31/05/2026
Volvemos á realidade despois dunhas Vestalias que nos deixaron co corazón cheo. Hai días nos que todo encaixa, e este foi un deles.
Queremos dar as grazas, simplemente porque isto é cousa de moita xente. A cada socio e socia da Civitas, porque ao final, estas horas de traballo que ninguén ve son as que fan que todo brille cando chega o momento.
Foi un luxo absoluto ter con nós ás compañeiras que viñeron dende Astorga, Lugo e Mérida; sentir ese apoio de tan lonxe, como se fósemos unha gran familia compartindo o mesmo camiño. E, por suposto, non hai forma de explicar como se anima todo cando a Charanga Achicoria empeza a tocar.
Quedámonos con estas imaxes, que son só un pequeno anaco do que vivimos xuntos. Grazas por formar parte disto.
