https://www.facebook.com/106261985405629/

Ifaa Abdiisaa Official

Home
Ethiopia
Addis Ababa
Ifaa Abdiisaa Official

Call Contact the organization

Namni Jiraachuu kee jibbu Milkaa'ina kee akka waraana addunyaa 3ffaatti sodaata

24/09/2026

Hoolaan kun lakkoofsa meeqaan hidhamtee jirti?

Ifaa Abdiisaa Official

19/09/2026

🧠 DUBBII KEE DURA, SAMMUU KEE DHAGGEEFFADHU.

Namni tokko dubbii hedduu dubbachuu danda’a; garuu dubbii baay’inaan dubbachuun beekumsa, hubannoo fi bilchina sammuu qabaachuu jechuu miti.

Yeroo tokko tokko namni waan sammuutti dhufe hunda afaaniin baasa. Garuu sammuun bilchaataan waan yaade hunda hin dubbatu; waan dubbatu dura ni madaala.

Xiinsammuunis waan tokko nu yaadachiisa:
yaada kee hubadhu, miira kee beeki, achiis jecha kee filadhu.

Yeroo ati dubbachuu jettu, of gaafadhu:

❓ Waan ani jedhu kun dhugaa dhaa?
❓ Waan ani jedhu kun nama biraa ni ijaaraa moo ni miidhaa?
❓ Amma dubbachuun barbaachisaa dhaa?
❓ Yoo ani callise, rakkoon sun ni hammaataa moo ni tasgabbaa’a?

Yoo deebiin kee ifa hin taane, callisuun filannoo gaarii ta’uu danda’a.

Sababni isaa, jechi afaan keessaa ba’e deebi’ee qabamuu hin danda’u.
Waan tokko dubbachuun sekondii muraasa fudhata; garuu miidhaan jecha sanaa nama tokko irratti yeroo dheeraa turuu danda’a.

Kanaaf, yeroo aarii keessa jirtu dubbii kee eegi.
Yeroo gaddaa keessa jirtu murtoo ariifachiisaa hin godhin.
Yeroo gammaddus waan hunda waadaa hin seenin.

🌱 Miira kee hubadhu.
🧠 Sammuu kee leenjisi.
🗣️ Jecha kee madaali.
👂 Nama biraa dhaggeeffadhu.
❤️ Dubbii kee keessatti gara-laafina qabaadhu.

Callisuun dadhabina miti.
Yeroo tokko tokko callisuun mallattoo of-to’annoo, ogummaa fi bilchina sammuu ti.

«“Afaan kee waan ati yaaddu dubbata;
sammuu kee garuu waan ati dubbattuuf itti gaafatama.”»

Kanaaf, afaan kee dubbachuu qofaaf hin leenjisin; sammuu kee yaaduuf, hubachuuf, dhaggeeffachuuf fi of-to’achuuf leenjisi. 🧠❤️

Namni beekaan waan hundumaa dubbatu miti;
yeroo dubbachuu qabu beeka,
yeroo callisuu qabu immoo ni beeka. 🌿

Yoo sitti tole hhriyyoota kee nama 10 share godhi

Ifaa Abdiisaa Official

Zeynu Musa Jaafar

Mersen Koo

Teferi Nigatu Gabree

Shibru Alemu Tafa

Rabuma Mulu Kumsa

Hika Melaku

Mamo Agama

11/09/2026

🎉🌿 BAGA GEESSAN! BARA HAARAA 🌿🎉

Bara haaraan kun kan nagaa, jaalalaa, tokkummaa, badhaadhinaa fi milkaa’inaa nuuf haa ta’u!

🎆 Baga Bara Haaraa Geessan! 🎆

Ifaa Abdiisaa Official

18/08/2026

Waan baay'ee keessa darbeen as ga'e kanaaf ana ta'uun sitti cima!
Ifaa Abdiisaa Official

16/08/2026

🐴 Harree Awwaalamte 🦄
▬▬▬▬▬▬▬▬▬‎
Seenaa Gabaabduu kana irraa Waan baay'ee barattu!

📝 Guyyaa tokko qotee bulaa tokko jalaa Harreen waggaa hedduu isa tajaajile tokko boolla gad fagoo keessa jalaa bu'e!

🐴 Harreen kunis boollicha keessaa bahuuf wixxifatullee boollichi gadi fagaachuu isaa irraa kan ka'e ba'uu akka hin dandeenye yommuu isaaf galu achuma keessa taa'ee sagalee isaa ol kaasee halaakuu eegale!

🐴 Qotee bulaan kunis Harree kana baasuuf yaaliin inni taasise Waan isaaf milkaa'u Hin dandeenyeef Yaada tokko yaade...

