11/06/2026
ንኹለኹም አባላትን ደገፍትን ጽላል ማሕበር ልምዓት ሓውዝየን።
ኣብ ዝዘለኹምዎ ድሙቕ ሰላምታ ይብጻሕኩም።
ማሕበርና ጽላል ማሕበር ልምዓት ሓውዝየን ካብ ትምስረት ሓጺር እዋን እንተኾነኳ ኣብ ዝሓለፈ ሓደ ዓመትን መንፈቕን ኣባላታ ብምትሕብባር ርኡያት ዝኾኑ ናይ ልምዓትን ሕጹጽ ሓገዝን እንዳሰርሐት መጺኣ ኣብ ህዝብናውን ልዑል ተቐባልነት ረኺባ እያ።
እንተኾነ ግን ኣብ ዝሓለፉ 3 ኣዋርሕ ናይ ማሕበርና ምንቅስቓስ ተዘሓሒሉ ይርከብ። እዚ ዝኾነሉ ቀንድ ምኽንያት ድማ ኣብ ከተማ ሓውዜን ዝሳለጥ ዝነበረ ናይ ኣስፋልት ምንጻፍ ስራሕ ዝውዕል ሰፊሕ ናይ እቶት መተኣኻኸቢ መድረኽ ኣባላት ማሕበርና ይኹኑ ማሕበርና እውን ከምትካል ኣብዚ ምትእኽኻብ ብሰፊሑ እንዳተሳተፍና ስለዝጸናሕና እዩ።
ብኻሊእ መዳይ ድማ ኣብዚ ሐዚ እዋን ኣብ ትግራይና ዝረአ ዘሎ ፖለቲካዊን ማሕበሰቁጠባዊን ዘይምርግጋዕ ማሕበርና ንዝተለመቶም እቶት ናይ ምትእኽኻብ ይኹን ሰፋሕቲ ናይ ልምዓት ስራሕቲ ንምፍጻም ዓብይ ዕንቅፋት ኮይኑ ይርከብ።
ይኹንደኣምበር ማሕበርና ሐዚውን ከምልሙድ ኣብ ውሽጢ ዓድን ወጻኢን ዝርከቡ ኣባላታ ኣተሓባቢራ ህዝብና ንምሕጋዝ ዝተለመቶም ዓበይቲ ናይ ከባቢና መሊስካ ምሕዋይ፣ ናይ ልምዓትን ህጹጽ ሓገዛትን ስራሕቲ ንምትግባር ድልውቲ ከምዝኾነትን ኣብ ዝሓጸረ እዋን ናብ ልሙድ ስራሕታ ብልዑል ናህሪ ከምትምስ እንዳገለጽና ኩለኹም ኣባላትን ደገፍትን ዝተለመደ ሓገዝኩም ተጠናኺሩ ከምዝቕጽል እምነትና እዩ።
ኣመራርሓ ቦርድን ፈጻሚት ስራሕን ጽላል ማሕበር ልምዓት ሓውዝየን።
