YeQin Liboch የቅን ልቦች

07/09/2026

የቅን ልቦች አዋርድ በ13 የፋና ሬዲዮ ጣቢያዎችና በ2 የፋና የቴሌቪዥን ቻናሎች ሊተላለፍ ተፈራረሙ::

አዲስ አበባ — ሀገርን፣ ትውልድን እና በጎ እሴቶችን ያስቀደሙ አወንታዊ ተፅዕኖ ፈጣሪዎችን ለማስመሰገን የተዘጋጀውን የ«ቅን ልቦች» የ2019 ዓ.ም የእውቅናና የሽልማት መርሃ-ግብር በፋና ሚዲያ ኮርፖሬሽን አማካኝነት በቀጥታ ለማስተላለፍ የሚያስችል የጋራ ስምምነት ውል ተፈረመ።

በዚህ ታላቅ መርሃ-ግብር ላይ በጠቅላላው 15 ሚሊዮን ብር የሚያወጣ 280 ግራም ወርቅ ለተለያዩ በጎ አድራጊዎችና ተፅዕኖ ፈጣሪዎች በሽልማት መልክ የሚበረከት ሲሆን፣ የሥነ-ሥርዓቱ የቀጥታ ስርጭትም በኮርፖሬሽኑ ስር በሚገኙ 13 የሬዲዮ ጣቢያዎች እና ሁለት የቴሌቪዥን ቻናሎች አማካኝነት ለመላው የሀገሪቱ ክፍሎችና ህዝብ ተደራሽ ይደረጋል።

በፊርማ ሥነ-ሥርዓቱ ወቅት የፋና ሚዲያ ኮርፖሬሽን የይዘት ዘርፍ ምልከተና ምክትል ስራ አስኪያጅ አቶ አላዛር ታደለ እንደገለፁት፤ ማህበራዊ ሚዲያው ለሀገርና ለሰላም ግንባታ እንዲሁም ዜጎች ዓላማ-መር ህይወትን እንዲመሩ በሚያስችሉ በጎ ይዘቶች ላይ እንዲያተኩር ማበረታታት የፋና ዋነኛ የትኩረት አቅጣጫ ነው። አቶ አላዛር አክለውም፣ ኮርፖሬሽኑ ከ«ቅን ልቦች» ድርጅት ጋር በጋራ ለመስራት በመበቃቱ የተሰማቸውን ደስታ ገልጸዋል።

በሌላ በኩል የ«ቅን ልቦች» የበጎ ሥራ ድርጅት ሥራ አስኪያጅ አቶ ተስፋዬ ስንሻው በበኩላቸው፣ ግዙፉ የፋና ሚዲያ ኮርፖሬሽን የሽልማት መርሃ-ግብሩን በቀጥታ ለማስተላለፍ መስማማቱ፣ ተቋሙ ማህበራዊ ሚዲያ ለበጎና አዎንታዊ ዓላማ እንዲውል ያለው ቁርጠኝነት ማሳያ ነው ብለዋል።

የዓመቱ የ«ቅን ልቦች» የሽልማት ሥነ-ሥርዓት በመጪው መስከረም 28 ቀን 2019 ዓ.ም በደመቀ ሁኔታ የሚካሄድ ሲሆን፣ ህዝቡ የሚደግፋቸውንና የሚመርጣቸውን ዕጩዎች እስከ መስከረም 12 ቀን ብቻ https://yekinlibochaward.org በተሰኘው ይፋዊ ድረ-ገፅ በመግባት ድምፅ መስጠት እንደሚችሉ ተገልዟል።

28/08/2026

የቅን ልቦች የአሽናፊወች አሽናፊ የ100 ግራም ወርቅ ዕጩ
ባለ ጫማው

28/08/2026

የቅን ልቦች የአሽናፊወች አሽናፊ የ100 ግራም ወርቅ ዕጩ
ባለ ጫማው።

27/08/2026

26/08/2026

አወንታ በርሲሳ:-
የቅን ልቦች የአሽናፊወች አሽናፊ የ100 ግራም ወርቅ ተሽላሚ እጩ። የምትወዷቸውን ምረጡ ። Use the below link
https://yekinlibochaward.org/nominees?category=social-media-award

26/08/2026

ጉርሻ page

24/08/2026

የቅን_ልቦች_አዋርድ_ጋዜጣዊ_መግለጫ

23/08/2026

ለማህበራዊ ሚዲያ ኮከቦች።

22/08/2026

22/08/2026

ቅን ልቦች ጋዜጣዊ መግለጫ:-

የቅን ልቦች የበጎ ሥራ ድርጅት ትልቅ የወርቅ ሜዳሊያ የዕውቅና እና ሽልማት መርሐግብር ይፋ አደረገ

የተከበራችሁ ታዳሚዎች፣ ሰላም ለእናንተ ይሁን።
አስቀድሜ ሀገርን፣ ትውልድን እና ሀገራዊ እሴትን ላስቀደሙ የዲጂታል ዘመን አርበኞች እና የሀገር ባለውለታዎች የተዘጋጀ ታላቅ የወርቅ ሽልማትና የዕውቅና መርሐግብር ጋዜጣዊ መግለጫ ላይ እንኳን ደህና መጣችሁ ማለት እወዳለሁ።