✍️ Harreen koo kun waggoota Hedduu na tajaajilaa turullee Amma garuu Umuriin isaa dulloomeera dugdi isaas dadhabeera akka duraaniitti na fayyaduu hin danda'u kanaaf Harree kana faana dhiphachuu koof ollaa koos rakkisuu koo irra horiin koo biroo boolla gadi fagoo kana keessa akka najalaa hin buuneef utuu harrichi boolicha keessa jiruu biyyoo itti deebisee boollicha duuchuun qaba jedhee murteesse!

➡️ Sana booda Ollaa isaa waammatee Biyyoo sana Boolla Harrichi keessa jirutti guutuu Eegalan Harrichis Baay'ina namoota kanaa ol ilaalee isa baasuuf utuu hin taane Isa awwaaluuf akka duulan yemmuu argu keessoon isaa baay'ee gadde! 😭

🐴 Namoota an duraan ba'aa jaraaf baachaa turetu har'a duugdi koo dadhabnaan bifti koo narraa harcaanaan jiratti na awwaaluuf natti duuluu? jedhee lapheen isaa cabe.

🐴 Harrichis yommuu jarri na awwaalan callisee ilaaluu koo irra hamman danda'e of oolfachuuf dhama'uun qaba jedhee murteesse! ✅

➡️Sana booda yeroo jarri biyyoo marsaa jalqabaa itti naqan of Irraa urgufee biyyoo sana irra utuu dhaabatuu, Lammaffaa irrattis yommuu jarri itti naqan of irraa urgufuun utuu biyyoo sana irra dhaabatuu bakka sila ture irraa ol siqaa ol siqaa dhufee utuu akkas godhuu daqiiqaa muraasa booda utaalee boolla sana keessaa bahe!

➡️ Namoonni harree kana awwaaluuf duulaa turanis Akka harreen kun itti bahe ilaalanii hedduu ajaa'ibsiifatan!

Hubadhaa! 🖊

✉️ Obboloota koo namni kaleessa bifa kee, qabeenya kee, taayitaa kee, qarshii kee, ilaalee sitti fayyadamaa, si faarsaa, si jala fiigaa ture har'a garuu kufaatii kee irraa si oolchuuf utuu hin taane si balleessuuf si awwaaluuf warreen dhama'an keessaa isa tokko ta'ee yommuu argitu baay'ee lapheen nama caba!

✉️ Mudannoon kun har'a yoo sin mudanne illee boriitu akka si mudatu homaa hin shakkin! Addunyaan kun Amma bu'aa sirraa Argatte qofatti sifaana ta'a bor yemmuu ati kuftu bakka ati kuftetti sirra ejjatee darbee deema!

🖊 Kanaaf har'a illee jireenya keessan keessatti isin awwaaluuf, isin kuffisuuf, gad isin deebisuuf, kaayyoo keessan irraa isin gufachiisuuf, ofii gaditti isin ilaaluuf namoota yaalaniif gonkumaa harka hin kenninaa! ❌

💪 Yoo Kufte illee biyyoo jarri siin awwaaluuf gad sitti naqan sana of irraa urgufiitii jabinaan diinota kee dura ija miila lamaan ka'ii dhaabbadhu! ✅

Ifaa Abdiisaa Official

13/08/2026

📝Faayidaalee Callisuu ✅
▬▬▬▬▬▬▬▬▬▬▬▬
✍️Yeroo tokko tokko calluma jechuun ogummaa guddaa akka qabaataniif nama gargaara! Sababiilee armaan gadii kanneenif callisuu qabda!

1. Callisi!➡️Aarii ho'aa keessatti!
2. Callisi!➡️Yoo ragaa hunda hin qabaanne ta'e!
3. Callisi!➡️Yoo seenaa sana hin mirkaneessine.
4. Callisi!➡️ Yoo jechi kee nama dadhabaa ta'e mufachiise.
5. Callisi!➡️Yommuu yeroon yeroo dhaggeeffachuu ta'e.
6. Callisi!➡️Yeroo wantoota qulqulluu ifa godhachuuf qoramtu.
7. Callisi!➡️Yommuu waa'ee cubbuu akka qoostuuf qoramtu.
8. Callisi!➡️Yommuu jecha keetti qaanoftu!
9. Callisi! ➡️Yommuu jechi kee yaada dogoggoraa dabarsu.
10. Callisi!➡️Yoo dhimmichi dhimma kee hin taane.
11. Callisi! ➡️Yeroo soba ifa ta'e akka dubbattuuf qoramtu.
12. Callisi!➡️Yoo jechi kee maqaa nama biraa miidhu.
13. Callisi!➡️Yoo dubbiin kee hiriyummaa tokko miidhu.
14. Callisi!➡️Yeroo qeeqni sitti dhaga'amu.
15. Callisi!➡️Osoo hin iyyiin jechuu yoo dadhabde.
16. Callisi!➡️ Yoo jechi kee calaqqisiisa gadhee hiriyootaa fi maatii keetii ta'e.
17. Callisi!➡️Yoo booda jecha keetti gaabbita ta'e.
18.Callisi!➡️Yoo duraan yeroo tokko dubbatte ta'e!

