ጋዲሎ ሸዋ- Gadilo Shewa tube

28/09/2026

መካከል አንዱና በጣም #ለየት ያለ «ማና/ » ይባላል። አብዛኛውን ጊዜ የሚገኘው በጎሳ መሪዎች ቤት ብቻ ነው።

ቤቱ ከመሬት ጀምሮ #በጥንቃቄና በጥበብ በሳር ይከደናል። ከሳር ሥር ደግሞ የተጋመዱና ክብ የሠሩ ጠንካራ እንጨቶች(ኦሮቲያ) (ማያታ፣ ሴይታ፣ ዲታታ፣ ብርብርታ) በሚባሉ ሀገር በቀል እንጨቶች በክብ ተሰርተው #በሞላላ ቅርጽ ይደረደሩና በጥብቅ ይታሰራሉ፤ መሀሉ ላይ ደግሞ ምሶሶ ይተከላል።

ሳር ለመክደን እስኪደርስ ድረስ #ውስብስብ ሂደቶችን ያልፋል።

የቤቱ ውስጣዊ ገጽታም እጅግ ውስብስብና ድብቅ ቤት ሲሆን፣ #አራስ እናት ማቆያ፣ ማቆያ(ቡካ) እንዲሁም #ሚስጥራዊ ክፍል ሆኖ ያገለግላል። ቤቱ ቀን ቀን ወይም ሌሊት በመብራት ካልሆነ በውስጡ ምን እንዳለ መለየት አይቻልም።

በውስጡም #ሌሊት ውጭ ስለሚቀዘቅዝ ውስጡ #ይሞቃል፤ #ቀን ደግሞ ውጭ ስለሚሞቅ ውስጡ #ቀዝቃዛ ይሆናል።

ሌላው አስገራሚ ገጽታው #እሳት ቢያያዝበት እንኳ በፍጥነት #አያቃጥለውም።

ይህ ጥበብ የኮንሶ ማህበረሰብ ሳይሆን፣ በራሱ ጥበብ የሠራው አስገራሚ ምህንድስና ነው።

እነዚህ ዓይነት ቅርሶች ዓለም የተደነቀባቸውና የተመዘገቡ ልዩ እሴቶች ናቸው።

ስለሆነም መላው አካል #ጥበቃ ከማድረግም ባሻገር፣ አሁን ካለው አየር ንብረት ጋር ተያይዞ የማስፋፋት ሥራ ቢሠራበት ጥሩ ነው።
Konso Radio Broadcasting መስከረም 18/2019 ዓ.ም

28/09/2026

በተስፋ የንጉሱ ልጅ የተቀነቀነው ሸዋዬው የሚለው የሙዚቃ በቅርቡ ሊለቀቅ ነው። መልካም እድል ወንድም ተስፋ

09/09/2026

በዞኑ የቱሪዝም መዳረሻ ቦታዎችን ለማልማት እቅድ ተይዞ እየተሰራ ነው፡፡

ደብረ ብርሃን፤ ጳጉሜ 04 ቀን 2018 ዓ.ም (ሰሸዞመኮ) በሰሜን ሸዋ ዞን በ2019 በጀት ዓመት ነባርና አዲስ የተለዩ የቱሪዝም መዳረሻ ቦታዎችን ማልማት እንደሚሰራ የዞኑ ባህል ቱሪዝምና ስፖርት መምሪያ ገለጸ ፡፡

የሰሜን ሸዋ ዞን ባህል ቱሪዝምና ስፖርት መምሪያ ኃላፊ ወይዘሮ ተዋበች ጌታቸው እንደተናገሩት፤በዞኑ ያሉ 3 ነባር የቱሪዝም መዳረሻ ቦታዎች መንዝ ጓሳ ምድር፣ መልከጸዴቅ ዋሻና አንኮበር ቤተ መንግስት በበቂ ሁኔታ የቱሪስት ፍሰት እንዲኖራቸው ከወረዳዎች ጋር በመቀናጀት እየተሰራ ነው

