Dera&it's Surrounding Development Association

26/02/2026

ንኹሉ ኣባል ማሕበር ልምዓት ደራን ከባቢኡን ክኸውን ዝደሊ ተወላዲን ፎታውን ማሕበርኩም ደረጅኡ ዝሓለወ ID ይሰርሕ ኣሎ እዩ። ስለ'ዚ ዓመታዊ ክፍሊት ኣባልነትና እናኸፈልና ዓቕሚ ማሕበርና ክዓቢ ንግበር።
# ሕብረት ንዘላቒ ልምዓት!

08/12/2025

ምስጋና..!

ኣብ ምስረታ ማሕበርና "ማሕበር ልምዓት ደራን ከባቢኡን"ዝነበረ ውፃእ ውረድ ተፃዊሮኩም ገንዘብኩም ፣ፍልጠትኩምን ግዜኹምን መስዋእቲ ብምግባር ኣብ ልቢ ብዙሓት ተወለድትን ፈተውትን ደቂሱ ዝነበረ ድልየት ምስረታ ውዳበ ኣብ ሓፂር ግዜ ክገሃድን ዓለም ለኻዊ ቅቡልነት ዘለዎ ትካል ንዝሃብኩምና ነባራት መስረትን ኣመራርሓን ክብረት ይሃብኩም።

ከባቢኡ ብሞያኡ ብልቡ ንምሕጋዝ ዝቕስቅሶን ፅላል ዝኾኖን ውዳበ ስኢኑ ዝነበረ ብርክት ዝበለ ዓለም ለኻዊ ምሁር ንምእማኑ ብዘደንቕ ኩነታት ዝኣከብኩም መስረቲ ማሕበርና ክብሪ ተወንዘፉ። ውዕለታኹም እውን ንታሪኽ ኣብ ልቢ ህዝቢ ተኸቲቡ ክነብር እዩ።

ንሓደሽቲ ተመረፅቲ ኣመራርሓ እውን ሰናይ ብምምናይ ህዝብኹምን ኣብ ጎንኹም ክህልው እዩ።።

#እንተሓቢርናን እንተሰሚርናን ስደትን ሞትን መናእሰይና ከምኡ እውን ተደጋጋሚ ድርቂ ክንብድሆ ኢና!

07/12/2025

ሰናይ ዜና..!

ሎሚ ዕለት 28/03/2018 ማሕበርና "ማሕበር ልምዓት ደራን ከባቢኡን "ቀደማይ ህፁፅ ሓፈሻዊ ጉባኤ ከካይድ ውዒሉ። እቲ ጉባኤተኛ ብናይ ደገ ኦዲተር ዝቐረበሉ ኦዲት ሪፖርት መርሚሩ ዘፅደቐ እንትኸውን ነቶም ካልኦት ኣጀንዳታት ድማ ብዝርዝርን ብዕምቆትን ክርእይ ውዒሉ። ብተወሳኺ ድማ ነቶም ንልዕሊ ክልተ ዓመት ዘገልገሉ ኣመራርሓ ቦርድ ብሓደሽቲ ዝተከአ እንትኸውን ነቶም ሓደሽቲ ኣመራርሓ ፅቡቕ ተመንዩ ነቶም ነበራት ድማ ብክብሪ ኣፋንዩ ጉባኤኡ ብዓወት ዛዚሙ ኣሎ።
# ሕብረት ንዘላቒ ልምዓት!

30/09/2024

ቅርስታትና ነፋልጥ..!

ደብረ-ሰላም ሚካኤል
⛪️✝️⛪️✝️⛪️✝️

ደብረ ሰላም ሚካኤል ካብ ከተማ ኣፅቢ ንኣንፈት ሰሜን ምዕራብ 9 ኪ.ሜትር ርሒቑ ይርከብ፡፡ ኣብቲ ከባቢ ዝርከብ ለጥ ዝበለ ልምሉም ሰውሒ፣ ኣብኡ ዝውዕላ ጥሪትን ዓመት ሙሉእ ዘየቋርፅ ሩባ ገረብ- ሕዳርን ብምርኣይ ዝፈጥረልካ ፍሉይ ስምዒት ምስ ናብራ ገጠር እናሰተማቐርካ ናብቲ ኣብ ማእኸል ጎቦ ዝተሃነፀ ቤተክርስትያን ምድያብ ንባዕሉ መሐጎሲ እዩ፡፡

