YIELD Ethiopia-ዪልድ ኢትዮጵያ

05/06/2026

እንኳን ለዓለም የአካባቢ ጥበቃ ቀን በሰላም አደረሳችሁ! 🌍🌱
YIELD የጋራ ቤታችን (ምድር) ከሰው ልጅ ክብር ጋር የተሳሰረ ነው ብለን እናምናለን። የአካባቢ መራቆትና የውሃ እጥረት የኢኮሎጂ ችግር ብቻ ሳይሆን፣ ለትምህርት፣ ለምግብ እና ለሰላም ትልቅ እንቅፋት ነው። ምድራችን ሲጎዳ መጀመሪያ የሚጎዱት ደግሞ ህፃናቶቻችንና ሴቶቻችን ናቸው። በዚህ ምክንያት እኛ "Integral Ecology" ወይም ሁሉን አቀፍ የአካባቢ ጥበቃ መርህ ላይ ተመስርተን የውሃ አቅርቦት ስርዓቶችን በመገንባት፣ የአየር ንብረትን የሚቋቋሙ የጓሮ አትክልቶችን በማስተዋወቅ፣ እንዲሁም ወጣቶቻችንን የአካባቢ ጥበቃ መሪዎች እንዲሆኑ በማድረግ እየሰራን እንገኛለን። የምንኖርባትን ምድር መፈወስ የፍትህ ጥያቄ ነው። በጋራ ቤታችን ውስጥ ተስፋን፣ ክብርንና ዘላቂ ለውጥን ለመገንባት ከእኛ ጋር ይተባበሩ።
#የዓለምየአካባቢጥበቃቀን #የጋራቤታችን #ኢትዮጵያ #ዘላቂልማት Ecology

25/05/2026

የአፍሪካ አንድነት 63 ዓመት ማስቆጠሩ ትልቅ ታሪካዊ ስኬት ነው። ነገር ግን ዛሬ አፍሪካ ቀንን ስናከብር ከበዓሉ በላይ ራሳችንን የምንጠይቅባቸው ጥያቄዎች አሉ። የፖለቲካ ነፃነት ቢመጣም፣ አብዛኞቹ የአፍሪካ ሀገራት አሁንም በኢኮኖሚ ጥገኝነት፣ በድህነት፣ በስራ አጥነት፣ በግጭት እና የራሳቸውን ሀብት በራሳቸው ለመቆጣጠር በሚያስቸግሩ ስርዓቶች ውስጥ እየኖሩ ነው።

አፍሪካ በተፈጥሮ ሀብት፣ በወጣት ኃይል፣ በባህል፣ በእውቀት እና በተፈጥሮ አቅም የተባረከች አህጉር ናት። ነገር ግን አሁንም ብዙ ሚሊዮኖች ለትምህርት፣ ለጤና፣ ለምግብ ዋስትና እና ለሕይወት እድሎች ተደራሽነት የላቸውም።

በYIELD Ethiopia እኛ የምናምነው፣ የሚቀጥለው የአፍሪካ ነፃነት ትግል በኢኮኖሚ፣ በትምህርት፣ በቴክኖሎጂ እና በእውቀት መስኮች መሆን አለበት። አፍሪካ ስለራሷ መናገር አለባት። አፍሪካን የሚመሩት አፍሪካውያን መሆን አለባቸው። የአፍሪካ ችግሮች መፍትሄ ከአፍሪካ ልጆች መምጣት አለበት።

63 ዓመትን ማክበር አስፈላጊ ነው፤ ግን በዚያ ብቻ ማቆም አይበቃም። እውነተኛው ክብር ለአፍሪካ መስራቾች የምንሰጠው፣ ወጣቶች ዕድል የሚያገኙባት፣ ሀብቷ ለሕዝቦቿ የሚጠቅምባት፣ ክብር እና ፍትህ የሚገኙባት አፍሪካን በመገንባት ነው።

መልካም የአፍሪካ ቀን!

