Colectivo do Vento

04/05/2026

UN MONTE DE NOMES 2026

O domingo 17 de maio, ven celebrar o Día das Letras connosco!

🥾 Realizaremos unha andaina curtiña, podes escoller saída de Mullerboa (O Campo Lameiro) ou da Amil (Moraña) ás 11:00, e remataremos cun xantar popular na área recreativa de Penalba.

🪧 Colocaremos carteis coa toponimia que identificamos polos lugares que atravesa a andaina.

✅ A actividade é aberta a todo o mundo, gratuíta para os socios e socias de A.C.I.B.A.L., cun custo de 10€ para o resto (5€ para menores de 18 anos), e podes asociarte por 10€.

✍️ É indispensable apuntarse, canto antes mellor, para calcular ben a comida. Podes apuntarte:
💻 Na web https://amilseneolicos.org/monte-de-nomes
☎️ Nos teléfonos 667458618 ou 651116623

29/04/2026

5º ANIVERSARIO DA ASOCIACIÓN 'ALARMA TERRA DE MONTES'

O primeiro aviso da avalancha de proxectos eólicos que aínda ameaza O Campo Lameiro non chegou desde ningunha Administración... foi unha amiga da asociación Alarma Terra de Montes. Desde entón, o seu apoio técnico foi fundamental para nós (alegacións, charlas, etc) e o seu compañeirismo deunos a vida 💙
Este sábado, trae a túa merenda e acompáñanos neste encontro campestre, para celebrar 5 anos de vitorias heroicas e derrotas inxustas, e para coller forzas!
📍 Ubicación: https://maps.app.goo.gl/nFUF95HLeeuEsjNZ9
⌚️ Hora: a partir das 13.00

21/01/2026

🖤 Este luns recibimos a triste noticia do pasamento de Mabel Montes, xornalista da RTVG. Foise unha gran profesional cunha calidade humana excepcional.

Nunha época na que se volven silenciar as voces diferentes ao discurso dominante, foi a única traballadora da canle pública que se atreveu a ofrecernos un espazo onde denunciar a nosa problemática. O seu compromiso, sensibilidade e agarimo deixan unha pegada imborrable. Quedámonos coa súa última mensaxe: "Grazas a vós por defender o que é de tod@s". E deixámosvos o programa de 2023 que contén a entrevista que nos realizou (do minuto 30 ao 44): https://www.agalegaaudio.gal/videos/detail/140012-o-expolio-do-vento

14/10/2025

REXEITADOS DEFINITIVAMENTE OS “OUTROS POLÍGONOS EÓLICOS DO ACIBAL”: ANDURIÑA E ZUDREIRO

As compañeiras de Amil Sen Eólicos veñen de confirmarnos que foron denegados e arquivados, pola Xunta de Galicia, os proxectos eólicos Anduriña e Zudreiro que afectaban os concellos de Campo Lameiro (especialmente as parroquias de Fragas e o Campo), Moraña, Barro e Pontevedra. Foi necesario rexistrar solicitudes ás administracións competentes para coñecer o estado dos procedementos, pois os colectivos afectados non fomos informados en ningún momento.

A chave deste triunfo foi a nosa riqueza arqueolóxica. Patrimonio considera o PE Zudreiro “incompatible coa protección e a conservación dos valores do patrimonio cultural” e que o PE Anduriña non ten en conta “a alta potencialidade arqueolóxica desta área”. Pero temos claro que, sen a batalla social en contra da destrución do monte Acibal, estes proxectos seguirían adiante. Recordamos que as obras do PE Acibal están paralizadas pola Xustiza tras os danos irreparables, denunciados pola veciñanza, en varios petróglifos.

A asociación A.C.I.B.A.L., da que forma parte o Colectivo do Vento, solicitará aos concellos afectados a retirada inmediata das dúas torres de medición abandonadas polas empresas promotoras. Seguiremos defendendo a nosa saúde, recursos, patrimonio natural e cultural. SEGUIREMOS DERRUBANDO XIGANTES.

Colectivo do Vento de Campo Lameiro

21/09/2025

💚 O 3º encontro Burla Verde pola defensa da terra celebrarase o vindeiro sábado 27 de setembro en Vilanova dos Infantes (Celanova) e o Colectivo do Vento asistirá en representación de Campo Lameiro.