የቅን ልቦች የበጎ ሥራ ድርጅት ባለፉት ስድስት ዓመታት የማህበራዊ ሚዲያውን ለሀገር ግንባታ፣ ለሰላም፣ ለሀገር አንድነት፣ ሀገራዊ እሴቶች እንዲያብቡና ዜጎች ዓላማ ተኮር ሕይወት እንዲኖሩ የሚሰሩ የማህበራዊ ሚዲያ በጎ ተጽዕኖ ፈጣሪዎችን ሲሸልም ቆይቷል።

በተለይም ባለፈው አንድ ዓመት የየወሩን የማህበራዊ ሚዲያ በጎ ተጽዕኖ ፈጣሪዎች ሽልማት ሲሰጥ ቆይቷል።

የአሁኑ ውድድር «የአሸናፊዎች አሸናፊ» ከመሆኑ ባሻገር፣ በአሁኑ የዲጂታል ዘመን የመረጃ ፍሰት ማየል ጋር ተያይዞ ሀገርን፣ ትውልድን፣ ሕዝብን እና ሀገራዊ እሴትን በማስቀደም በቲክቶክ፣ በፌስቡክ፣ በዩቲዩብ እና በቴሌግራም የማህበራዊ ትስስር ገጾች ላይ አዎንታዊና ገንቢ ሚና እየተጫወቱ ለሚገኙ 33 ተጽዕኖ ፈጣሪ የማህበራዊ ሚዲያ ተጠቃሚዎች ልዩ የዕውቅና እና የሽልማት መርሐግብር ተዘጋጅቷል።

ይህ ታላቅ ሀገራዊ መድረክ በዋናነት በሁለት ዓበይት ዘርፎች የተከፈለ ሲሆን፣ ለ6 ግንባር ቀደም አሸናፊዎች በድምሩ 280 ግራም ንጹሕ የወርቅ ሜዳሊያዎችን አዘጋጅቷል።

ዘርፍ አንድ፦ የዓመቱ ምርጥ የማህበራዊ ሚዲያ ተጽዕኖ ፈጣሪዎች በዚህ ዘርፍ ዓመቱን ሙሉ በየወሩ አሸናፊ ከነበሩት መካከል ተለይተው ለሚወጡት የሀገር ባለውለታዎች በድምሩ 180 ግራም ወርቅ ተዘጋጅቷል፦

1ኛ ደረጃ፦ 100 ግራም የወርቅ ሜዳሊያ
2ኛ ደረጃ፦ 50 ግራም የወርቅ ሜዳሊያ
3ኛ ደረጃ፦ 30 ግራም የወርቅ ሜዳሊያ

ዘርፍ ሁለት፦ “ሀገር ተስፋ የምታደርጋቸው” አርአያ ዜጎች ይህ ዘርፍ ያላቸውን እውቀት፣ ተሰጥኦና ዕውቅና በመጠቀም ሀገርን እና ትውልድን በመቅረፅ ረገድ ጉልህ አሻራ እያኖሩ ያሉ፤ ነገር ግን በሕዝብ ዘንድ ብዙም የማይታወቁ ዕንቁ ዜጎችን ያነጣጥራል።

በዚህም መሠረት መምህራን፣ በተለያዩ መስኮች የተሰማሩ ምሁራን፣ የሥራ ፈጣሪዎች፣ የባሕር እና የአየር ካፒቴኖች፣ የፋሽን ዲዛይነሮች፣ በአግሮ-ኢንዱስትሪ እና በቱሪዝም ዘርፍ የተሰማሩ ባለሙያዎች እንዲሁም ለሀገር ጠቃሚ ሀሳብ ያላቸው ዜጎች ይሸለማሉ። ለዚህ ዘርፍ በድምሩ 100 ግራም ወርቅ የተመደበ ሲሆን፦

1ኛ ደረጃ፦ 50 ግራም የወርቅ ሜዳሊያ
2ኛ ደረጃ፦ 30 ግራም የወርቅ ሜዳሊያ
3ኛ ደረጃ፦ 20 ግራም የወርቅ ሜዳሊያ

ከዚህም በተጨማሪ፣ በዚህ ዘርፍ ከ4ኛ እስከ 20ኛ ደረጃ ለሚወጡት ተወዳዳሪዎች ልዩ የሽልማትና የዕውቅና አሰጣጥ መርሐግብር ተዘጋጅቷል።

የአንጋፋ የሀገር ባለውለታዎች የምስጋና መድረክ ይህ ታሪካዊ ሁነት መነሻ ተደርጎ ሀገርን በላቀ ጥበብ፣ እውቀትና ጀግንነት ላገለገሉ ከ10 በላይ ለሚሆኑ አንጋፋ የሀገር ባለውለታዎች ልዩ የምስጋናና የክብር ፕሮግራም በመድረኩ ላይ ይካሄዳል።

በአጠቃላይ ለዚህ ሀገራዊ የዕውቅና መድረክ 15 ሚሊዮን ብር ግምት ያላቸው የወርቅ ሜዳሊያዎች፣ እንዲሁም የተለያዩ የደረጃ ሽልማቶችና ስጦታዎች ተዘጋጅተዋል።
ዓላማችን በሀገር ግንባታ፣ በትውልድ ቅረጻ እና በእሴት ግንባታ ላይ የተሰማሩ በጎ አሳቢዎችን ማበረታታትና ለቀጣዩ ትውልድ አርአያ የሚሆኑ ተግባራትን ከፍ አድርጎ ማሳየት ነው!

«ቅን ሆነን ቅን ልቦችን እንፍጠር!» — የቅን ልቦች መርሕ ነው።

ኢትዮጵያ በእኛ በልጆቿ ታፍራና ተከብራ ለዘለም ትኑር
#ቅንልቦች