Ethiopian Coffee Association

13/03/2025

የቡና ጣዕም፣ የጥራት ምርመራ እና የቡና ገበያ ግብይት
3ተኛ ዙር ምዝገባ ተጀምሯል!!
የኢትዮጵያ ቡና ማህበር የአገራችንን ቡና ጥራት በዓለም ላይ በማስዋወቅ እና ተወዳዳሪነቱን በመሪነት እንዲይዝ እያደረገ ያለውን ስራውን በማጠናከር የአባሎቹንና በቡናው ዘርፍ ላይ ፍላጐት ያላቸውን ዜጐችም ስለ ቡና ጥራት እና የዓለም አቀፍ ቡና ገበያ ግብይት መገንዘብ የሚያስችል ስልጠና እየሰጠ ያለ መሆኑ ይታወቃል፡፡
በዚህ መሰረት የቡና ጣዕም፣ የጥራት ምርመራ እና የቡና ገበያ ግብይት (Coffee Cupping, Raw Analysis and Coffee Marketing) ስልጠና የሚሰጥ መሆኑን በደስታ እንገልጻለን፡፡
ለስልጠናው የሚያስፈልጉ መሟላት ያለባቸው፡-

- ስልጠናው የሚውስደው ጊዜ፡- 45 ቀናት
- የስልጠናው ቀን ከሰኞ እስከ አርብ በቀን ለ4፡ዐዐ ሰዓታት
- ስልጠናው የሚጀመርበት ቀን፡- መጋቢት 23 ቀን 2017 ዓ. ም.
- የስልጠናው ክፍያ በአንድ ሰልጣኝ ብር 30,000.00 /ሰላሳ ሺህ ብር/
- ስልጠናውን ለመመዝገብ የኢትዮጵያ ቡና ማህበር ኢትዮጵያ ንግድ ባንክ ሂ/ቁጥር 1000001847175 ገቢ አድርጋችሁ የከፈላችሁበትን ደረሰኝ እና የትምህርት ዝግጅት ሰርተፊኬት ማቅረብ ይጠበቅባችኋል
- የስልጠናው ቦታ ጦር ኃይሎች በተለምዶ 3 ቁጥር አውቶቡስ ማዞሪያ አካባቢ
- ለበለጠ መረጃ፡- አቶ ኃይሉ ረጋሳ
የማርኬቲንግ መምሪያ ኃላፊ 0911 753582

Send a message to learn more

15/11/2024

ላኪዎች ካመነጩት የውጭ ምንዛሬ 50 በመቶውን በመሸጥ ቀሪውን በአካውንታቸው ማስቀመጥ ይችላሉ
-ብሔራዊ ባንክ
****************
(ኢ ፕ ድ)

ላኪዎች ያመነጩትን የውጭ ምንዛሬ 50 በመቶ ወዲያውኑ በመሸጥ ቀሪውን 50 በመቶ ላልተወሰነ ጊዜ ኢትዮጵያ ውስጥ ባለአካውንታቸው ማስቀመጥ የሚችሉበት አሰራር ከነገ ጀምሮ ተግባራዊ እንደሚደረግ የኢትዮጵያ ብሔራዊ ባንክ ገለጸ።

የኢትዮጵያ ብሔራዊ ባንክ ገዥ ማሞ ምህረቱ እንዳሉት፣ ላኪዎች ካመነጩት የውጭ ምንዛሬ 50 በመቶውን ለባንኮች ወዲያውኑ በመሸጥ ቀሪውንም በአንድ ወር ውስጥ መሸጥ ይገደዱ ነበር።

በወቅቱ አሰራሩ በጊዜያዊነት ተግባራዊ ሲደረግ የተረጋጋ የውጭ ምንዛሬ ፍሰት እንዲኖር ከመፈለግ እንደነበር ጠቁመዋል።

ከነገ ጀምሮ ግን ላኪዎች ያመነጩትን የውጭ ምንዛሬ 50 በመቶ ወዲያውኑ በመሸጥ ቀሪውን 50 በመቶ ላልተወሰነ ጊዜ በአካውንታቸው ማስቀመጥ ይችላሉ ብለዋል።

ይህም ማለት ያመነጩትን የውጭ ምንዛሬ በአንድ ወር ውስጥ እንዲሸጡ አይገደዱም ብለዋል ሲል ኢዜአ ዘግቧል።

ህዳር 4 ቀን 2017 ዓም

ለተጨማሪ የመረጃ አማራጮች‼️
ቴሌግራም https://t.me/ethpress
ትዊተር https://twitter.com/PressEthio
ቲክቶክ https://www.tiktok.com/...
ድረ ገጽ https://www.press.et

