19/08/2026
Información Importante 📢
Sistema de abastecemento de auga LALÍN 💧
ℹ️ 💧 INFORMACIÓN DE SERVIZO ❗️
O Concello de Lalín activa o 𝐏𝐥𝐚𝐧 𝐝𝐞 𝐞𝐦𝐞𝐫𝐱𝐞𝐧𝐜𝐢𝐚 𝐝𝐨 𝐬𝐢𝐬𝐭𝐞𝐦𝐚 𝐝𝐞 𝐚𝐛𝐚𝐬𝐭𝐞𝐜𝐞𝐦𝐞𝐧𝐭𝐨 𝐝𝐞 𝐚𝐮𝐠𝐚, tras rexistrarse na tarde-noite de onte un consumo anormalmente elevado (1.500 metros cúbicos por enriba do habitual) que deixou os depósitos en niveis críticos, provocando unha perda de presión xeralizada e incluso cortes no subministro fundamentalmente en rúas situadas por enriba da Praza da Igrexa e varias zonas do rural.
A activación do Plan de emerxencia, que foi acordada nunha reunión mantida esta mañá por membros do goberno local, técnicos municipais e responsables da empresa concesionaria, conleva as seguintes medidas:
🔹 Redución da presión en todo o sistema de abastecemento ao 75% do habitual para permitir a reposición de auga nos tanques con maior velocidade.
🔹 Ordear a suspensión das actividades de gran consumo, como os servizos de lavado industriais situados nas gasolineras, ademais do peche das duchas nas instalacións municipais.
🔹 Transporte de auga con cubas dende os puntos de captación ata os tanques para acelerar a recuperación dos niveis.
🔹 Posta en marcha de accións antifraude pechando aqueles puntos de consumo non controlado que foron detectados nas últimas horas.
🔹 Habilitación de puntos de reparto de auga embotellada 🫗na parte alta da vila aos veciños que o precisen mentres non se repoña o servizo ao longo do día de hoxe. Haberá puntos de entrega en:
👉 Praza da Igrexa
👉 Rúa C, fronte ao vello ambulatorio
👉 Fronte ao edificio sociocultural da rúa Manuel Rivero
👉 Estación de autobuses
❕ Por outra banda, os técnicos municipais e o goberno tamén acordaron iniciar unha investigación sobre o ocorrido para depurar as posibles responsabilidades da empresa e, ao mesmo tempo, facer un seguimento de posibles incrementos anormais do consumo de agua para usos agrogandeiros.
