12/02/2024
Akeai 1: 4-10
4. Sa kena gauna beka mo dou tiko ena veivale vivinaka, ia na Noqu vale me sa rusa laivi ga?"
5 O koya oqo sa tukuna o Jiova ni lewe vuqa: "Dou raica mada na nomudou i valavala!
6 "Dou sa kaburaka vakalevu, ia dou sa kumuna vakalailai ga; dou sa kana ia sa sega ni levu na kakana; dou sa gunu, sa lailai ga na ka me gunuvi; dou sa vakaisulu, sa sega ga na katakata; vei kemudou sa vaka i lavo tiko, dou sa biuta tikoga ki na taga sa kabasu tu."
7 Sa tukuna vaka oqo o Jiova ni lewe vuqa, "Dou raica mada na nomudou i valavala!
8 "Dou lako cake ki na ulunivanua ka kauta sobu mai na kau ka tara na noqu vale, me'u marau kina ka vakacerecerei kina," sa tukuna o Jiova.
9 "Dou sa vakasaqara me levu, ia e lailai ga sa kune, ni dou sa kauta mai vale na ka sa kune, ka au sa uvuca tani, baleta li na cava." Sa tukuna o Jiova ni lewe vuqa, "Ni sa rusa tiko na noqu vale, ka dou sa dui cici ga ki na nona dui veivale.
10 "O koya oqo sa tasogo kina o lomalagi ena kena tegu, kei vuravura sa tasogo tu ena kena vuata.
Ni sa bula vinaka na Lewe ni Yavusa Ko Muaicakolau
E na yaca saka ni kalou na tamada kei na luvena kei na yalotabu . Au vakabula saka tiko yani vei keda kece sara ena mataka ni kua.
Ko ni na raica sa mai qaravi toka na bose ni komiti ni valenilotu ka liutaka toka na turaga na Tuirara Pita Ledua. Sa mai bosei kina na kena na mai vaka tiles taki na loma ni valenilotu kei na kena vakaidabedabetaki me i dabedabe kau.
Sa vo saka tiko vakalailai me rawati kece na isau vakailavo ni Project ni kena na tiles taki na valenilotu.
Au sa veisureti veikeda kece ena sasaga oqo ke tu na nomuni kauwai kei na cau ena vuku ni Project oqo ni qai Tarai rau ga mai na Turaga Tuirara kei na Dauniyau.
Sa na nanumi me na tekivutaki na cakacaka oqo ena vula ko Jiune ena yabaki saraga oqo.
Ni kalougata ka qaqa.
Jolame Cakacaka
Dauniyau ni Valenilotu.