12/11/2024

12/11/2024

የለቀማ ወቅትም አይደል? ለመማማር ያህል!!
ክፍል 3

የቡና መፈልፈያ ዓይነትና ጥቅም

የታጠበ ቡናን ለማዘጋጀት የሚረዱ መሣሪያዎች በሁለት ይከፈላሉ፡፡ የመጀመሪያው ባለታምቡር /Drum Type/ መፈልፈያ ሲሆን በሚፈለፍልበት ወቅት ካልተስተካከለ ፍሬውን ስለሚቦጭቅ /nipping/ የሚፈጥርና መለዋወጫም የማይገኝለት ኋላ ቀር በመሆኑ በአሁኑ ጊዜ በብዙ ሃገሮች እየተሰራበት አይደለም፡፡

ሁለተኛው ባለዲስክ መፈልፈያ /አጋርድ ሲሆን በአሁኑ ወቅት ሃገራችንን ጨምሮ በብዙ ሃገሮች እየተሰራበት የሚገኝ ነው፡፡ ይህ የመፈልፈያ መሣሪያ ቡናው ተፈልፍሎ ወደ ማቡኪያ ገንዳ እስከሚገባ ድረስ አራት ዋና ዋና ክፍሎች ያሉት ሲሆን እነርሱም፡-
1/ ተሸከርካሪ መጋቢ ጭልፋ /Rotary feeder/
2/ ባለ ከሦስት እስከ አምስት ዲስክ መፈልፈያ
3/ አጋርድ ደረጃ መለያና
4/ በመጠን አነስተኛ ቡና የሚፈለፍል ባለ አንድ ዲስክ ማጣሪያ መፈልፈያ/Repass pulper// ናቸው፡፡

የባለዲስክ መፈልፈያ ክፍሎች የተለያዩ ክፍሎች አገልግሎት ዝርዝር እንደሚከተለው ቀርቧል፡-
1ኛ. ተሸከርካሪ መጋቢ ጭልፋ/Rotary feeder/
ይህ መሳሪያ ቡናውን ከዋናው ቋት /cherry hopper/ ውስጥ ወደ መፈልፈያ መሣሪያ በቀላሉና ሁሉም ዲስኮች በተመጣጠነ መልኩ እንዲደርስ እየተሽከረከረና እየዛቀ በአሸንዳ ለመፈልፈያው የሚያቀብል ነው፡፡ በዚህ ጊዜ ቡናው በውሃ እየተገፋና እየተንከባለለ የመፈልፈያው ቋት ውስጥ ከገባ በኋላ በዲስኩ ግራና ቀኝ እያለፈ ይፈለፍላል፡፡
ተሸከርካሪ መጋቢ ጭልፋው ከመፈልፈያው መሣሪያ ማንቀሳቀሻ ፑሊ ጋር በቺንጋ የተያያዘ ስለሆነ ፍጥነቱም ከአፈላፈሉ ፍጥነት ጋር የተጣጣመ ነው፡፡ ወደ መፈልፈያ የሚገባውን ቡና መጠን የቋቱን መውረጃ አፍ /ቀዳዳ/ መዝጊያ በር በመጠኑ በመክፈት ወይም በመዝጋት መቆጣጠር ይቻላል፡፡ ይህ መጋቢ ጭልፋ በትክክል እንዲሰራ በግራና ቀኝ የተገጠመለት ኩህኔት ቅባት ማግኘት አለበት፡፡