ወቅቱ ፈታኝ ቢሆንም በነዚህ ቦታዎች የተጓደሉ መሰረተ ልማቶችን በማሟላትና እንዲተዋወቁ በማድረግ በኩል እየተሰራበት መሆኑን ገልፀዋል፡፡
በ2019 ዓ.ም ሦስት አዲስ መዳረሻ ቦታዎችን አንኮበር ቅዱስ ሚካኤል ቤተክርስቲያን፣መንዝ ጌራ ፍርኩታ ኪዳነ ምህረት፣ መርሐቤቴ ወረዳ አፄ ዋሻ ቅዱስ ጊዮርጊስ ቦታዎች እንዲለሙ እቅድ መያዙን ኃላፊዋ ገልፀዋል፡፡

ከዚህ በተጨማሪም በሁሉም ወረዳዎች አንድ ወረዳ አንድ መዳረሻ በታሳቢ እንዲያለማ እቅድ መሰጠቱንም አስታውሰዋል፡፡

ገዳማት የቱሪስት መስህብ እየሆኑ ከመጡ ወደ መዳረሻነት ለማሳደግ የመስተንግዶ ተቋማትን ማልማት ላይ እየሰራን ነው ብለዋል፡፡
የክብረ በዓላት ቦታዎች የተሟላ አገልግሎት እንዲሰጡ ማድረግ፣ የጎደሉና የሚታደሱ የቱሪስት ቦታዎችን ማሟላት በ2019 የሚሰራ ይሆናልም ብለዋል

በመስህብ ቦታዎች ውስጥ ትናንሽ መሰረተ ልማቶችን በማሟላት ወደ መዳረሻነት የሚቀየሩ ቦታዎች እየተለየ ነው ያሉ ሲሆን፤ በዘርፉ በሆቴልና ቱሪዝም ለምተው አገልግሎት የሚሰጡ አካባቢዎች ኢንቨስትመንት ዘርፉም ላይ ጎን ለጎን ማልማት እየተሰራ እንደሆነም አስረድተዋል
የባህል ዘርፉ የቱሪዝም ማዕከል በመሆኑ መሰረተ ልማት እንዲሟላ በማድረግ የባህል ማዕከላትን ማስፋፋት ስራ ላይ ትኩረት ተሰጥቶ ለመስራት ታቅዷል ብለዋል፡፡

በመስተንግዶ ላይ ባህላዊ ምግቦች እንዲተዋወቁ ጥረት እየተደረገ ስለመሆኑም ገልፀዋል፡፡
በ2018 ዓ.ም ከ 1 ነጥብ 9 ሚሊዮን በላይ የሀገር ውስጥ እንዲሁም 215 የውጭ ሀገር ጎብኚዎች በዞኑ ጎብኝተዋል ብለዋል፡፡

22/08/2026

የዕለቱ ውብ ምስል (Picture of the Day) ከውቢቷ ድብረ ብርሃን ተልኮልናል

የታሪክና የመንፈሳዊነት መገናኛ፦ የአንጎለላ ጽርሐ አርያም ሰሚነሽ ኪዳነ ምህረት ገዳም

ደብረ ብርሃን — ነሐሴ 16 ቀን 2018 ዓ.ም. በኢትዮጵያ ታሪክ ውስጥ ጉልህ ስፍራ የሚሰጣቸው ታላላቅ መሪዎችና የሃይማኖት አባቶች መፍለቂያ የሆነችው አንጎለላ ጽርሐ አርያም ሰሚነሽ ኪዳነ ምህረት፣ አሁንም ድረስ የብዙኃን የሀገር ውስጥ ነጋዲያንና የኢቮንት ጎብኚዎች ቀልብ መሳቧን ቀጥላለች።

ይህች የተቀደሰችና ታሪካዊ ምድር እንደ አጼ ናኦድ እና ንጉሥ ሣህለ ሥላሴ ያሉ ታላላቅ ነገሥታትን፣ እንዲሁም የጀግንነት የሆኑትን ፊታውራሪ ገበየሁንና ዳግማዊ አጼ ምኒልክን ያፈራች የማእዘን ድንጋይ ናት።