21/05/2026

የኢትዮጵያ ካቶሊካዊት ቤተክርስቲያን የኢትዮጵያውያን ስደተኞችን ሰብዓዊ ክብር እና ሕይወት በተመለከተ የተላለፈ ሐዋርያዊ ጥሪ

“ምሕረት የሚያደርጉ ብፁዓን ናቸው፤ ምሕረትን ያገኛሉና”. (ማቴ 5:7)

ለፖለቲካ መሪዎች፣ የሃይማኖት መሪዎች፣ የሰብአዊ መብት ድርጅቶች፣ የሰብዓዊ መብት ተሟጋቾች፣ ሚዲያዎች እና በጎ ፈቃድ ላላቸው ሰዎች ሁሉ

የተከበራችሁ ወንድሞች እና እህቶች

እኛ የኢትዮጵያ ካቶሊክ ጳጳሳት በመላው አለም ስለሚገኙ ኢትዮጵያውያን ስደተኞች ወቅታዊ ሁኔታች እንዳሳሰበን ለመግለጽ እንፈልጋለን። በአገራችን በሚሊዮን የሚቆጠሩ ወጣት ወንዶችና ሴቶች አገራቸውን ለቀው የሚወጡት ለአገራቸው ፍቅር በማጣት ሳይሆን፣ የተሻለ የሥራ ዕድል እና የኑሮ ሁኔታ በመፈለግ ነው። ተነሳሽነታቸው እጅግ ሊከበር የሚገባው እና መስዋዕትነት የሚጠይቅ ነው፤ ይህም ህይወታቸውን ለማሻሻል፣ ቤተሰቦቻቸውን ለመደገፍ እና በመጨረሻም ለአገራቸው እድገት አስተዋጽኦ ለማድረግ ነው። ነገር ግን እጅግ በሚያሳዝን ሁኔታ፣ ስደተኞቻችን የሚያስፈልጋቸውን ሰብዓዊ ክብር ከማግኘት ይልቅ በመዋቅራዊ ብዝበዛ፣ በፍርሃት፣ በገለልተኝነት እና በከባድ ተጋላጭነት ወጥመድ ውስጥ ይገባሉ። ሁኔታቸው ምንም ያህል ተስፋ አስቆራጭ ቢሆንም፣ ቅዱስ የሆነው ሰብአዊ ክብራቸው ግን በድንበር፣ በሕጋዊ ሁኔታ ወይም በኢኮኖሚ ስርዓት ችላ ሊባል ወይም ሊጠፋ አይችልም።

የካቶሊካዊት ቤተክርስቲያን ትምህርተ ክርስቶስ እንዲህ ይላል፤ “በኢኮኖሚ የበለጸጉ መንግስታት፣ ሰዎች በትውልድ አገራቸው ጸጥታንና ለመተዳድሪያ የሚሆን ገቢ በማጣታቸው ወደ አገራቸው ሲገቡ ተቀብለው የተቻላቸውን እርዳታ መስጠት አለባቸው” (CCC 2241)። ይህ ትምህርት ስደተኞች እንደ ውጭ ወይም እንደሸክም መታየት እንደሌለባቸው ይልቁንም እንደ ወንድምና እህት ሰብዓዊ ክብራቸው ሊከበርና ሊጠበቅ እንደሚገባ ያስተምረናል።
ይሁን እንጂ፣ ብዙ ስደተኞች በስደት ጉዟቸው ወቅት ከባድ ፈተናዎች ያጋጥሟቸዋል፤ በእጅጉም ይሰቃያሉ። እኛም ከዚህ በታች የተገለጹትን ቁልፍ የስደት መዳረሻዎች እና ወንድሞቻችን እና እህቶቻችን የሚያጋጥሟቸውን ተያያዥ ችግሮች ተመልክተናል።