2ኛ. ባለ ዲስክ መፈልፈያ
ይህ ክፍል ቡናውን የሚፈለፍል ዋና አካል ሲሆን የሚሰራውም ካስት አይረን ከተባለ ብረት ሆኖ ክብና በአካሉ ላይ የቡናውን ገለፈት እቦጨቀ ከፍሬው ሊለይ የሚችል ጉጥ /pulb/ ያለው ነው፡፡ የዲስኩ ብዛት ሦስት ወይም አራት ሊሆን ይችላል፡፡ ከዚህ ጋር ቡናው ከገለባው አፈትልኮ እንዲወጣና እንዲለይ የሚረዱ ምላጭ፣ ማረሻና ናይለን ጣቶች ተብለው የሚጠሩ ክፍሎች አሉት፡፡
ምላጩ ዋና ሥራው የተፈለፈለው ቡና ከቆዳው ጋር አልፎ እንዳይድቅ የሚከላከል ነው፡፡ ማረሻው ደግሞ ቡናው ከዲስኩ እንዳይሸሽ በተወሰነ ርቀት ተስተካክሎ የተገጠመ ሲሆን ቡናው በዚህ ምክንያት እየተጨቆነና በሚሽከረከረው ዲስክ ወደ ፊት እየተገፋ በሄደ ቁጥር አፈትልኮ እንዲወጣ የሚረዳ አካል ነው፡፡ ቡናው ከዲስኩ ጋር እየተጨቆነ እንዲፈለፈል የሚረዱ ናይለን ጣቶች የሚባሉም ያሉበት መፈልፈያ አለ፡፡ ናይለን ጣቶች /Nylon fingers/ የተገጠሙት ከዲስኩ ግራና ቀኝ ተንፈራጦ በተቀመጠ ማረሻ መሰል ብረት ሲሆን ቡናውን ከዲስኩ ጋር በሚያደርገው መተሻሸት ሳይሰባበር አፈትልኮ እንዲወጣ የሚረዱ ናቸው፡፡ ይህም የሚሆነው እያንዳንዱ ላይነን ጣት በቡናው ግፊት ለየብቻው መንቀሳቀስ ስለሚችል ነው፡፡

ቡና ሳይሰባበር እንዲፈለፈል ወይም ገለባ አብሮ እንዳያልፍ የበሰለ ቡና ከመሰብሰብ በተጨማሪ ዲስኩ መታደስ እንዳለበት፣ ናይለን ጣቶች ደግሞ ካረጁ መቀየርና መስተካከል ይኖርባቸዋል፡፡
በተንቀሳቃሹ ዲስክና በማይንቀሳቀሰው ማረሻ መካከል ያለው ርቀት የሚስተካከልና ቡናው እየተገፋ ወደ ውስጥ በገባ ቁጥር የሚጠብ ነው፡፡ ናይለን ጣቶችም ተወጥረው እንዳይቀሩና ቡናውን ማለፍ እንዳይከለክሉ በጎማ ላይ የተገጠሙ ስለሆነ እንደልብ መንቀሳቀስ ይችላል፡፡ በዚህ መካከል ነው ቡናው እየተጨቆነ ከገለባው እየተፈተለከ እንዲወጣ የሚያደርገው ማለት ነው፡፡

3ኛ. አጋርድ ደረጃ መለያና አሰራሩ
ይህ ክፍል የተፈለፈለውንና በመጠናቸው አነስተኛ ሆነው ያልተፈለፈሉትን ጭምር ተቀብሎ በክብደት እየለየ /pre-grade/ ወደ ተመደበለት የማቡኪያ ገንዳ የሚልክ ነው፡፡ መሣሪያው ከላይ የተለያየ መጠን ተርገብጋቢ ወንፊቶች /oscilating screen/ የተገጠመለት ነው፡፡ ማሽኑ በደረጃ እንዲለይ መጀመሪያ በውሃ መሞላት ያለበት ሲሆን እየሰራ እስካለ ድረስ ባለማቋረጥ ውሃ ይፈልጋል፡፡ አሰራሩ ወንፊቱ ቡናውን ለማንገዋለል ወደ ኋላና ወደፊት ሲርገበገብ ቡናው ወደ ፊት እንዲሄድ የሚረዳ በስንጥቅ /slot/ እንዲያልፍ የተደረገ ውሃ እየገፋ የተመደበለት ሥፍራ እንዲደርስ በማድረግ ነው፡፡ የውሃን ፍሰት፣ ፍጥነትና የወንፊት ተዳፋትነት በመለዋወጥ ጥራቱን መቆጣጠር ይቻላል፡፡
መፈልፈያ መሳሪያውን አልፎ የመጣ ቡና ሁሉ ጥቅጥቅ ያለው የወንፊቱ አካል ላይ ካረፈ በኋላ ቀጥሎ ወደ አለው ሰፋ ያለው/5.5 በ 5.5 ሚ.ሜ/ የወንፊት አካል ሲያልፍ አንደኛ ደረጃ ቡናው ከወንፊቱ ወደ ገንዳው ሾልኮ ይገባና ከዚያ ከፕላስቲክ በተሰራ የቡና መዛቂያ /Rubber paddle/ አማካኝነት እየተዛቀ ወደ ማቡኪያ ገንዳ መውሰጃ ቦይ ይለቀቃል፡፡ ሁለተኛ ደረጃ ቡና ደግሞ በውሃ ተገፍቶ ስለሚያልፍ ቀጥሎ ሰፋ ባለው ወንፊት (12.5 በ 12፣5 ሚ.ሜ) ሲደርስ በመሹለክ በተመደበለት የገንዳ ክፍል በመውደቅና ከዚያም በማጣሪያ መፈልፈያ ከተፈለፈለ በኋላ ወደ ተመደበለት ገንዳ በውሃ እየተገፋ በቦዩ ላይ እንዲያልፍ ይደረጋል፡፡
ተንሣፋፊና ያመለጠ ገለፈት ደግሞ በውሃ እየተገፋ በቀጥታ ከወንፊት በላይ በኩል አድርጎ በገንዳው ጠርዝ ካለፈ በኋላ በማጣሪያ መፈልፈያ ቀኝ ጎን ወጥቶ ተነረሣፋፊ ገንዳ ውስጥ እንዲገባ ይደረጋል፡፡ ይህ የደረጃ ልየታ ጥቅል ስለሆነ በአጠባ ወቅት በደረጃ በደንብ መለየት አለበት፡፡

