Plataforma Comida Digna XA

03/07/2026

Bos días.

Se eses 200.000 euros fosen, polo menos en parte, para habilitar unha cociña en vez de seguir dándolle cartos a unha empresa afín ao Goberno, nós estariamos en mellores condicións e non teriamos que andar rogándolle ao Goberno central que aprobe leis para mellorar a nosa calidade de vida.

Co fácil que sería para o Goberno de Ortigueira arranxar esta situación... E aquí estamos, loitando con ministros e decretos porque a nosa alimentación non lles importa nada aos nosos gobernantes locais.

A situación segue igual. A xente de Silleda anda de vacacións e nós seguimos coa rotación de pratos do inverno. A ver se, cando pasen os festivais, se acordan de nós.

Por unha Comida Digna Xa!

05/05/2026

Bos días!

Neste mes e medio no que non estivemos actualizando a nosa situación pasaron moitas cousas.
Por unha banda, decidimos suprimir o sistema de valoración de pratos coa empresa que presta o servizo, xa que nos parecía unha burla que a calidade da comida dependese do activos que fosemos nas redes e de que medios de comunicación acudisen a investigar.

Por outra banda, o noso problema xa non é só local: estamos participando en conferencias e actos por todo o territorio nacional, xa que, por se aínda non quedase claro, isto non o comezaron tres persoas de Ortigueira con ganas de protestar, senón que é unha problemática real á que debemos poñerlle solución.

E por último, falando de solucións, cada vez parece estar máis preto de nós. Confiamos en poder dar unha moi boa noticia nos próximos meses e, sobre todo, quedará para sempre que foi o pobo de Ortigueira o primeiro en levantar a voz. De novo, grazas por estardes sempre aí!

Por unha Comida Digna Xa!

17/03/2026

Bos días, o problema é cada vez máis visible, aínda que moitos sigan tapando os ollos. Estamos cada vez máis preto do noso obxectivo.

Por unha Comida Digna Xa!

La Asociación Galega en Defensa da Dependencia e da Discapacidade relanza una campaña para exigir que la nutrición de las personas institucionalizadas deje de tratarse como un gasto menor y ...

10/03/2026

Boas!

A pesar de que as autoridades locais e autonómicas buscan escusas para deslexitimarnos, cada vez estamos un paso máis preto de conseguir o que nos merecemos.

O pobo de Ortigueira será recordado como a voz que comezou o cambio para garantir unha comida digna para todos os nosos maiores, e todo iso é grazas a todos vós que nos apoiades.

Por unha Comida Digna Xa!

04/03/2026

COMUNICADO USUARIOS:

As persoas usuarias do CAPM de Origueira queremos manifestar mediante este escrito o noso malestar polo feito de que as recorrentes valoracións negativas dalgúns dos pratos incluídos na rolda de menús non estean a ser tidas en conta. Referímonos, por exemplo, á Caella con patacas, á Pescada en salsa verde, á Cabaciña ao allino ou á Sopa xuliana.

Esta situación fai que nos sintamos defraudados cun sistema de comunicación con Culinaria que non percibimos como eficaz, baseado nas valoracións diarias de cada prato.

Por este motivo, e antes de iniciar calquera tipo de mobilización consideramos oportuno comunicalo por escrito unha vez máis. Demandamos unha mellora daqueles pratos que nos resultan insatisfactorios.

As nosas valoracións medias mensuais ao longo do último ano sitúanse no nivel de “suficiente” 5/10 . Gustaríanos poder valorar os pratos de maneira máis positiva e conseguir comer “ben” dunha vez por todas.

Por unha Comida Digna XA!

Un saúdo cordial.

27/02/2026

Ola!

Deixamos por aquí a reportaxe que nos fixeron esta tarde desde Malas Lenguas Queremos aproveitar para agradecerlles sinceramente o seu apoio e por darnos voz na cadea pública nacional.

Seguimos recibindo mostras de apoio desde moitos lugares do mundo, mesmo antes que por parte de quen ten poder real neste asunto. Aínda así, continuaremos loitando por unha Comida Digna Xa!

