Rajo Health Association

25/04/2026

🦟 25-ka April — Maalinta Caalamiga ah ee Duumada (World Malaria Day)

Maalintan waxay muhiim u tahay kor u qaadista wacyiga cudurka duumada — cudur halis ah oo uu keeno jeermis (Plasmodium) isla markaana lagu kala qaado qaniinyada kaneecada dheddigga ah ee Anopheles.

🌍 Duumadu waa dhibaato caafimaad oo caalami ah, iyadoo malaayiin kiis sanad walba la diiwaangeliyo, gaar ahaan Afrika.

🩺 Waa maxay Duumadu?
Duumadu waa cudur uu keeno jeermis (Plasmodium) oo lagu kala qaado qaniinyada kaneecada dheddigga ah ee Anopheles.

⚠️ Calaamadaha Duumada

Calaamadaha ugu badan waxaa ka mid ah:

▪︎Qandho (fever)
▪︎Qabow iyo gariir (chills & rigors)
▪︎Madax xanuun
▪︎Murqo iyo kala-goysyo xanuun

📌 Duumadu waa mid aan calaamado gaar ah lahayn (non-specific), sidaas darteed in qofku h**ey baaritaan udoonto waa muhiim.

🦟 Sidee Loo Qaadaa?
Qaniinyada kaneecada cudurka sidda (Anopheles)
Ayaa ah habka ugu badan.

🛡️ Sidee Looga Hortagi Karaa?
✔ Isticmaal maro kaneecada (ITNs)
✔ Ka hortag meelaha biyaha fadhistaan
✔ Nadaafadda deegaanka
✔ Isticmaal tallaabooyin ka hortag ah - Isticmaal buufin markii Loo baahdo
✔ Baaritaan degdeg ah haddii qandho jirto

Ugu danbayntii
Duumada waa cudur si weyn looga hortagi karo lana daweyn karo haddii si degdeg ah loo ogaado.

Haddii aan la daaweyn, gaar ahaan nooca Plasmodium falciparum, waxay keeni kartaa khatar daran iyo dhimasho.

🌱 Itoobiya gudaheeda, duumadu waa dhibaato caafimaad oo muhiim ah, iyadoo qayb weyn oo dalka ka mid ah ay tahay meel uu cudurkan ka jiro.

Aan si wadajir ah uga hortagno duumada, una badbaadino nolosha bulshadeena.

RAJO HEALTH ASSOCIATION (RHA)
BUILDING A HEALTHIER AND MORE EDUCATED SOCIETY

24/04/2026

RAJO Health Association (RHA)

Malinkii Axaddii, 19-ka April, waxaa si guul leh inoogu qabsoomay kulankii guud ee ugu horreeyay ee RAJO Health Association, kaas oo ay kasoo qaybgaleen dhammaan xubnaha ururka.

Kulankan wuxuu ahaa mid muhiim u ah dhismaha iyo jihaynta ururka, waxaana diiradda lagu saaray:
• Xoojinta wadajirka iyo iskaashiga xubnaha
• Dejinta jihada iyo himilooyinka ururka
• Dardar-gelinta hawlaha bilowga ah

Waxaan la isla qaatay in si wadajir ah loo sii ambaqaado howlaha muhiimka ah ee ku wajahan:
kor u qaadista wacyiga caafimaadka, tayeynta waxbarashada, iyo horumarinta bulshadeena.

RAJO Health Association waxay u taagan tahay dhisidda bulsho wacyigeeda caafimaad , iyo tayadeeda WaxbarashoSarayso, isla markaana horumarsan.

“Care Today — Build Tomorrow”


RAJO HEALTH ASSOCIATION BUILDING A HEALTHIER AND MORE EDUCATED SOCIETY

28/03/2026

Alhamdulillah, barnaamijkii wacyigelinta caafimaadka caadada haweenka ayaa si heer sare ah inoogu hirgalay maalintii shalay. Ilaahay wuxuu inoo suurageliyay inaan gudanno waajibaadkeennii, isla markaana aan gaadhno haween badan oo ka faa’iidaystay wacyigelinta iyo fahamka saxda ah ee caafimaadkooda.

Barnaamijkan wuxuu ahaa mid muhiim u ah kor u qaadidda wacyiga bulshada, gaar ahaan dhinaca caafimaadka Caadada haweenka, wuxuuna ka tarjumayaa himilada Rajo Health Association ee ah dhisidda bulsho Wacyigeeda caafimaadku Sareeyo.

Waxaan si gaar ah ugu mahadcelinaynaa dhammaan xubnaha ururka, ka qaybgalayaasha, iyo cid kasta oo door ka qaadatay hirgelinta barnaamijkan guusha leh. Waxaan si gaar ah ugu mahadcelinaynaa Imaamka Masjid Shura, Sheekh Cabdilaahi, iyo Daaciyad Cawo, kuwaas oo ahaa laf-dhabarta barnaamijkan, dadaalkooda, hagitaankooda, iyo taageeradooduna ay door weyn ka qaateen qabsoomida barnaamijkan.

