Naadiga Gargaar

30/12/2025

Ree shaygooshkii horta wali ma fahmeen inaan wax-akhrisku ikhwaanimo ahayn? Macnaha naadise wali fasirkiisa ma heleen?.

08/08/2025

06/08/2025

Dhalinyaro hadh-casar ha isku illaawina, qodobbo dhaxal-gal ah, oo mustaqbalka fog dib loogu aayo, miiska soo saara, islana buunsha-bixiya.
Maamul, saami-qaybsi, xukun iyo xukuumadda ood waqtigiina galisaani waa hal dix lagu lisay, wax laga dheefi doonana ma jiro.

Is waydiiya, oo ka dooda, sidii library akhris iyo maktab dad-wayne magaalada looga hir-galin lahaa, sidii tayada waxbarashada ee aadka u liidan kor loogu soo qaadi lahaa, sidii shaqo abuur dawladda ka madax-bannaan bulshada loogu jihayn lahaa.

'Wixii la qoraa quruuma hadhee muxuu hadal qiimo leeyahay".

01/08/2025

Dhalinyaro dhanka aqoonta iyo garaad-dhiska xooga saara, siyaasad, hogaamin, saami qaybsi iyo magacaabis yaanay noqonin halka aad target-ka ka dhiganaysaan.
U kaca sidii aad aqoontiina u horu-marin lahaydeen, jiilka idinka dambeeyana aad ugu dhisi lahaydeen goobo dhaxal-tooyo aqooneed ah, oo ay dib ugu reeyaan.

Shalay waxaan u fikirray sidaan degmada u toosin lahayn, naadi aqris-na ugu samayn lahayn, maktab dad-waynana uga hirgalin lahayn, balse nala maydaan garan, oo cadaw soo duulay ayaa naloo kiin tusay, rukub ayayna idin tidhi, oo qaarkiin ilaa hadda ayay fiig iyo firxad ku jiraan, oo meel kasta oo laba qofi isugu timaado uga cabsadaan, iyagoo buufiskii iyo khuukhaalkii shalay naftooda saamayn wayn ku yeeshay.
Dhalinyaro: isku tashta, hankiinuna ha waynaado, dhabar-adaygna lahaada. Tabca oo goosta midhaha.

War haddii naadigii shalay tadaamun dadka duufsanaya ahaa, idinku eega mid suufi ah inoo sameeya, oo samaha inagu hogaamiya, dadkeenna iyo dalkeenana horu-mariya.

28/07/2025

Beerista dhirtu marka laga yimaado inay tahay bilicda deegaan-ka, raaxada indhaha, iyo dhaymaha qalbiga. Waxaa kalooy sabab u noqotaa caafimaadka, farxadda, waxayna soo jiiddaa dhibicda roobabka, iyo neecawda macaan ee saxan-saxada. Sidookale inaad geed beerto waxaad ku helaysaa ajirka daba-dheeraada الصدقة الجارية. Waxaadna ku intifaaci doontaa adoo iil-jiif ah oo aduunka ka guuray.

Beero geed si adoo dhintay aad midhihiisa u quudato.

28/07/2025