Por último, queremos facer unha breve aclaración por un erro de grafismo: Francisca é dietista, aínda que no rótulo do programa figure como nutricionista.

Grazas de novo a La 1 de TVE polo seu traballo e a súa labor informativa.

23/02/2026

Boas tardes!

Hoxe cúmprese un ano da nosa primeira concentración. Sabiamos que non sería sinxelo cambiar as cousas e que nos levaría moito tempo conseguilo.

Mirando atrás, estamos moi orgullosos do camiño percorrido e con moitas ganas de ver o que está por vir. Temos novidades que contaremos pronto, pero sobre todo hoxe queriamos darvos as grazas a todas as persoas que estades con nós: tanto a quen nos apoiades en privado como a quen dades a cara cada día, a pesar de que algúns intenten calarvos con ameazas ou prácticas próximas ao acoso.

Grazas a todas e cada unha de vós. Seguimos loitando,

Por unha Comida Digna Xa!

Masiva concentración en Ortigueira por la calidad de la comida de la residencia de mayores

16/02/2026

Bos días,

Hoxe volvemos con novas imaxes do programa Xantar na Casa, da mesma empresa que presta servizo na Residencia de Ortigueira. A mensaxe que nos chega desta persoa é clara, vese obrigada a darse de baixa porque o servizo é lamentable e non digno. Podedes comprobar vós mesmos neste vídeo o que come nun día normal.

Queremos volver defender que a comida é un dereito básico e non pode depender do beneficio económico duns poucos. Este sistema non funciona e non funcionará nunca.

O vindeiro 23 de febreiro cúmprese un ano da nosa histórica concentración en defensa dunha comida digna. Moi pronto traeremos ás redes todo o que se está a facer na residencia, así como novas que fan que sexamos cada día un pouco máis optimistas coa situación.

Por unha Comida Digna Xa!

29/01/2026

Boas tardes,

Hai veces nas que non merece a pena facer caso a quen nos critica, insulta ou tenta desacreditarnos. Sexan concelleiros, autoridades públicas ou simples personaxes das redes sociais. O que aprendemos neste ano de traballo coa plataforma é que, cando faltan argumentos, só lles queda o insulto (nas redes) ou as mentiras e os ninguneos (nos despachos).

Cada quen desempeña o seu papel, e é moi doado desenmascaralos, os seus intereses persoais son moito maiores ca a súa capacidade de razoamento. Só hai unha maneira de estar en contra de que as persoas maiores coman dignamente, e é ter intereses persoais nese sistema.

Hoxe, un destes ferventes defensores do servizo recoñece por fin algo que levamos tempo denunciando. Despois de acusarnos en innumerables ocasións de manipulación, publica un comentario no que afirma que “o prato ten mala pinta”, referíndose á comida do Xantar na Casa que compartimos nas redes. E por iso, hoxe si imos facer caso.

O vídeo, publicado hai uns días, corresponde ao mesmo día que a fotografía. Mesmo prato, mesmo lugar, mesma data. Os feitos son do 14 de xaneiro, tres días antes da data de caducidade. A foto publicouse ao día seguinte e o vídeo unha semana despois, algo que considerabamos evidente. Trátase do mesmo prato, no mesmo lugar e no mesmo día. Pero cando se esgotan as escusas para atacarnos, calquera argumento vale.

E deixamos aquí unha reflexión:
se ata o máis fervente defensor deste servizo de catering recoñece que “o prato tiña mala cara” cando aínda lle quedaban 3 ou 4 días para caducar, non é hora de que as autoridades actúen?
Xa é indefendible, incluso para quen o defende.

Por unha Comida Digna Xa!

25/01/2026

Bos días!

Fai unha semana subíamos unha foto preguntándovos que era ese prato que chegara no programa Xantar na Casa.

Pois hoxe saímos de dúbidas: era o que eles chaman un montadiño de carne.

Agardamos que con este vídeo, no que se ve como chega, a textura que ten, a cor, etc., identifiquedes todos os alimentos que veñen neste prato.

De novo, e unha vez máis, non é digno que a xente maior estea a comer comida neste estado. Cal será a excusa que utilizarán esta vez?

Por unha Comida Digna Xa!