ℹ️ Horario de actividades:

13/08/2025

💧 Campo Lameiro está en prealerta por escaseza de auga e o Concello xa advertiu que aplicará cortes no subministro se persiste o nivel de consumo.
⚠️ Os proxectos eólicos que afectan Campo Lameiro están en zonas de captación de auga e carecen de estudos hidroxeolóxicos que garantan a integridade das traídas.
✍️ Hai alegacións no Concello, Casa Tito e Gasolineira Peineto... E quedan poucos días!

13/08/2025

ℹ️ O Concello de Campo Lameiro organiza unha xuntanza informativa sobre os novos proxectos eólicos para o vindeiro luns no auditorio.

✍️ Recordade que é recomendable asinar ambos modelos de alegación, o do Concello e o do Colectivo.

O CONCELLO DE CAMPO LAMEIRO PON A DISPOSICIÓN DA VECIÑANZA ALEGACIÓNS AOS PARQUES EÓLICOS CHAMARRAPIO, ALAMOCEIROS E XUBRINTAS

➡️ A XUNTANZA INFORMATIVA COA EMPRESA TYSGAL SERÁ O LUNS 18 DE AGOSTO ÁS 20 HORAS NO AUDITORIO SOBRINO BUHIGAS

O Concello de Campo Lameiro pon a disposición da veciñanza unha serie de alegacións que se poden retirar no Consistorio para alegar diante do proceso de información pública da solicitude de Autorización Administrativa Previa, o Estudo de Impacto Ambiental dos Parques Eólicos Chamarrapio, Alamoceiros e Xubrintas, coas súas infraestruturas de evacuación. Proxecto PEol-922 AC.

Estes parques afectan aos termos municipais de Campo Lameiro, Cerdedo-Cotobade, A Estrada, A Lama, Fornelos de Montes e Covelo.

Por outra banda, está convocada unha xuntanza informativa na que estarán presentes técnicos da empresa Tysgal, contratada polo Concello, para asesorar e axudar na presentación de alegacións aos proxectos eólicos.

06/08/2025

💥 Explosión en liña de alta tensión provoca incendio que obriga a desaloxar vivendas. Máis info: https://www.g24.gal/-/desaloxadas-casas-e-as-praias-de-balares-e-o-osmo-por-un-incendio-forestal-en-monteceso
⚠️ Este é outro risco da instalación de liñas de alta tensión en masas forestais próximas ás vivendas. Ademais, dificultan os labores de extinción do lume con medios aéreos.
ℹ️ Recordemos que, co novo macroproxecto eólico PEol-922 AC, VARIOS NÚCLEOS DE QUEDARÍAN NESTA SITUACIÓN (E, ALGÚN, COMPLETAMENTE RODEADO).
✍️ Que non quede ninguén sen asinar as alegacións que deixamos en Casa Tito e Gasolineira Peineto!

01/08/2025

❎ Algúns medios anuncian hoxe que "a xustiza europea desbloquea todos os proxectos eólicos de Galicia". NON É CERTO: os polígonos tramitados pola Xunta en Campo Lameiro, por exemplo, seguirán paralizados cautelarmente por causas ambientais ata que resolva o TSXG, como estaba previsto.

✅ Aquí Praza Pública explica moi ben que só se desbloquea unha cuestión relativa ao prazo de información: https://praza.gal/politica/o-tribunal-da-ue-valida-os-prazos-dos-eolicos-que-seguiran-parados-ata-que-o-tsxg-avalie-cada-un

Desgraciadamente, moitos medios de comunicación reproducen consignas interesadas da Administración e a patronal eólica, que teñen a intención de presionar a Xustiza e desmobilizar as poboacións afectadas.

🔔 Recordade que as alegacións actuais son contra outros proxectos, tramitados polo Estado, e que podedes asinalas en Casa Tito ou Gasolineira Peineto ata o 27 de agosto. Non podemos descoidarnos!

14/07/2025

✍️ Sitios onde podes asinar, ata o 27 de agosto de 2025, contra o novo complexo* eólico estatal que afecta Campo Lameiro:
-Casa Tito.
-Gasolineira Peineto.

ℹ️ Mesas informativas, que iremos actualizando, onde tamén podes asinar:
-Praza do Concello. Todos os martes de xullo, de 11.30h a 13.30h.
-Igrexa de Fragas. 19 de xullo (Festa de Santa Mariña), de 12.30h a 14.00h.
-Praza do Concello. 20 de xullo (día de feira), de 11.30h a 13.30h.

*PEol-922 AC (clúster eólico Fontefría Norte) composto polos polígonos Chamarrapio, Alamoceiros e Xubrintas.