Ifaa Abdiisaa Official

11/08/2026

Finfinnee Qofa Osoo hin taane
Qilleensi isheeyyuu Kan Oromooti

31/07/2026

Hin Baqatiin!
▬▬▬▬▬▬▬▬▬
✍️ Guyyaa tokko mismaaratu gaaffii tokko madooshaa gaafate. "Ati garaa jabina akkamiitu sirraa mul'ata? Maaliif yeroo hundumaa mataa koo keessa na dhoofta? Anaanis, sanyii koo hundumaas mataa keessa nu dhoofta; garaa laafummaan guyyaa tokkoof maaliif sirraa hin mul'atu?" Jedhe.

🔴Madooshaanis gaaffii kana ajaahibsiifatee takka itti yaadee deebii kenneefii "Maaliif gaaffii gowwaa na gaafatta? Ati mismaaradha mitii? Kan ati uumamtes wantoota lama walitti qabsiisuuf mitiiree? Yoos utuu ani sin gargaariin, utuu ani sin dhiibiin akkamiin kaayyoo itti uumamte kana fiixaan baafta ree? Inni ani mataa keessa si rukutu lafa kaayyoo keen si gahuufi malee hamaaf miti, yoos inni ani si dhahu kuni maaliif jallina tahee sitti mul'ate?

✉️ Anoo akka ati kaayyoo uumamuu kee galmaan geessuufan si rukuta malee jibbaaf miti!" Jedhe.

➡️Yeroo kana mismaarris akka ofiisaa dogoggore hubatee madooshaa kana dhiifama gaafate.

✅ Jireenya kee keessatti warreen mataa si dhahan hedduun karoora ati uumamteef akka argattuufi akka galmaan geessuuf si dhiibuu isaanii akka tahe hin dagatiin! Waaqayyo yeroo lafa onaatti si geessu si jabeessuuf malee si balleessuuf miti. Mismaaronni tokko tokko mataa keessa dhahamuu waan sodaataniif yeroo madooshaan takkaa dhahu mataa isaanii sababa jalaa jallisaniif iddoo yaadan hin gahiin hafu.

✍️ Namoonni arraba, ceephoo, komii, rakkina sodaatanis akkuma kanaa waan uumamaniif bira hin gahiin hafu. Yeroo abjuukeef mataa keessa si rukutan dhaabadhu malee hin baqatin!
Ifaa Abdiisaa Official

25/07/2026

Jireenyi guyya guyyaan nu barsiisaa oolti. Nuti garuu kanuma keessaa beekumsa dheebochaa jiraanna!

Namootni jireenya irraa hin baranne irra deddeebiin dogoggoraa jiraatu.Ilaalcha gaarii qabaannaan dogoggora keenya irraa baranna.Kufaatiin daandii milkaa'inaa irraa kaachuudha malee bara baraan kufanii hafuu miti.Kufaatiin waan hojjechuu qabnu hojjechuu dhabuudha malee, injifatamuu miti.

Namoonni tokko tokko jireenya isaanii irraa barachaa jiraatu. Namoonni kaan immoo callisanima akkanumaan jiraatu.Hayyoonni dogoggora isaaniif kan namoota biroo irraa baratu.Jireenyi keenya keessatti milkaa'ina gonfachuudhaaf, dogoggora keenya irraa qofa osoo hin ta'in, dogoggora namoota irraas barachuu qabna.

Guyyaa Gaarii Qabaadhaa!!

Ifaa Abdiisaa Official

24/07/2026

Oduu Gammachiisaa👏💪
= = = = = = =
Waaqayyo diina sitti kaasee nama siif kaasaan dhugaadha.

Isa: “Maaltu si hachisiise?”
Ishee : “Waanan ilmookoo nyaachisun dhabe”🥲

Sababa Boqqolloo muka lama ilmoo beela baasuuf fudhatteen Poolisiin kabaja namummaa hin beekne tokko harmee kanaan taa’i ka’i jedhee salphise. Viidiyoo waraabee Kutaa kutaan tiktok irratti maxxanse. Dubbiin inni ishee qaanessuuf, salphisuuf inni raawwate Harmee kanaaf carraa jireenyaa bane. Turtii sa’a 6 hin guunne keessatti deeggarsi qarshiin miliyoonni tokkoo ol walitti qabameef!

Ifaa Abdiisaa Official

Address

Addis Ababa
JUSTICE

Telephone

+251913012823

Website

facebook.com

Alerts

Be the first to know and let us send you an email when Ifaa Abdiisaa Official posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Ifaa Abdiisaa Official: