ቤት ፅሕፈት ህወሓት ወረዳ ሓውዜን

26/08/2026

07/08/2026

04/08/2026

ካብ ሓይሊ ምክልኻል ትግራይ ዝተውሃበ እዋናዊ ሓበሬታ
==============================
ዕሱብ ሰራዊት ስርዓት ብልፅግና ምስ ዕጡቓት መሓመድ ሓምዳን ደጋሎን (RSF) ካብ ዝተፈላለዩ ከባቢታት ብኣስገዳድ ዝኣከቦም ምልሻታትን ካልኦት ዕጡቓትን ሒዙ ብዕለት 25/11/2018 ዓ/ም ኣብ ዞባ ምዕራብ ትግራይ ብኣንፈት ሸረሪና ኣብ ልዕሊ ሰራዊትና መጠነ ሰፊሕ መጥቃዕቲ ምኽፋቱ ብእዋኑ ብመንግስቲ ትግራይ መግለፂ ከምዝተውሃበ ይዝከር፡፡

ኣብቲ ቦታ ዝነበረ ሰራዊትና ነቲ ብወገን ዕሱብ ሰራዊት ብልፅግና ዝተኸፈተሉ መጥቃዕትታት ብመስተንክራዊ ጅግነነትን ፅንዓትን ተዋጊኡ ብምምካት ኣብ ልዕሊ እቲ ዕሱብ ሰራዊቱን መሻርኽቱን ሰፍ ዘይብል ኪሳራ ኣብፂሑን ብኣሻሓት ዝቑፀሩ ሙውትን ቁሱልን ብምግባር ካብ ሑመራ ክሳብ ጎንደር ኣብ ዘለዋ ትካላት ጥዕና ብውጉኣት ዝተጨናነቓሉ ኩነታት ተፈጢሩ እዩ፡፡ ሐዚ እውን ኣብዚ ከባቢ ዝርከብ ሰራዊትና እቲ ልሙድ ናይ ዓወትን ጅግንነትን ታሪኽ ፈፂሙ ንቐፃሊ ተልእኹኡን ዝበለፀ ዓወትን ንምርግጋፅ ቁሞኑኡን ኣቀማምጥኡን ኣመዓራርዩ ድልው ኮይኑ ይርከብ፡፡

ብወገን ጆኖሳይዳዊ ስርዓት ብልፅግና ነቲ ዝገጠሞ ዘይገመቶን ዘይተፀበዮን ስዕረት ንምሽፋን ዝተፈላለየ ናይ ሓሶትን ምድንጋራትን ወረታት ብምንዛሕ፤ ኩሉም ሜላታት ፕሮፖጋንዳ ተጠቒሙ ነቲ እንትርፊ ስዕረት ዓወት ኣመዝጊቡ ዘይፈልጥ ሰራዊቱ ሞራል ንምፅጋንን ንህዝቢ ኢትዮጵያን ማሕበረሰብ ዓለምን ንምድንጋርን እንዳፃዓረ ይርከብ፡፡ ኮይኑ ግና ካብ መጀመርትኡ ሞራሉ ዝተሰብረ ሰራዊቱ በዚ ናይ ሓሶት ዓወት ክፅግኖ ከምዘይኽእል ጋህዲ ይኸውን ኣሎ፡፡

እዚ ከምዚ እናሃለወ እቲ ጆኖሳይዳዊ ስርዓት ብልፅግና ነቲ ካብ መጀመርያ ጀሚሩ ዝሓንፀፆ ህዝቢ ትግራይ ናይ ምፅናት ዕላምኡ ስለዘይተሳኸዐ ሕዚ እውን ሙሉእ ሰራዊቱን ኣፅዋሩን ኣጎዓዒዙ ኣብ ኩሎም መዋስንቲ ከባቢታት ትግራይ ኣኪብዎም ይርከብ፡፡ ስለዝኾነ ዳግማይ ኲናት ፅንተት ንምጅማር ኣብዘኽእሎ ድልውነት ከም ዘሎ በቢከባቢኡ ኣብ መሬት ዝረኣዩ ዘለው ምልክታት መረጋገፂ ሓቅታት እዮም፡፡

