveðrinum og bíðaðu. Eitt kalt fornøjelse, men alt tað sama ein partur av upplivingini, sum vit heilt vist fara at minnast!
Í samband við hendan túrin, hava vit ogna okkum hópin av nýggjum borðspølum, sum eru at finna í hølunum hjá Hollywood. Hesi spøl (og mong onnur) kunnu roynast komandi leygardag til Game Night í Hollywood,