ደብረ-ሰላም ሚካኤል ካብ ካልኦት ኣብያተ ክርስትያን ትግራይ ፍሉይ ዝገብርዎ ቅድታት ኣለውዎ፡፡ ኣይቪ ፒርስ ዝተብሃለት በዓልቲ ሞያ ከም ዝበለቶ ኣተሃናንፅኡ "ሓደ ቤተክርስቲያን ኣብ ውሽጢ ካልእ ቤተ-ክርስቲያን ኮይኑ ዝተሰርሐ እዩ፡፡" ኣብ መጀመርታ ከባቢ ዝርከብ ክፍሊ (ቅኔ ማህሌት) ሰለስተ ገዘፍቲ ብእምኒ ዝተሰርሑ ዓምድታት ኣለውዎ፡፡ ብዝለዓለ ክእለት፣ ጥበብን ሜላን ዝተሰርሐ ርእሱ ክኢሉ ጠጠው ዝበለ ሰረገላ 'ውን ይርከብ፡፡ እቲ ሰረገላ ኣብ ቅድሚ'ቲ ናብ ቅድስት ዘእቱ ምዕሩግ ኣፍደገ እዩ ዝርከብ ፡፡

ኣብቱ ቅኔ ማህሌት ኮይንካ ዝርአ ካልእ ህንፃ እውን ኣሎ፡፡ ንሱ ድማ ገዘፍቲ ኣእማንን ዕንፀይትን ተመዓራርዮም እናተደራረቡን እናተኣሳሰሩን ዝፈጥርዎ ፍሉይ ምዕሩግን ህንፃ እዩ፡፡ ዕንፀይቲ ምስ እምኒ እናረብረብካ ምስራሕ ዝዓይነቱ ቅዲ ኣሰራርሓ ድማ ኣኽሱማዊ ቅዲ ኣተሃናንፃ ምዃኑ ይፍለጥ፡፡

ናብቲ ቅድስት ካብ ዝወስዱ ሰለስተ በርታት ኣብቲ ቐዳማዋይ /ማእኸላይ/ በሪ ዝረአ ስራሕቲ ዕንፀይቲ ኣፀራርቡኡን ዲዛይኑን ኣዝዩ ሰሓባይን ፍሉይን እዩ፡፡ ካብ ዕንፀይቲ ኣብ ዝተሰርሑ ክልተ መሻኹቲ ዝረአ ጥበብውን ፍሉይ እዩ፡፡ ኣብቲ ሓደ መስኮት ቅርፂ ሰዋስቲካ ዝረአ እንትኾን ኣብ'ቲ ካልእ ድማ ዝተፈላለዩ ሓረጋት ዘለዎም ቅርፅታት ተሰሪሖም ይረኣዩ ፡፡ ኣብቲ መሽኮት ምስለ- ፍቁር ወልዳ ዘርኢ ብጣዕሚ ፅቡቕን ባህ ዝብልን ስእሊ ኣሎ፡፡

ቅድስትን ቤተ-መቅደስን ዝርከበሉ ክፍሊ ፀቢብን ፅልምት ዝበለን እዩ፡፡ ስፍሓቱ 6 ሜትሮ x 6.5 ሜትሮ እንትኾን ቓስትኡ ድማ 7 ሜትሮ ብራኸ ኣለዎ፡፡ ኣብ ውሽጡ ኣርባዕተ ዓርሶም ኪኢሎም ጠጠው ዝበሉን 2.6 ሜትሮ ብራኸ ዘለዎምን ዓምድታት ይርከቡ፡፡ እቶም ዓምድታትን ቅርፂ ሰረገላታትን ብዘደንቅ ቅዲን ክእለትን ዝተፀረቡ እንትኾኑ ወለድና ንጥበብ ስነ- ህንፃ ከመይ መሊኾምዎ ከምዝነበሩ ዘረጋግፅ ኣብነታዊ ቤተክርስቲያን እዩ፡፡ ብፍላይ ኣብቲ ቅድሚ መንበረ-ታቦት እትርከብ ሰረገላ ኣቀራርፃኣ ፍሉይ እዩ፡፡ ኣይቪ ፐርስ ነቲ ቤተክርስቲያን እንትትገልፆ "ካብቶም መወዳድርቲ ዘይብሎም ህንፃታት ትግራይ ሓዲኡ እዩ" ትብል እሞ ቀፂላ ንድፉን /ዲዛይኑን/ ኣተሃናንፅኡን ኣዝዩ ዝለዓለ ደረጃ ዘለዎ እዩ ትብል፡፡ ኣብቶም መንደቓትን ሰረገላታትን ዝተፈላለዩ ህስስ ዝበሉ ስእልታት ዘለውዎ እንትኾን ከምናይ ፒርስ ሓሳብ ፅልዋ ባይዛንታይን ዘለዎም እዮም፡፡

