15/07/2025
“Hojii Baruufi Barsiisuu Rakkoo Guddaa Keessa Ture Bu`uura Irraa Jijjiiruuf Hojii Eegalleerra.” Dr. Tolaa Bariisoo
==
Hogganaan Biiroo Barnoota Oromiyaa Dr.Tolaa Bariisoo hojiin baruufi barsiisuu rakkoo guddaa keessa turuu ibsanii, kunis bu`uuraan irratti hojjechuu dhabuudha jedhan. Kana furuufis dhaloota boru biyyaaf abdii ta`uufi sadarkaa hundatti dorgomaa ta`e horachuuf manneen barnootaa bu`uura boruu ijaaruu,barsiisota leenjisuufi kitaabilee shaakalaa qopheessuufiin daa`imman miliyoona 2 ol barnoota jalqabuu himaniiru.
Barsiisota daa`imman bu`uura boruu barsiisanis kolleejjii 12 keessatti doormii galanii bara kana leenji`aa turuu eeranii,rakkoon dhiyeessii kitaabaas guutummaan ta`uu baatus fooyya`insa agarsiiseera jedhan.
Gadi bu`uu qabxii barataa qormaata xumuraa kutaa 12ffaa akka biyyaatti mudatee jiru hambisuuf barattootaaf barnoonni dabalataan kennamuun kitaabni barsiifamee xumuramuufi barattoonni manneen barnootaa bultii addaa keessatti baratanis qormaata xumuraaf ga`uun rakkoo jiru kan furu akka ta`es Dr.Tolaan dubbataniiru.
Harcaatiin barataa, rakkoon dubbisuufi barreessuu dadhabbuu barattoota kutaa 3-5 jiranii kan “Hiyyummaa barnootaa” jedhamee waamamu ammayyuu jiraachuu ibsaniiru. Rakkoo hiyyummaa barnootaa jiru kana hambisuufis Daarikteroota,suppervaayizarootaafi barsiisota kuma 57 ta`aniif ganna kana mala baruufi barsiisuu addaa fala ta`uu danda`uun leenjii kennuun bara 2018 keessa rakkoo kana furuuf kan hojjetamu ta`uus himaniiru.
https://www.facebook.com/oromiabc
------
Telegram: https://t.me/Oromiacommunicationaffairsbureau
------
Twitter: twitter.com/OromiaBureau
------
YouTube:
https://www.youtube.com/
------
TikTok: tiktok.com/
------
kallachaOromia: https://m.facebook.com