Tani waa bilow wanaagsan, waxaana ka go’an Rajo Health Association inay sii waddo dadaallada noocan oo kale ah si ay u gaarsiiso wacyigelin iyo adeegyo wax ku ool ah bulshadeena.

✨ Rajo Health Association – Dhisidda bulsho wacyigeeda caafimaad iyo tayadeeda waxbarasho sarreyso.

27/03/2026

26/03/2026

Waxaan la wadaagaynaa bulshadeenna sharafta leh ee magaalada Diridhabe in barnaamijkii ku saabsanaa caafimaadka caadada haweenka uu dib uga dhacay sababo la xiriira roobab xooggan iyo duruufo farsamo oo naga hor istaagay qabashadiisa waqtigii loo qorsheeyay.

Si kastaba ha ahaatee, annagoo ku kalsoon dadaalkeenna iyo himiladeenna, isma dhiibeyno — waxaan go’aansanay inaan mar kale dib u qabanno barnaamijkan muhiimka ah.
✨ Hal-ku-dhiggeennuna yahay:
“Ku celi markale” ❤️

Waxaan si farxad leh idinku bishaaraynaynaa in:
📅 Taariikh: Bari – 27,March ,2026 Jimce, galinka dambe (Insha’Allah)
📍 Goobta: Masjid Shura, Xaafad Sham, Diridhabe

24/03/2026

Maalinta World Tuberculosis Day – 24-ka Maarso

Maalintan qiimaha leh waxay dib inoogu xasuusinaysaa sannadkii 1882, markaas oo Robert Koch uu shaaciyay helitaanka jeermiska keena Tuberculosis (Qaaxo)—tallaabo taariikhi ah oo furtay albaabka baaritaan iyo daawayn suurtagal ah. Maalintan waxaa loo asteeyey in lagu xoojiyo wacyiga bulshada, lana muujiyo halista cudurkan, Madama oo uu yahay mid la daweyn karo lagana hortagi karo.

Qaaxadu waa cudur faafa oo ay keento bakteeriyada Mycobacterium tuberculosis, inta badanna saameeya sambabada, balse sidoo kale ku fidi kara qaybaha kale ee jidhka sida maskaxda, kelyaha, iyo laf dhabarta IWM. Hadii aan h**ey loo daawaynin.

Waxay ku faaftaa hawada marka qof qaba Qaaxada /Tiibisha firfircoon am Active ah ,amase aan dawo qaadan uu ku qufaco, hindhiso, ama hadlo meel udhaw qofka caafimaadka qaba.

Inkastoo ay weli tahay caqabad caafimaad oo caalami ah oo saameysa malaayiin qof sanad kasta, warka wanaagsan waa in qaaxadu ay tahay cudur si buuxda loo daweyn karo haddii si h**e loo ogaado loona daaweeyo.

Calaamadaha ugu badan waxaa ka mid ah: qufac soconaya in ka badan saddex toddobaad, laab xanuun, , qandho, dhidid habeenkii, daal joogto ah, iyo miisaanka oo is dhima Iwm.
Aqoonsiga calaamadahan goor h**e iyo raadinta daryeel caafimaad waa tallaabada ugu muhiimsan ee lagu joojin karo faafitaanka iyo dhibaatooyinka daran.

Maalintan sidoo kale waa fursad lagu xasuusto dhammaan dadkii noloshooda ku waayay cudurkan, iyo kuwa weli la tacaalaya maanta. Waa waajib ina saaran dhammaanteen in aan kor u qaadno wacyiga bulshadeenaa, dhiirrigelino baaritaanka h**e, iyo inaan xaqiijino in daawaynta la heli karo ay gaarto qof kasta oo u baahan.

Fariinta ugu weyn:
👉 Baaritaan h**e + Daawayn sax ah = Badbaado nololeed
👉 Wacyigelin bulsho = Joojinta faafitaanka

Aan si wadajir ah u qaadno masuuliyadda—si aan u dhisno bulsho ka badbaada Saamaynta qaaxada.

RAJO HEALTH ASSOCIATION BUILDING A HEALTHIER AND MORE EDUCATED SOCIETY.

21/03/2026

RAJO HEALTH ASSOCIATION

Waxaan si sharaf iyo qadarin leh ugu bishaaraynaynaa bulshadeena magaalada Diridhabe, barnaamij muhiim ah oo ku saabsan caafimaadka caadada haweenka, kaas oo diiradda saaraya kor u qaadidda wacyiga, fahamka saxda ah, iyo daryeelka caafimaadka haweenka.

Barnaamijkan wuxuu noqon doonaa fursad qiimo leh oo lagu baranayo:
• Fahamka saxda ah ee wareegga caadada
• Xiriirka ka dhexeeya caadada iyo caafimaadka guud
• Muhiimadda wacyigelinta iyo ka hortagga dhibaatooyinka caafimaad

📅 Taariikh: Bari -Axad, 22 Maarso 2026 ,9ka subaxnimo
📍 Goobta: Masjid Shura ,Xaafad sham ,Dirdbaba

Waxaan si diirran ugu martiqaadeynaa dhammaan bulshada, gaar ahaan gabdhaha iyo haweenka, inay ka soo qayb galaan barnaamijkan muhiimka ah ee wax ka beddelaya fahamka iyo daryeelka caafimaadka haweenka.

Kaalay, inala faham, oo inala wadaag Khibradaada.

— caafimaadka haweenku waa aasaaska bulsho caafimaad qabta.

✨ Rajo Health Association – Himiladeennu waa inaan dhisno Bulsho
Wacyigeeda Cafimaad iyo tayadeeda
Waxbarasho Sarayso

19/03/2026

RAJO HEALTH ASSOCIATION
Ciid Mubarak 🌙✨
Maalintan barakaysan ee Ciidda, waxaan hambalyo iyo bogaadin u diraynaa dhammaan Muslimiinta meel kasta oo ay joogaan. Ciiddu waa maalin farxad, midnimo, iyo wadajir, taas oo ina xasuusinaysa qiimaha walaaltinimada, samafalka, iyo wadaagga farxadda.
Waxaan rajaynaynaa in maalmahan barakaysan ay noqdaan kuwo nabad, caafimaad, iyo barwaaqo inoo leh dhammaanteen. Sidoo kale, waxaan ku boorrinaynaa bulshada inay sii xoojiyaan is-jacaylka, is-caawinta, iyo u adeegidda kuwa taagta daran.

Eid Mubarak 🌙
Wishing you peace, happiness, and prosperity.
عيد مبارك 🌙
تقبل الله منا ومنكم صالح الأعمال، وكل عام وأنتم بخير.

Ilaahay ha naga aqbalo cibaadadii aan soo gudannay, hana inaga yeelo kuwo ku naalooda caafimaad, nabad iyo horumar.
Ciid Wanaagsan dhammaan! 🤍

RAJO HEALTH ASSOCIATION

08/03/2026

RAJO HEALTH ASSOCIATION
Shalay, Sabti 7 Maarso, waxay ahayd maalin taariikh u ah Rajo Health Association.

Shalay oo ahayd Sabti, 7 Maarso,2026 waxaanu ku faraxsanahay inaan si guul leh usoo gabagabeynay inaan ficil u badalnay Qorshaheeni Kobaad oo aha “Back to Excellence” Student Support Initiative. Oo noqday bilow qurux badan oo hirgalay, Ilaahayna inoo suura galiyay inaan gaadhno Dugsigeena Alfalah , iyadoo 350 arday oo ka faa'iidaystay barnaamijkan, kaasoo diiradda saarayay dhiirrigelinta iyo waxbarashada si aan u horumarino mustaqbalka dhalinyaradeena.

Ururkeenu waxaa ka go'an tayaynta waxbarashada iyo horumarinta caafimaadka, iyadoo aan si joogto ah uga shaqeyn doono hadii alle idmo sidii aan bulshadeenaa ugu soo bandhigi lahayn barnaamijyo waxtar leh. Maalinta shalay waxay ahayd bilowga hawlaheena cusub , waxaana rajeyneynaa in dadaalkani uu noqdo midkii waara ee rabi aqbaley,

Maamulka Dugsiga Alfalah ayaa sidoo kale Manta oo Axad ah xubnaha ururkeenna ku sharfay ka qaybgalka xaflad gaar ah ay soo aagasimeen ardeyda Alfalah Islamic School ay ugu talagaleen inay ku ciidsiinayaan ardayda hayntoodu hoosayso. Kulankaasi wuxuu ahaa fursad aan kusii adkayno himilooyinka ururka iyo sida aan u doonayno inaan si hufan u hirgelinno qorshayaasheena mustaqbalka.

Waxaa kaloo muhiim ah in la xuso in Caawa oo isniin 9 maarso, maamulka Dugsiga Alfalah uu xubnaha ururkeenna ku sharfay kulan gaar ah oo isugu jiray afur, casho sharaf iyo dardaaran.

Waxaan rajeyneynaa in hawshan guuleysatay ay noqon doonto bilowga waxyaabo waaweyn oo mustaqbalka innoo suurta galiya guulo badan.

Mahadsanidiin dhammaan Mamulka iyo Ardeyda Dugsiga Alfalah ee inoo suragaliyay hirgelinta qorshahan. Waxaa naga go'an inaan sii wadno Hawlahan hormarinta bulshada.

RAJO HEALTH ASSOCIATION
BUILDING A HEALTHIER, MORE EDUCATED SOCIETY

01/12/2024

Xadiiska maanta: suubbanaha naxariis iyo nabadgelyo korkiisa ha ahaatee wuxuu ina barayaa in aan Allah ka dhowrsanno mar walba iyo meel walba, xumaantana wanaag dabadhigno si ay u tirtirto oo u dhaqdo, dadkana kula dhaqanno akhlaaq wanaagsan.

05/10/2024

Congratulations to Alfalah Islamic School for achieving the highest score among Dirdhaba schools! Special shoutout to Abdinasir for topping the entire city with an impressive 508/600. A proud moment for the entire Alfalah family! 🎉