AEIGA Asociación de Empresas de Inserción de Galicia

Inicio
España
A Coruña, Galicia
AEIGA Asociación de Empresas de Inserción de Galicia

Llamar Página web

AEIGA é unha asociación sen ánimo de lucro que reúne empresas de inserción laboral da comunidade galega.

O noso obxectivo é impulsar ás empresas de inserción laboral como forma de loita contra a exclusión social e instrumento de inserción laboral.

02/11/2026

🙋‍♀️ Falabamos dos proxectos e boas prácticas promovidos polas empresas de inserción asociadas a Aeiga... Acolle, iniciativa posta en marcha pola asociación Diversidades, ten en marcha o proxecto "Semente de Paz".

🌱 "Semente de Paz" é unha iniciativa adicada á agricultura ecolóxica. Ten unha horta en Covelo, Pontevedra, e un bosque de alimentos en Mondariz, e a súa actividade está a impulsar a alimentación natural e a cohesión social.
Semente de Paz Asociación Diversidades Acolle

Queres saber máis da súa experiencia? Entra na web👉 https://www.sementedepaz.org/

30/10/2026

🗣️ Aeiga ofreceu esta semana no campus de Ferrol unha charla sobre "Emprender con Impacto" a alumnado do grao de Xestión Industrial de Moda do Campus Industrial de Ferrol (Universidade da Coruña), no marco do programa de actuación da Rede Eusumo.

👚 ♻️ Na charla falamos do modelo das empresas de inserción e do seu importante papel no sector da recuperación téxtil, e compartimos exemplos de boas prácticas no emprendemento, porque é posible levar adiante un negocio e contribuír a mellorar o benestar social e ambiental.

🙋‍♀️ Moitas grazas pola atención!!!

Campus Industrial Ferrol Universidade da Coruña Rede Eusumo - Economía Social de Galicia

29/10/2026

🖥️ A tesoureira de Aeiga, Charo González Costas, asistiu onte ao seminario online organizado por EAPN-Galicia para presentar as conclusións e principais indicadores do Informe 📄 "O estado de pobreza en Galicia", que a entidade vén de facer público recentemente.

👉 No encontro puidemos coñecer en detalle os datos, segundo os que en 2025 se elevou o número de persoas en risco de pobreza e/ou exclusión social da nosa comunidade, ata as 600.000.

🏠 A vivenda é un factor clave: o informe indica que a poboación que vive de aluguer ten unha taxa AROPE (indicador que combina os factores risco de pobreza, baixa intensidade laboral no fogar e privación material e social severa) do 47%, que está máis de 30 puntos por riba da poboación que ten vivenda en propiedade.

🧒 O risco de pobreza aumenta entre a poboación moza: o grupo de idade de 18 a 29 eleva a súa taxa Arope 8,8 puntos, mentres que os menores de 18 e os de 30 a 64 aumentan dito indicador en 3 puntos.

🔛 Son só algunhas das conclusións do estudo, que podedes consultar completo a través da web: https://f.mtr.cool/seby9kypoo

23/10/2026

🙋‍♀️ Falabamos dos proxectos e boas prácticas promovidos polas empresas de inserción asociadas a Aeiga... parabéns para a asociación de empresarios de Mos, Aemos, promotora da empresa de inserción Activa Emprega, promoveu recentemente unha carreira para sensibilizar e procurar apoios para o colectivo das mulleres vítimas de violencia de xénero.

Nada mellor que compartir o vídeo da xornada! 👇

20/10/2026

👉 A nosa asociación Aeiga recibiu estes días a visita da Asociación Cántabra de Empresas de Inserción (Acei) -co seu presidente Pedro Tresgallo ao frente-, entidade que como a nosa está integrada en Faedei

🔛 Sempre é un gusto compartir tempo con persoas que comparten desafíos e obxectivos porque estes encontros premítennos crecer e fortalecer lazos para seguir colaborando. Grazas!!

Moda re- Cantabria Cáritas Diocesana de Santander Fundación CUIN

19/10/2026

📝 O pasado venres puidemos coñecer, da man de EAPN-Galicia, os preocupantes datos relativos á pobreza na nosa comunidade.

➡️ A devandita entidade presentou, na sede do Consello Económico e Social de Galicia, o XVI informe “O Estado de Pobreza en Galicia 2026”, que revela, entre outra moita información, que 600.000 persoas en Galicia están en risco de pobreza e/ou exclusión social, o que supón un incremento con respecto a ano pasado.

