06/06/2024
wodan yootaa'n, baxo qoxxinumta'n, mat matinne iittammummita'n, hara'mammummita'n, ammanee doollee lanqaa hee'noommulli ihuta'n ka qaxanne illage yoo keeniina illag inkam hee'nummo.
Boqqi sawwoo wodani, baxo sabaa gamo heele'o tiiri, abbaayyina bare hinoo angi, mulli mannii gataa ixxena xale'e makkona geeroo lokki qolat ihaakko.
Ammanii doollii afu beyyo la'a, ammaninina doollina laboo'isinne maqire taakkeechchi bee'i bikkina, laso yoo keeni hundim neese afaa higoolla. Higukkuyyam yookko.
Kabademe hundim mat inkona!
Niina hundinam makkoo gatte qooccineena arammona, maqirem gubbammona!
Kaka inkummuyya,
iinniinsem ihukko mulli gubbamaaniinse qacaalli midaado teim "huushanchcha" laboo luwwuwwi xale'i moo'immi ihoo'ne, qoxxaalli midaado qoossinona. Eekka endaateme qoxxinsona!
Huushamukkoka songaa daballona! Daba'lubeelasim ballii wodani sogaa dabarona bagaan hawwondoone!
,
Mat sagara woncummuyya, mat aganna, mat ayyoomaa heechchi qaanqaa amandaa, baaqibaallimmi mashka'inne, moollo moollo baxxansammoone! Hundem Hadiyyi moollinam makki Hadiyyi uulla qooccineena qoxxinona!
iinni maqire ayye hee'a?