ሕዚ እውን እንተኾነ ነዚ ናይ ጆኖሳይዳዊ ስርዓት ብልፅግና ዕላማን ትልምን ከምቲ ዝሓለፈ ብናይ ህዝብናን ሰራዊትናን ጥሙር ቅልፅም መኪትና ከምዘፈሸልናዮ ሎሚ እውን እቲ ንዳግማይ ኲናት ፅንተት ክኣቱ ዝህንደድ ዘሎ ጆኖሳይዳዊ ስርዓት ብልፅግና ዕላምኡ ንምብርዓን መላእ ህዝብናን ሰራዊት ትግራይን ኣብ ዝለዓለ ሞራልን ድልውነትን ከምዘሎ ጥራሕ ዘይኮነስ ከምቲ ልሙድ ነቲ ዕሱብ ሰራዊት ስርዓት ብልፅግና ብጅግንነትን ፅንዓትን ብምድምሳስ ባህግን ድሌትን ኩሎም ደመኛታት ፀላእቱ ኣምኪኑ ህልውንኡ ከምዘረጋግፅ ንፈታውን ፀላእን ክነፍልጥ ንፈቱ።

ዘበት ንብሄራዊ ፅንተት!!!

ክብርን ሞጎስን ንሰማእታትና!!!

ካብ ማእኸል ኣመራርሓ ሓይሊ ምክልኻል ትግራይ

ሓምለ 28/ 2018 ዓ/ም
መቐለ፡ ትግራይ

03/08/2026

ካብ መንግስቲ ትግራይ ዝተውሃበ እዋናዊ መብርሂ
================================
ጀኖሳይዳዊ ውልቀ መላኺ ስርዓት ብልፅግና ብዕለት 25 ሓምለ 2018 ዓ.ም ካብ ወጋሕታ ጀሚሩ ኣብ ምዕራብ ትግራይ ብኣንፈት ሸረሪና ኣብ ልዕሊ ሰራዊት ትግራይ ቅሉዕ ውግእ ከም ዝኸፈተ ይፍለጥ። ኣብ’ቲ ውግእ ህፁፅ ሓይልታት ደገፍ ተባሂሉ ዝፅዋዕ ብሞሓመድ ሓምዳን ዳጋሎ (ሔሚቲ) ዝምራሕ ዕጡቕ ሓይሊ ሱዳንን ካብ’ቲ ከባቢ ተገዲዶም ዝተኣከቡ ዕጡቓትን እውን ዝተሳተፉ ኮይኖም፡ ዕሱብ ሰራዊት ጀኖሳይዳዊ ውልቀ መላኺ ስርዓት ብልፅግና ብዕስለ ተዳጒኑን ኣለኒ ዝብሎ ኩሉ ዓይነት ዓቕምታት ሓይሊ ምድርን ኣየርን ተጠቒሙን ካብ ወጋሕታ ጀሚሩ ክሳብ ኣጋምሸት ተደጋጋሚ መጥቃዕትታት ከካይድ ፈቲኑ እዩ። ይኹን እምበር፡ ፍትሓዊ ዕላማ ተሓንጊጡ “ሕድሪ ስዉኣተይ ኣየዐብርን” ዝበለ ጅግና ሰራዊት ትግራይ ነቲ ተሃንዲዱ ዝመፀ ወራሪ ብምምካት ንሕልሚ ፀላኢ ከፍሽሎ ክኢሉ እዩ። ብምኻኑ፡ ሰራዊትና ሎሚ እውን ከም ትማሊ ብቕያ ዝዝንቶ፣ ንታሪኽ ዝስነድ፣ ዘኹርዕን መስተንክራውን ጅግንነት ፈፂሙ ኣሎ፤ ክብርን ሞሳን ድማ ይግብኦ!

እቲ ተዳጒኑ ዝኣተወ ዕሱብ ሰራዊት ብልፅግናን መሻርኽቱን ንምርኣዩ ብዘሕዝን መንገዲ ዝሃለቐ ኮይኑ፡ ሕዚ ትካላት ጥዕና ምዕራብ ትግራይ፣ ጎንደርን ከባቢኡን ብውጉኣት ፀላኢ ዓብለቕለቕ ኢለን ይርከባ። ነዚ ስዒቡ ኣብ’ቲ ከባቢ ንዝተፈጠረ ምድንጋፅ ንምሽፋን ብዙሓት ውጉኣት ብኣውሮፕላን ተፃዒኖም ናብ ካልኦት ከባብታት ኢትዮጵያ ተወሲዶምን ይውሰዱን ኣለዉ።