4ኛ. ባለ አንድ ዲስክ ማጣሪያ መፈልፈያ /repass pulper//
ይህ ደግሞ ከደረጃ መለያው መሣሪያ /አጋርድ/ በስተመጨረሻ ተተክሎ የሚገኝ ባለ አንድ ዲስክ መፈልፈያ ነው፡፡ ይህ መፈልፈያ በመጠናቸው አነስተኛ የሆኑ ሁለተኛ ደረጃ ቡናዎችን እንዲፈለፍል በማሰብ የተቀመጠ ሲሆን ዲስኩ ሲገጠምም ከዋናው መፈልፈያ ጠበብ እንዲል ተደርጎ ነው፡፡ አሰራሩ ከዋናው መፈልፈያ የተለየ ባይሆንም ያልተፈለፈለ ቡና በአጋጣሚ ከተንሳፋፊ ጋር አብሮ ሲመጣ ካልሆነ በስተቀር የሚፈለፍለው በግራ በኩል ባለው የዲስክ አካል ብቻ ነው፡፡ ቡና ወደዚህ መፈልፈያ እንዲመጣ ለማድረግ በቂ ውሃ ሊኖርና የቡና መተላለፊያው መዝጊያ በገለፈቱ ወይም በሌላ እንዳይዘጋ መቆጣጠር ተገቢ ነው፡፡

መረጃዎቻችንን፦
በፌስቡክ
በቴሌግራም፡- https://t.me/ECTAuthority
በድረገጽ፡- https://www.etiocta.gov.et
ዩቲዩብ https://www.youtube.com/
ተከታተሉን:: እናመሠግናለን!!!

07/11/2024

05/06/2024

የኢትዮጵያ ቡና ማህበር ከጁን 05-06,2024 በሚቆየው Ethio-Saudi Investment and Trade Forum ላይ በመሳተፍ የማህበሩን ስራዎች ለልኡካን ቡድኑ የማስተዋወቅ ስራ ላይ

02/05/2024

New European Rules and Ethiopian Coffee 22nd May 2024 Ras Mekonnen Hall, AAU Main Campus Addis Ababa
and online on webex: https://t1p.de/ci2zk

15/04/2024

15/04/2024

Chicago Coffee Exhibition Apr 13,2024 USA.

15/04/2024

Opening Ceremorny of Chicago Coffee Exhibition Apr 12-14,2024 participants of Ethiopian team infront of Ethiopian Coffee Association Booth.

09/04/2024

ለኢትዮጵያ ቡና ማህበር አባላት ለመላው እስልምና እምነት ተከታዮች በሙሉ!

እንኳን ለ1445ኛው ለኢድ አልፈጥር በዓል በሰላምና በጤና አደረሳችሁ፣ በዓሉ የመተሳሰብ የፍቅርና የደስታ እንዲሆንላችሁ መልካም ምኞቴን እገልጻለሁ፡፡

ግዛት ወርቁ

ዋና ሥራ አስኪያጅ

08/04/2024

The winners of the cupping competition result for SCA 2024 Coffee Exhibition and Conference.