የመንፈሳዊ እሴትና የነገሥታት ታሪክ ተሳስረው የሚገኙባት ይህች ስፍራ፣ በሀገር ውስጥ መንፈሳዊ ቱሪዝም sector ከፍተኛ ድርሻ በመውሰድ ላይ ትገኛለች።

በዓመቱ ሙሉ አያሌ ምዕመናን የመንፈስ ቅዱስ እረፍትና በረከትን ፍለጋ ወደዚች ታሪካዊ ምድር የሚያደርጉት ጉዞ፣ ስፍራዋን ከሃይማኖታዊ ይዘቷ ባሻገር የሀገር በቀል ታሪክ ማዕከል አድርጓታል።

©️📷ደብረብርሃን ባህል ቱሪዝም ና ስፖርት

17/08/2026

የቡሄ በዓል ዋና መገለጫ የሆነው የጅራፍ ግርፊያ፣ ችቦ የማብራት እና የሙልሙል ዳቦ ስጦታ የማበርከት ሥነ-ሥርዓት በደቡብ ወሎ ዞን ኩታበር ወረዳ ዛሬ በድምቀት ተካሂዷል፡፡

17/08/2026

ቡሄ - ደብረ ታቦር

ቡሄ ማለት ብራ፣ ብርሃን፣ ደማቅ የሚል ትርጉም አለው፡፡ በሌላ በኩል ደግሞ ቡሄ “ቡኾ ወይም ሊጥ” ማለት ነው፡፡ የቡሄ በዓል የተጀመረው የፈጣሪ ብርሃነ መለኮት በደብረ ታቦር ተራራ ከመገለጡ ጋር ተያይዞ መሆኑን ምክንያት በማድረግ የደብረ ታቦር በዓል በመባል ይጠራል፡፡ የቡሄ በዓል እናቶች ዳቦ/ሙልሙል/ቂጣ በመጋገር፣ ወጣትና ታዳጊዎች ጅራፍ በማጮህ እና ችቦ በማብራት የሚያከብሩት በዓል ነው።

ቡሄ በአማራ ክልል ሁሉም አካባቢዎች በድምቀት የሚከበር በዓል ሲሆን ትውፊታዊው ለክርስትና ልጅ ሙልሙል የመስጠት ዝግጅት በሰሜን ወሎ፣ ምስራቅ ጎጃምና ሸዋ አካባቢ፤ ተራራ ላይ መውጣት፣ ጅራፍ በማጮህና ችቦ በማብራት ጎንደር፣ ጎጃም፣ ደሴ፣ ደቡብ ወሎ በተለይም አማራ ሳይንት አካባቢ በተለየ ሁኔታ ይከበራል።

የበዓሉ መጠሪያ በሆነው ደብረ ታቦር በተሰየመችው የደብረ ታቦር ከተማ ደግሞ ቡሄ በልዩ ሁኔታ የሚከበር በዓል ነው፡፡ ቡሄ በደብረ ታቦር በዋዜማው የዳግማዊ ምኒልክ እና እቴጌ ጣይቱን የልደት ቀን መታሰቢያ በዓል ጋር፣ በዕለቱ ደግሞ ከአሸንድዬ ጋር ተጣምሮ በድንቅ ሀይማኖታዊና ባህላዊ ክዋኔዎች በከተማዋ አደባባዮች እና በርዕሰ አድባራት ደብረ ታቦር ኢየሱስ ቤተ ክርስቲያን ይከበራል፡፡

ይምጡ ደብረ ታቦርን በደብረ ታቦር ያክብሩ!