👥 O presidente de AEIGA, Miguel Fernández, asistiu a un acto que ademais de dar a coñecer esta desoladora realidade, serviu para incidir na urxencia de activar as medidas necesarias para poder revertir a situación.

Podedes acceder ao informe a través da web de EAPN-Galicia 👇
https://eapn-galicia.com/es/galicia-perde-impulso-na-reducion-da-pobreza-tras-os-avances-despois-da-pandemia/

15/10/2026

☕ Aeiga participou hoxe nunha nova edición dos Cafés con Aroma organizados por Foroesgal, o espazo de encontro das asociacións empresariais da economía social galega. Alí estivo parte da xunta directiva da nosa asociación, compartindo un espazo de reflexión sobre os retos do actual escenario xeopolítico internacional.

👉 Parabéns a Miguel Otero, investigador que ofreceu o relatorio marco, e ás persoas que participaron na mesa redonda posterior: Carlos Lozano, Celso Gándara e o propio Miguel Otero, coa moderación de Ana Olveira.

👉Recibimos a benvida institucional por parte do presidente de Foroesgal, Mino Martínez; do presidente de Caixa Rural Galega, Manuel Varela; do delegado do Goberno, Pedro Blanco, e da alcaldesa de Santiago, Goretti Sanmartín. E Susana Pérez Iglesias, secretaria xeral de Emprego e Relacións Laborais, foi a encargada de clausurar.

13/10/2026

🙋‍♀️ Falemos de proxectos que teñen en marcha as empresas de inserción asociadas a Aeiga e que son exemplo de boas prácticas, de traballo a prol dunha sociedade máis xusta.

Cormo Integral, empresa de inserción impulsada pola asociación Amicos e adicada, na provincia de Pontevedra, aos traballos do eido medioambiental e á atención a persoas vulnerables.

▶️ Desde o ano 2024 desenvolve o proxecto "Suma e Sigue", cofinanciado polo Fondo Social Europeo Plus (FSE+) a través da CEPES, co que ofrece Itinerarios Personalizados de Inserción para facilitar o tránsito ao mercado laboral normalizado. E con grande éxito!! EIL Cormo Integral Asociación Amicos

🔍Nesta web tedes máis información desta iniciativa 👇
https://www.cormointegral.es/suma-e-sigue/

06/10/2026

🔴 Aínda non te apuntaches? 🔜 Estás a tempo‼️

Aeiga organiza o curso "Visibilidade dixital con IA" para o vindeiro 16 de outubro, en modalidade online!!

👏 É unha formación orientada a aproveitar as ferramentas tecnolóxicas que están ao noso alcance para darlle unha maior visibilidade á nosa empresa. 🖥️ Aprenderemos a mellorar a presenza en buscadores, optimizar os contidos e captar novas oportunidades de colaboración.

🖥️ Formato online!
📍 16 de outubro, de 10.00 a 12.30h

👉Curso dirixido a persoas con responsabilidades técnicas, de xestión ou comunicación nas Empresas de Inserción, así como doutras entidades de economía social, responsables de proxectos e iniciativas sociais.

🟥 INSCRICIÓN GRATUÍTA A TRAVÉS DESTE FORMULARIO 👇 https://docs.google.com/forms/d/e/1FAIpQLSfqsOXRYEa1u9593jGZANM7-dCtO2jg6aDUElwaHIR-RLEaWw/viewform

05/10/2026

📍 Aeiga asistiu o pasado xoves no barrio do Sar á homenaxe do Concello de Santiago á poeta e activista social Marina Luz Fandiño Rodríguez (1931-2024), na que se inauguraron unha escultura e unha placa na súa lembranza.
👉 O acto contou coa participación da alcaldesa, Goretti Sanmartín, así como de Pablo Barreiro, o autor da escultura, e Sonia Méndez, directora do documental "A poeta analfabeta" que trata da súa figura.
❤️ Marina Luz Fandiño foi unha muller profundamente comprometida coa defensa das persoas vulnerables e encarnou uns valores cos que se identifica tanto a nosa asociación como as empresas de inserción ás que representamos.

Dirección

Centro De Emprendemento Cidade Da Cultura
A Coruña
15707

Teléfono

+34881957452

Página web

https://www.aeiga.org/

Notificaciones

Sea el primero en enterarse: le enviaremos un correo electrónico cuando AEIGA Asociación de Empresas de Inserción de Galicia publique novedades y promociones. Su dirección de correo electrónico no se utilizará para ningún otro fin y puede darse de baja en cualquier momento.