17/08/2026
የሲዳማ ክልል ገንዘብ ቢሮ ማኔጅመንት አባላት እና ሙሉ ሠራተኞች የሜሪ ጆይ ኢትዮጵያ የኩላሊት ጤና አባልነት ፕሮግራምን ተቀላቀሉ።
***********************************************
ነሐሴ11/2018 ዓ.ም
ኮሚኒኬሽን ዳይሬክቶሬት
ሀዋሳ
የሲዳማ ክልል ገንዘብ ቢሮ ማኔጅመንት አባላት እና ሙሉ ሠራተኞች ከደመወዛቸው ሁለት መቶ ብር በየወሩ በመቁረጥ የሜሪ ጆይ ኢትዮጵያ የኩላሊት ጤና አባልነት ፕሮግራም አባል ሆነዋል።
የሲዳማ ክልል ገንዘብ ቢሮ ኃላፊ አቶ ኃይሌ ሀርሲሳ በንግግራቸው ሜሪ ጆይ ኢትዮጵያ የኩላሊት ዕጥበት ማዕከል የኩላሊት ሕመም ታካሚዎች በከፍተኛ የሕክምና ወጪ እና በተወሰነ የአገልግሎት አቅርቦት ምክንያት ሕይወታቸው እዳያልፍ እየሰጠ ያለው አገልገሎት ተስፋ ሰጪ ነው ሲሉ ገልፀዋል።
የቢሮዉ ኃላፊ አክለውም በሀገራችን የኩላሊት ህክምና ብዙ ወጪ የሚጠይቅና ፈታኝ በመሆኑ ይህንን ለማቅለል ሜሪ ጆይ ኢትዮጵያ የኩላሊት ዕጥበት ማዕከል ዘርፈ ብዙ ስራዎችን እየሰራ ስለሚገኝ ሁሉችንም በጎ ተግባራትን በመደገፍ እና በመረዳዳት የበኩላችንን ኃላፊነት መወጣት አለበን ብለዋል።
በኢትዮጵያ መድሀኒት አቅራቢ አገልግሎት የደቡብ ኢትዮጵያ ክላስተር አስተባባሪና የሜሪ ጆይ ኢትዮጵያ የበጎ አድራጎት አምባሳደር የሆኑት አቶ ዘመን ለገሰ በንግግራቸው ማዕከሉ ለግለሰቦች፣ ለቤተሰቦች እና ለማህበረሰቡ ተመጣጣኝ ዋጋ ያለው የኩላሊት ዕጥበት አገልግሎት ተደራሽ እንዲሆን እየሰራ ይገኛል ሲሉ ገልፀዋል።
እንዲሁም የአባልነት ፕሮግራሙን በመቀላቀል አባላት የራሳቸውን እና የቤተሰባቸውን ጤና ከመጠበቅ ባሻገር፣ አቅም ለሌላቸው ወገኖች ሕይወት አዳኝ ድጋፍ በማድረግ የተሻለ እና ጤናማ ማህበረሰብ ለመገንባት ያስችላሉ ብለዋል።
በመጨረሻም የሜሪ ጆይ ኢትዮጵያ መስራች እና ሥራስካጅ ሲስተር ዘቢደር ዘውዴ የሲዳማ ክልል ገንዘብ ቢሮ ማኔጅመንት አባላት እና ሠራተኞች ለማዕከሉ ያደረጉትን የበጎ ድጋፍ በማዕከሉ ስም አመስግነዋል።
