23/03/2026
Uduceeya walaaladeen
Asc
Waxaan tacsi tiiraanyo leh u dirayaa dhammaan shacabka hantidooda ku waayay suuqii gubtay ee magaalada Jigjiga.
Waxaan Alle uga baryayaa inuu badal khayr qaba siiyo, samir iyo iimaan ka siiyo, una fududeeyo dhibaatada soo gaartay.
Talo ku socota shacabka DDS:
Walaalayaal, waa inaan garab istaagno dadka ay dhibaatadu saameysay. Qof kasta wixii uu awoodo ha ku caawiyo—ha noqoto maal, duco, ama taageero kale.
Midnimadeenna iyo is-caawinteennu waa awooddeena ugu weyn.
Talo ku socota xukuumadda:
Qadar Alle lama joojin karo, mana aha in la isku canaanto.
Laakiin waxaa muhiim ah in casharro laga barto dhacdadan iyo kuwii kahoreyayba.
Waxaan soo jeedinaynaa in dib-u-habayn lagu sameeyo dhamaan suuqyada isku dhagan ee aan lahayn wadooyin ay baabuurta gurmadka (dab-damiska) mari karaan.
Dhib kasta ooy leedahay waxaa kasii khasaare wayn marka dab dhaco oo khasaaraha bato.
Ugu dambayn duco:
Ilaahay ha u naxariisto cid kasta oo wax ku wayday, hana u badalo kheyr ka wanaagsan. Ilaahay ha ka ilaaliyo ummadda Soomaaliyeed musiibooyin kale, hana nagu mannaysto nabad iyo barwaaqo. Aamiin.