ከም መፅናዕቲ ኣባ ተወልደ-መድህን ዮሴፍ እንተኾይኑ እቲ ቤተክርስትያን ብሃፀይ ገብረመስቀል ትእዛዝ ብሻድሻይ ክፍለ ዘበን እዩ ተሃኒፁ፡፡ መገልገልቲ እቲ ቤተ-ክርስትያን እውን ነዙይ ብምርግጋፅ እዮም ዝዛረቡ፡፡ ሃፀይ ገብረመስቀል ኣብ ጥቓ እቲ ቤተክርስትያን ንኢድ ፀጋም ኣብ ዝርከብ ፀድፊ ከም ዝተቐበሩ ይገልፁ፡፡ እቲ መቓብር ሕዚ እውን መንደቑ ብዙሕ ዘይፈረሰን ኣብቲ ቤተክርስትያን ኮይንኻ ብቀሊሉ ኣማዕዲኻ ክረኣይ ዝኽእልን ኮይኑ ንምድያብ ግን ኣፀጋሚ እዩ፡፡

ደብረ-ሰላም ሚካኤል ብዘይካ ምፅባቡን ምፅልማቱን ትሕዝትኡ ኣብ ዓምደ-ወርቅታቱ፣ ሰረገላታቱን ብፍላይ ድማ ኣብ ኣፀራርባ ዕንፀይቲ ዝፈሰሰ ክእለት ዘደንቕን ዘስደምምን እዩ።ብምዃኑ እውን ብሃወፅቲ ወፃእተኛታትን ውሽጢ ዓድን ኣዝዩ ፍሉይ ናእዳ ዝረኸበ እዩ፡፡

ብግደይ ገ/ዝጋቢሄር

24/09/2024

ቃላይ ጮማ!

This is a stream small river and constantly water holding pond for over centuries called "Kelay Chomma". It is located at "Kushet Samra", "Ruba Feleg Tabia" , "Dera" cluster of "Atsbi Wereda". It is historical river confined for nothing due to defeminization by non christian belevers that they characterized as home of evil. But this river was crucified by "Abune Selama" together with "Ezana We-Syzana (Abraha We-Atsbeha)" and people had baptized in that river by Abune Selama in Nehase 16, 349 E.C . He said, "This day is holly cross day, holly water, holly place and holy day for Mariha". Mariha was the so called "Maria/Ashenda" day to be celebrated every year. Immediately "Mariha" celebration had been started by virgin nuns.
Please guys ,from this historical perspective , don't say "Maria" or "Ashenda". Call it as "Mariha" (ማሪሃ not ማርያ).
Beyene.B

14/09/2024

እንኳዕ ደሰ በለኩም፣ደስ በለና...!

ትማሊ ኣብ ዝተሳለጠ ናይ 5000 ሜትር መዛዘሚ ውድድር ዋንጫ ዳያመንድ ሊግ ክልተ ጀጋኑ ኣሕዋትናን ደቅናን ዝኾኑ ኣትሌታት በሪሁ ኣረጋውን ሓጎስ ገ/ሂወትን ብቐደም- ሰዓብ ቀደማይን ካልኣይን ብምዃን ነቲ ውድድር ዛዚሞምዎ ኣለው።

ጅግና ኣትሌት በሪሁ ኣረጋዊ ነቲ ውድድር ንኽዛዝም ዝወሰደሉ ግዘ 12:43:65 እንትኸውን ናይ 30 ሽሕ ዶላርን ኣብ'ቲ ምስሊ ዝረኣይ ዘሎ ናይ ዳያመንድ ሊግ ክብሪ ዝገልፅ ዋንጫን ተሻላሚ ኮይኑ ኣሎ።

ጅግና ሓውና ኣትሌት ሓጎስ ገብረሂወት እውን ነቲ ርሕቀት ንምዝዛም ዝወሰደሉ ግዘ; 12:44:25 እንትኸውን ካልኣይ ብምውፃእ ተዓዋቲ ኮይኑ ኣሎ ።