ብልፅግና ንህዝቢ ትግራይ እንተየብረሰ ፈፂሙ ክድቅስ ኣይኽእልን። ብምዃኑ፡ ትማሊ ዝፈተኖ ብዕስለ ዝተሰነየ ወራር ኣብ ዝኾነ እዋን ብዝኾነ ኣንፈት ክቕፅለሉ ከም ዝኾነ ኣየጠራጥርን። ህዝቢ ትግራይ ድማ ህልውንኡን ድሕንነቱን፣ ሉኣላውነቱን መሰል ዓርሰ ውሳንኡን ናይ ምውሓስ ሕጋውን ተፈጥሮኣውን መሰል ኣለዎ። ስለ’ዚ ኣብ መንጎ ምብራስን ምህላውን ኣብ ዝካየድ ግጥም ዓወት ናይ መን ምዃኑ ዓለማዊ ተሞኩሮ ኮነ ናይ ባዕልና ታሪኽ ህያው ምስክር እዩ።

ክብርን ሞገስን ንጀጋኑ ስዉኣትና!

ዘበት ንብሄራዊ ብርሰት!

ብሄራዊ ክልላዊ መንግስቲ ትግራይ

26 ሓምለ 2018 ዓ.ም

መቐለ

02/08/2026

01/08/2026

ኣብ ታሪኽ ወራሪ ስዒሩ ኣይፈልጥን፣ብኣንፃሩ ተወራሪ ድማ ፍትሓዊን ሓቀኛ ቃልሲ ኣንፃር ወረርቱ ስለዘካይድ ተሳዒሩ ኣይፈልጥን፣
#ስለዚ ንሕና ተጋሩ ዝወረርናዮ ህዝቢ የለን ተወሪርና እምበር!!

01/08/2026

መልእኽቲ ሴንተራል ኮማንድ ሰራዊት ትግራይ!!

ህልው ወታደራዊ ምዕባለታት ዝምልከቱ መግለፅታት ኩሎም ካብ ዝምልከቶ ኣካል ብተኸታታሊ ክወሃብ ስለዝኾነ ህዝብና ክረጋጋዕን ብናይ ማሕበራዊ ሚድያ ዝስንዑ ዘይምእኹል ፅሑፋት ይኹኑ ቪድዮታት ከይዳናገርን ተረጋጊዑ ካብ መንግስቲ ዝወሃቡ መምርሕታት ክከታተልን ክንገልፅ ንፎቱ።

ትግራይ ትስዕር!

25 ሓምለ 2018 ዓ.ም

መቐለ

29/07/2026

EBC ከሞያዊ ስነ ምግባር ባፈነገጠ መንገድ በህወሓት ላይ የሰነዘረውን ትችት የሀገሪቱን ባለውለታነት ያደበዘዘ ነው

ታላቁ የህዳሴ ግድብ እንዲገነባ በገንዘብም በሀሳብም አስተዋፀኦ ያደረገው ህወሓት መሆኑ ተዘንግቶ ዛሬ ላይ ከባእዳን የሚደገፍ ባንዳ እንደሆነ በትንታኔ ማስቀመጥ ያስተዛዝባል።

ህወሓት ኢትዮጵያን በዓለም በፈጣን ኢኮኖሚ ዕድገት እንድትታወቅ ያደረገ ምርጥ ድርጅት ነው። አብይ አህመድና ጀሌዎቹ በህወሓት/ኢህአዴግ ስር ሆነው የባንዳነት ስራ በሚሰሩበት ጊዜ ነው ህወሓት አባይም ኢትዮጵያም የገነባው።

ኢቢሲም የሆድ አደር ጋዜጦኞች ጉዳይ ሆኖበት እንጂ እውነታው ይረሱታል የሚል ግንዛቤ የለኝም። ህያው ምስክርም ኢቢሲ ነው። ህወሓት ተመልሶ አዲስ አባባ ሲገባ ኢቢሲም የህወሓት የሀገር ውለታና ጀግንነት በመመስከር የሚቀድመው አይኖርም።

ለማነኛው ህወሓትን ባንዳ ማለት የባዎቹ ሳይቀድሙኝ ልቅደማቸው ሴራ ነው! ከተወሰኑ ወራት በኋላ ኢቢሲ "ህወሓት መራሹ መንግስታችን" ማለቱ አይቀርም!
Tigray Press

21/07/2026

23/02/2026

ውሳነ ቤት ምኽሪ ፌደሬሽን ብዝብል ብሃገራዊ ቦርድ መረፃ ኢትዮጵያ ንዝወፀ መግለፂ መንግስቲ ኢትዮጵያ ኣመልኪቱ ካብ ህዝባዊ ወያነ ሓርነት ትግራይ ዝተውሃበ መግለፂ