27/09/2026
☀️ Remata o verán e é momento de facer balance. Este ano a Oficina de Información Cultural e Turística de Brandomil estivo en funcionamento durante dúas tempadas: a Semana Santa e o verán (xullo, agosto e setembro), durante as que máis de 2000 persoas foron atendidas.
🌍 Desde Canadá ata Australia e desde Valdeorras ata Fisterra vai xa viaxando o nome de Brandomil. Un 21% do total de visitantes chegan desde preto de 40 países distintos, case o dobre que no ano anterior. Todas as CCAA quedaron tamén representadas no restante 79% de visitantes nacionais, dos que practicamente a metade foron galegos.
Como non podería ser doutra maneira, o destino maioritario para estes viaxeiros é a 🌊 Costa da Morte (70%), con Brandomil funcionando como as súas históricas portas de entrada. Por suposto 👣 Santiago de Compostela (15%), é outro destino favorito. Tamén vemos como, cada vez máis, a Ponte de Brandomil non é unha parada casual para descansar 🌳, se non un punto xa sinalado e escollido para ser visitado.
👥 Os esforzos da Fundación Brandomil continúan a dar a este enclave a sona que merece, facendo que chegue cada vez máis lonxe. Brandomil permite aportar a aquel que a visite un lugar de descanso na natureza e unha viaxe por toda a historia da nosa terra.
✨Agardámoste!