1) አንዳንድ የመካከለኛው ምስራቅ አገሮች፡-
• ሳውዲ አረቢያ፡- በሳውዲ አረቢያ መንግሥት የሚኖሩ ብዙ ኢትዮጵያዊያን ስደተኞች አሉ። የኢትዮጵያ የካቶሊክ ጳጳሳት ጉባኤ በተለያዩ የሚዲያ ዘገባዎች በሰማነው መሰረት በመቶዎች የሚቆጠሩ ኢትዮጵያዊያን ዜጎች ላይ በተፈረደው የሞት ፍርድ ያለንን ስጋት፣ የተሰማንን ጥልቅ ሀዘን እንገልጻለን። የሳውዲ አረቢያ ባለስልጣናት ለዜጎቻችን ሁሉ ርህራሄ እና ምሕረት እንዲያደርጉ ክቡር የሆነውን የሰው ሕይወት እንዲጠብቁ እንጠይቃለን።
• የመን፡- በርካታ ኢትዮጵያዊያን ስደተኞች ወደ የመን ለመግባት ወይም ወደ ሳውዲ አረቢያ ለመጓዝ በቀይ ባህር፣ በጅቡቲ ወይም በኤደን ባሕረ ሰላጤ በኩል ያልፋሉ። የመን ብዙውን ጊዜ ወደ ሌሎች የባህረ ሰላጤ አገሮች እንደ መጓጓዣ መንገድ ትጠቀማለች፤ ሆኖም ግን፣ ብዙ ስደተኞች በመንገድ ላይ ከፍተኛ ሥቃይ ይደርስባቸዋል፣ ዓመፅ፣ በደል እና ኢ-ሰብአዊ ተግባራት ይደርስባቸዋል። በሚያሳዝን ሁኔታ፣ ከፍተኛ ቁጥር ያላቸው ስደተኞች በጉዞው አደገኛ ባህሪ እና በሚገጥሟቸው አስቸጋሪ ሁኔታዎች ምክንያት ሕይወታቸውን ያጣሉ።
• ሊባኖስ፡- በሊባኖስ የሚገኙ ብዙ ኢትዮጵያዊያን ስደተኞች በአገሪቱ ውስጥ ባለው ግጭትና አለመረጋጋት ምክንያት ለአደጋ የተጋለጡ ናቸው። በዚህም ምክንያት በርካታ ቁጥር ያላቸው ሰዎች ወደ ትውልድ አገራቸው በሰላም ለመመለስና ከቤተሰቦቻቸው ጋር ለመገናኘት ይፈልጋሉ።
• የባህረ ሰላጤ አገሮች፡- በእነዚህ አገሮች ውስጥ የሚገኙ ብዙ ኢትዮጵያዊያን ስደተኞች በአሌሪካ በእስራኤል እና በኢራን መሃከል በተፈጠረው ጦርነት እና ግጭት ምክንያት በጭንቅ ውስጥ ይገኛሉ።

2) የደቡብ አፍሪካ ሪፐብሊክ ለብዙ ኢትዮጵያዊያን ስደተኞች ሌላ መዳረሻ ናት። ከፍተኛ ቁጥር ያላቸው ኢትዮጵያዊያን ለሕይወታቸውና ለንብረታቸው ከፍተኛ ስጋት ውስጥ ይገኛሉ። አንዳንዶቹ ወደአስቡበት ሳይደርሱ በጉዞ ላይ እያሉ እስራት ይገጥማቸዋል፣ ሌሎቹ ደግሞ ወደ መድረሻቸው የሚደርሱ ሰዎች በፍርሃትና ውስጥ በምኖር ላይ ናቸው። በሚደርሱን ዘገባዎች መሰረት በደቡብ አፍሪካውያን የውጭ ዜጎች ጥላቻ የተነሳ በዓመፅ፣ እና በግድያ በርካታ ኢትዮጵያውያን ስደተኞች ክቡር ሕይወታቸው እየጠፋ ነው።

3) የሱዳን - ሊቢያ - የአውሮፓ መንገድ፡ ይህ መንገድ ለረጅም ጊዜ በሕገወጥ አዘዋዋሪዎች በብዛት ከሚጠቀሙባቸው መንገዶች አንዱ ሲሆን፣ ስፍር ቁጥር ለሌላቸው ስደተኞች ከፍተኛ ስቃይ እና ህልፈተ ህይወት አስከትሏል። ብዙዎች አስቸጋሪ እና አደገኛ የሆነውን የበረሃ መንገድ በኢሰብአዊ ሁኔታዎች ሲያቋርጡ ሕይወታቸውን አጥተዋል። በአሁኑ ጊዜ በሱዳን እየተካሄደ ያለው ግጭት ይህንን ጉዞ የበለጠ አደገኛ አድርጎታል። ሊቢያ የሚደርሱ ሰዎች ብዙውን ጊዜ እስር፣ ዝርፊያ፣ የጉልበት ብዝበዛ እና ከባድ በደል ይደርስባቸዋል። አንዳንዶቹ በክርስትና እምነታቸው ምክንያት ስደት ደርሶባቸዋል እና ህይወታቸውን አጥተዋል። በአደገኛ ጀልባዎች የሜዲትራኒያንን ባህር ለመሻገር የሚሞክሩ ስደተኞች ሲሰምጡ፤ ብዙዎቹ በሚያሳዝን ሁኔታ ህይወታቸውን ያጣሉ፣ ጥቂቶች ብቻ ወደ ላምፔዱዛ ዳርቻ መድረስ ችለዋል። ላምፔዱዛ የቀድሞ ርዕሰ ሊቃነ ጳጳሳት ፍራንቼስኮስ በአንድ ወቅት በባህር ላይ ለሞቱት ሰዎች መታሰቢያ የአበባ ጉንጉን አስቀምጠዋል፤ ርዕሰ ሊቃነ ጳጳሳት ሌዎ 14ኛም የካቶሊክ ቤተክርስቲያን ለስደተኞች ያላትን አንድነት፣ ርህራሄ እና ለስደተኞች ድምጽ የመሆን ተልዕኮ ለማስቀጠል ደሴቲቱን በቅርቡ እንደሚጎበኙም ይጠበቃል።

