¿Qué es el sitio web?

ANPA de SAR

Santiago de Compostela

17/12/2025

📢 CHARLA PARA FAMILIAS no IES Rosalía de Castro

Hoxe, mércores 17 de decembro ás 18:30 h tedes a opción de asistir a unha charla con Martín Camba (Policía Local) sobre como acompañar as primeiras saídas nocturnas da mocidade.
Tema importante: leis, riscos e prevención.

01/12/2025

O que todas e todos nos preguntamos ......
❓ Que pasa se un/ha menor está na rúa fóra do horario permitido?
❓ Hai consecuencias legais por beber alcohol?
❓ Como reaccionar ante unha situación de risco?
❓ Como acompañar sen controlar?
Se ti tamén te fas estas preguntas, a charla do 4 de decembro ás 18:30 h (IES de Sar) é para ti.
👉 Inscríbete: https://forms.gle/XYGr5CFHZwNpXKxW8
Información clara, real e directa.

26/11/2025

✨ Charla para familias no IES de Sar! ✨

As primeiras saídas nocturnas das nosas fillas e fillos poden marcar un antes e un despois na súa autonomía… e tamén na convivencia na casa.

O xoves 4 de decembro, ás 18:30 h, no IES de Sar, teremos unha charla moi especial con Martín Camba, Policía Local de Santiago con máis de 20 anos de experiencia na quenda de noite.

Falaremos de:
🔹 Normativas do lecer nocturno
🔹 Consecuencias legais e non legais
🔹 Como previr riscos e acompañar as primeiras saídas

Se es nai, pai, titora ou titor legal… esta charla é para ti!

📝 Inscricións: https://forms.gle/XYGr5CFHZwNpXKxW8

Non faltes! Comparte e axúdanos a crear conciencia

25/11/2025

📢 A Xunta de Galicia organiza unha xornada para familias!
O sábado 29 de novembro, no CIFP Politécnico de Santiago, celebrarase a formación “A familia como base do crecemento persoal e emocional”.
Falarase de límites educativos, uso responsable da tecnoloxía e moito máis.

📝 Inscrición gratuíta ata completar 300 prazas:
https://centros.edu.xunta.gal/dxoie/gl/form/inscricion-formacion-de-familias

25/11/2025

A VIOLENCIA NON É AMOR. O RESPETO SÍ
Neste 25N lembramos que o control, os celos e o medo nunca son sinais de agarimo.
O amor san constrúese desde a liberdade, a igualdade e a escoita.
✨ O respeto salva, sostén e acompaña.
Porque cada muller merece vivir sen medo e con respecto.

💜

22/10/2025

📱 MÓBILES CON SENTIDO | Xornada aberta para familias

Cando é o momento axeitado para darlle un móbil ao noso fillo ou filla?
Como acompañar a adolescencia na súa vida dixital, sen medo pero con criterio?

Este sábado 25 de outubro, de 10:00 a 13:30 h, na Facultade de Filoloxía da USC (Santiago), convidámoste a participar na xornada “Móbiles con sentido: acompañar e educar a adolescencia no seu uso”.

Un encontro para reflexionar, aprender e compartir, con voces expertas da psicoloxía, da educación social e da saúde emocional.

🧠 Programa destacado:
🧩 Conferencia inaugural: “Ser en Internet: adolescencias e vínculos na era dixital”, con Ricardo Fandiño Pascual (ASEIA).
💬 Mesa redonda con Sonia González Rodríguez (CEESG), Belén Montesa Lou (COPG) e Concepción Estévez Villar (ASEIA), moderada por Laura Veiga.

👧 Servizo de ludoteca gratuíta para crianzas (inscrición ata o 22 de outubro).
📍 USC – Facultade de Filoloxía
🕙 10:00 a 13:30 h
👉 Inscricións abertas: https://forms.gle/gdCuswW6mBF3kyts5

10/10/2025

🧠 Día Mundial da Saúde Mental
“Compartimos vulnerabilidade, defendamos a nosa saúde mental”

A adolescencia é unha etapa chea de emocións e cambios.
💬 Falar do que sentimos é un acto de valentía.
🤝 Escoitar e acompañar tamén é coidar.

Na escola e na casa, defendamos xuntos a saúde mental da mocidade. 💚

08/10/2025

💙 Día Internacional da Dislexia
Non todos aprendemos igual, pero todos temos o mesmo valor.

A dislexia é unha maneira diferente de ler, escribir e comprender o mundo.
💬 Con apoio e empatía, cada neno e nena pode brillar.
🌈 A diversidade fai máis rica a nosa escola.

Entendendo as diferenzas, aprendemos todos. 💫

02/10/2025

Participa e forma parte da ANPA!
O luns 6 de outubro celebramos a Asemblea da ANPA, un momento clave para decidir entre todas e todos as accións que queremos impulsar este curso.

Ser socia da ANPA significa apoiar actividades, melloras e reivindicacións que benefician directamente ás nosas fillas e fillos. Cantas máis familias esteamos unidas, máis forza teremos para conseguir cambios.

Se aínda non es socia, podes facelo en menos de dous minutos aquí:
👉 https://www.anpadesar.com/p/faite-socio.html

22/09/2025

🌟 Ola familias!
Comezamos un novo curso cheo de ilusións, retos e momentos para compartir. Grazas por estar aí e por ser parte desta comunidade educativa. Que sexa un ano para aprender, rir e medrar xuntas e xuntos! 📚✨

💡 Xuntas e xuntos facemos comunidade.

Dirección

Santiago De Compostela

Página web

https://www.anpadesar.com/

Notificaciones

Sé el primero en enterarse y déjanos enviarle un correo electrónico cuando ANPA de SAR publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.