17/08/2026

Ethiopia

12/08/2026

እንዳይቀሩ ተጋብዘዋል!!!
=============
ነሀሴ 13 የቡሔ በዓል "ባህላችን ድልድያችን አንድነት መዳረሻችን" በሚል መሪ ቃል በኤፍራታናግድም ወረዳ ባህልናቱሪዝም ስፖርት ጽ/ቤት አዘጋጅነት በደማቅ በአጣዬ ከተማ ይከበራል ስለዚህ ማንኛውም ሰው የባህል ልብሱን ለብሶ ከቀኑ 9:00 ጀምሮ አጣዬ ከተማ አስተዳደር ወደ አድዋ ድልድ ከሚወስደው መስቀለኛ መንገድ ላይ የቡሄ ጭፈራችን እንድናቀልጠው ጥሪያችን እናስተላልፋለን ።

08/08/2026

አትሌት አልማዝ ዮሐንስ : የወርቅ እመቤቲቱ

| በአፍሪካ እና በዓለም አቀፍ መድረኮች በስኬት እየደመቀች የምትገኘው ታዳጊ አትሌት አልማዝ ዮሐንስ ስሟ በዓለም እየናኘ ነው።

በኢትዮጵያ አትሌቲክስ ውስጥ ተስፋ ሰጪ ከሆኑ አዳዲስ ተካኪ ስፖርተኞች መካከል አንዷ የሆነችው አትሌት አልማዝ ዮሐንስ በአጭር ጊዜ ውስጥ ከፍተኛ ስኬት በማስመዝገብ ላይ ትገኛለች።

በአንድ ዓመት ጊዜ ውስጥ በዓለም አቀፍ እና በአህጉራዊ ውድድሮች ሁለት ሜዳሊያዎችን ለሀገሯ ማስገኘት የቻለችው ይህች ታዳጊ አትሌት፣ የስፖርት አፍቃሪዎችን ትኩረት ስባለች።

በሲዳማ ክልል አርቤጎና ወረዳ ከሮ ጫንጮ ቀበሌ የተወለደችው የ19 ዓመቷ አልማዝ ዮሐንስ፣ የስፖርት ጉዞዋን የጀመረችው በአርቤጎና ታዳጊ ወጣቶች ፕሮጀክት ውስጥ ነበር።

በስፖርቱ ያላትን ከፍተኛ ፍላጎት፣ የውስጥ ጥንካሬ እና ድፍረት በመጠቀም በአጭር ጊዜ ውስጥ ትልቅ እድገት በማሳየት ወደ ሲዳማ ቡና አትሌቲክስ ክለብ ተቀላቅላለች። በሀገር ውስጥ በተካሄዱ ውድድሮችም የላቀ ብቃት በማሳየት የክለቧን ስም ማስጠራት ችላለች።

በሀገር ውስጥ ያሳየችውን ድንቅ ብቃት ተከትሎ ወደ ዓለም አቀፍ መድረክ የተሸጋገረችው አትሌቷ፣ እ.ኤ.አ. በ2026 በፎሎሪዳ በተካሄደው የ6 ኪሎ ሜትር የሀገር አቋራጭ ውድድር ላይ ኢትዮጵያን እንድትወክል ተመርጣ አስፈላጊውን ዝግጅት በብቃት ያጠናቀቀች ቢሆንም፣ በቪዛ ምክንያት በውድድሩ ላይ ሳትሳተፍ ቀርታለች።

ይሁን እንጂ በዚህ ሳትበገር ጥንካሬዋን በመቀጠል፣ በ2026 በጋና በተካሄደው የአፍሪካ አትሌቲክስ ሻምፒዮና በ3000 ሜትር መሠናክል ውድድር ሦስተኛ ደረጃን በመያዝ የነሐስ ሜዳሊያ ማሸነፍ ችላለች።

በአጭር ጊዜ ውስጥ ያስመዘገበችው ይህ ውጤት ለኢትዮጵያ አትሌቲክስ ብሩህ ተስፋ ያለው አዲስ ትውልድ እየተተካ መሆኑን ያሳያል።

06/08/2026

https://www.youtube.com/@%E1%8C%8B%E1%8B%B2%E1%88%8E%E1%88%B8%E1%8B%8B

የኢትዮጵያን ህዝብ አጠቃላይ ባህላዊ፣ታሪካዊ፣ተፈጥሮአዊ እንዲሁም ሀይማኖታዊ እሴቶችን ፣ የመሥህብ ሀብቶችን ለአለም ህዝብ ማስተዋወቅ