ይህ የኢትዮጵያውያን ስደተኞች ስቃይ ከቁጥርም በላይ ውድ እና የተከበረ ህይወት ያላቸው እንዲሁም ቤተሰቦቻቸው በእንባ፣ በመስዋዕትነት እና በተስፋ የሸኟቸው ልጆች ናቸው። ብዙ ጊዜ ግን እነዚህ ስደተኞች በብዝበዛ፣ በፍርሃት፣ በደል፣ በመገለል እና ለጥቃት በመጋለጥ አላስፈላጊ ስርዓቶች ውስጥ ይወድቃሉ። ብዙዎች ለማሰብ አዳጋች በሆኑ ሁኔታዎችን ውስጥ በህይወት ለመቆየት ይታገላሉ።

በክርስቲያያዊ የበጎ አድራጎት እና በዓለም አቀፍ የወንድማማችነት መንፈስ፣ ለሳውዲ አረቢያ መንግሥት ባለሥልጣናት፣ ከኢትዮጵያውያን ጋር በተያያዘ የሚፈጸሙ ማናቸውም የታቀዱ ግድያዎች እንዲቆሙ እና በእነዚህ ጉዳዮች ላይ ምሕረትን እንዲያደርጉ ልመና እናቀርባለን። ምህረት ፍትህን አያዳክምም። ምህረት ፍትህን ከፍ በማድረግ ተስፋ ለቆረጡ ተስፋን ይሰጣል።

ይህ አሳዛኝ ሁኔታ ዓለም አቀፉ ማህበረሰብ መደበኛ ያልሆነ ፍልሰትን የሚያባብሱትን ጥልቅ ምክንያቶች ከመሰረቱ ለማስወገድ ይተባበር ዘንድ ዕድል የሚሰጥ ሊሆን ይገባል። ማህበራዊና ኢኮኖሚያዊ ችግሮች፣ የከባቢ አየር ሁኔታ መቃወስ እና ሌሎች ዘርፈ ብዙ ምክንያቶች በሚሊዮን የሚቆጠሩ ሰዎችን በዓለም ዙሪያ አደገኛ የፍልሰት መንገዶችን እንዲከተሉ እንደሚያስገድዳቸው አስተውለናል። እነዚህን ዋና ዋና ምክንያቶች ችላ የሚል ዓለም የፍልሰት ቀውስን መፍታት አይችልም። በእርግጥም፣ የሰብዓዊነታችን እና የሥልጣኔ መለኪያ በዙሪያችን ያሉ ተጋላጭ ለሆኑ ሰዎች በምናሳሳየው እንክብካቤ ላይ የተመሠረተ ነው።

እንደ ኢትዮጵያ ካቶሊክ ጳጳሳት፣ ውይይት፣ ምሕረትና ጥበብ ተስፋ መቁረጥንና ሞትን እንዲያሸንፉ አጥብቀን መጸለያችንን እንቀጥላለን። እነዚህን ተጋላጭ የሆኑ ኢትዮጵያዊ ስደተኞች፣ ቤተሰቦቻቸውን እና ሁሉንም ውሳኔ ሰጪዎች ለሁሉ ቻይ በሆነው የእግዚአብሔርን አምላክ ምህረት እና እገዛ ያገኙ ዘንድ እንጸልያለን።

የኢትዮጵያ የካቶሊክ ጳጳሳት ጉባኤ
አዲስ አበባ
10/09/2018

21/05/2026

🎒 7 ፈገግታዎች፣ 1 ታላቅ እርምጃ ወደፊት! 🎒

ዪልድ ኢትዮጵያ (YIELD Ethiopia) «አንድ ማዕድ ብቻ» (Just One Meal - JOM) የተሰኘውን አዲስ የበጎ አድራጎት መርሃ-ግብር በይፋ አስጀምሯል!