በዚ ኣጋጣሚ'ዚ ማሕበርና ማ.ል.ደ.ከ በዞም ፍርያትና ዝኾኑ ደቅና ተጎናፂፎምዎ ዘለው ዓብዪ ዓወት ዝተሰመዖ ታሕጓስ እንትገልፅ; ኣሰር እዞም ጀጋኑ ዝስዕቡ ዕሸላት ኣትሌታት ብፕሮጀክት መልክዕ ኣብ ምስልጣን ይርከብ። እዞም ዕሸላት ኣብ ዝለዓለ ደረጃ ንኽበፅሑ ድማ ናይ ኩላትና ሓገዝ የድልዮም።

ኣሰልጠንቲ ኣሕዋትና ኣብርሃም ሃ/ማርያምን ተስፋይ በሪሁ ጋረድን እውን ናይ'ዞም ጀጋኑ ደቅና ኣሰር ዝስዕቡ መናእሰይ ተፍርዩ ብምህላውኩም ክትሕጎሱ ይግባእ። ማ.ል.ደ.ከ ዓቕሙ ዝፈቕዶ ኩሉ ዝሕግዘኩም ምዃኑ እዩ ። ኣኽራናትን ሜዳታትን ኣፅበ-ደራ ኩለ -መዳያዊ ጀጋኑ ዝፈርይሉ ክፋል ትግራይ እዩ። ብዘይ ምርብራብ ኣበርቲዕኹም እንተሰሪሕኹም ናይ ረሃፅኩም ክትረኽቡ ኢኹም።

ናይ ከባቢና ዕሸላትን መናእሰይን እውን ካብ'ዞም ጀጋኑ ኣሕዋትኩም ተማሂርኩም ጎኒ ንጎኒ ትምህርትኹም ኣብተን ክለባት ተጠረኒፍኩም ሰልጥኑ። ስደትን ተስፋ ምቑራፅን ከብቅዕ ኣለዎ።

ማሕበርና ማ.ል.ደ.ከ ደጊሙ አንኳዕ ደስ በለኩም ፣ደስ በለና ክበል ይፎቱ..!

12/09/2024

"www.disrda.org"
ናይ ማሕበር ልምዓት ደራን ከባቢኡን(Dera&Its surrounding Development Association) Website እዩ። ትካልና እናዘመነን ተበፃሕነቱ እናጎልበተን ይርከብ። ዝተምሃሩ ኣባላትና ኣብ ከባቢና ማእኸል ዝገበሩ; ኣብ መዳያት ቱሪዝም፣ታሪኽን ተረኽን ፣ትምህርቲ፣ሕርሻ፣ጥዕናን ካልኦት ማሕበራዊን ቁጠባውን ጉዳየትን ኣመልኪቶም ፅሑፋት ክልጥፉሉ ይኽእሉ እዮም።

Web site created using create-react-app

12/09/2024

መግለፂ ሰናይ ትምኒት...!

ማሕበር ልምዓት ደራን ከባቢኡን(ማ.ል.ደ.ከ) ንኹልኹም ኣባላት፣ ተወለድቲ ዓዲ፣ ፈተውቲ ማሕበርን ደገፍቲን ርሑስ ሓድሽ ዓመት ንኽኾነልኩም ይምነ ።

ማሕበርና ማ.ል.ደ.ከ ገና ኣብ ዕሸል ዕድምኡ ኢኮኖምያውን ማሕበራዊን ፀገማት ከባቢኡ ንምቕራፍ ብርክት ዝበሉ ስራሕቲ እናሰርሐ ዝመፀ ምዃኑ ዝፍለጥ እንትኸውን ;ኣብዚ መፃኢ ሓዱሽ ዓመት እውን ካልኦት ዓበይቲ ዕማማት ንኽዓምም ዓበይቲ ትልምታት ተሊሙ ኣብ ዝተወደበ ምንቅስቓስ ይርከብ። ኮይኑ ግን ትካልና ዝዕምብብ ናይ ነፍሲ ​​ወከፍ ተወላዲን ፈታውንን ድጋፍ እንትህሉ ምዃኑ ተፈሊጡ ኩሉ ኣባልን ፈታውን ብፍልጠቱ፣ብገንዘቡን ብጉልበቱን እንተሰሪሑን እንተተደጋጊፉን እዩ ። በዚ ኣጋጣሚ ድማ ትካልና ፃውዒቱ የቕርብ። ህዝብና ካብ ድንቁርናን ድሕረትን ተላቒቑ ኣብ ሃዲድ ምዕባለን ተስፋን ንኽነሰልፎ ኢደይ ኢድካ ንበል።

ማሕበርና ደጊሙ ርሑስ ሓዱሽ ዓመት ዓመተ 2017 ክኾነልኩም ይምነ።