ዛሬ ጉዟችንን ከ7 ህፃናት እና ታዳጊዎች ጋር የጀመርን ሲሆን፣ ለእነዚህ ልጆች ትኩስና አልሚ ምግብ ማቅረብ ብቻ ሳይሆን በነፃነት የሚስቁበት፣ ደህንነታቸው የተጠበቀ መሆኑን የሚረዱበት እና በነገ ብሩህ ተስፋቸው ላይ የሚያተኩሩበት አስተማማኝና ምቹ ቦታ ፈጥረናል።

በክልላችን በርካታ ህፃናት ዘርፈ-ብዙ ማህበራዊና ኢኮኖሚያዊ ችግሮች (multi-dimensional deprivations) የሚጋፈጡ በመሆኑ፣ አልሚ ምግብ ማግኘት መሰረታዊ ሰብአዊ መብት መሆኑን በተግባር ለማሳየት ቆርጠን ተነስተናል።

ዛሬ በክፍሉ ውስጥ የነበረው የልጆቹ ደስታ እጅግ ልብ የሚነካ እና ውብ ነበር። በደቡብ ኢትዮጵያ የህፃናትን ጥበቃ፣ ትምህርት እና የተመጣጠነ ምግብ ተጠቃሚነትን ለማስፋፋት ለምናደርገው ሰፊ ጉዞ ይህ የመጀመሪያው ስኬታችን ብቻ ነው። በዚህ ቅዱስ ዓላማ ላይ አብራችሁን ስለቆማችሁ ከልብ እናመሰግናለን! 🙏✨

🎒 7 Smiles, 1 Major Step Forward! 🎒

YIELD Ethiopia has officially launched the Just One Meal (JOM) initiative!

We started today with 7 children and teenagers, providing them not just with a hot, nutritious meal, but with a safe space where they can laugh, feel protected, and focus on their future.

With many of children in our region facing deep multi-dimensional deprivations, we are determined to show that access to nutrition is a fundamental human right.

The joy in the room today was absolutely beautiful. This is only the first milestone of many as we scale up child protection, education, and nutrition in South Ethiopia! Thank you for walking this path with us. 🙏✨

15/05/2026

29/04/2026

Shout out to my newest followers! Excited to have you onboard!

Sise Say, Ashe Sppiopfme, Aynu Ye Catho, Abreham Kuma, Derasta Peace

28/04/2026

During our home visit, we met a family with very little in material terms, yet rich in their faith in God. Their home is filled with images of saints, a sign of the deep spiritual wealth they cherish. In their hearts, they feel they have everything. May this strong faith continue to grow and bear abundant fruit.

27/04/2026

ትንሽ ዘር ዛሬ ተተክሎ ነገ መቶዎችንና ሺዎችን ሊያፈራ ይችላል። የሚያስፈልገው ግን መዋቅር፣ እንክብካቤ እና ትኩረት ነው። እኛ እንጀምራለን፤ ነገር ግን ማህበረሰቡ ባለቤት ይሆናል፣ ልጆችና ወጣቶችም ይመራዋል።

A small seed planted today can grow into hundreds, even thousands of lives transformed. What matters is nurturing it with care, consistency, and commitment. We may begin the journey, but it is the community that will own it, and the children and youth who will lead it forward.


#ማህበረሰብ #ወጣቶች #ተስፋ #ቀጣይነት

25/04/2026

YIELD Ethiopia is a faith-inspired, grassroots, and locally rooted initiative—born from the community and working for the community.

It stands in service of the marginalized and vulnerable—especially children, youth, women, and girls—while promoting care for our common home in the spirit of Laudato Si’.

Through community-driven action, YIELD Ethiopia responds to both the cry of the poor and the cry of Mother Earth, fostering dignity, solidarity, and responsibility.

It is in this holistic approach—where people and the environment are cared for together—that true and lasting sustainable development can be achieved.

25/04/2026