31/08/2022
"إذا رأيتني فابكِ".. حجارة الجوع
إزيكم يا سكان الأرض ؟
النهاردة هاحكي لكم حكاية الأحجار.. عارفينها؟
طبعا كلنا عارفين التغير المناخي الحاصل حاليا والارتفاع الشديد في درجات الحرارة وقلة نزول الأمطار لفترات طويلة واللي سبب حدوث جفاف وأثّر خصوصا على بلدان أوروبية كتيرة.
الجفاف اللي حصل دا تسبب في انخفاض مستوى عدد كبير من الأنهار وكان الانخفاض دا شديد لدرجة أن فيه صخور قديمة على ضفاف الأنهار ظهرت ومنقوش عليها رسائل تركها الأسلاف الأوروبيون في الازمات إللي حصل فيها جفاف ومجاعات من زمن فات علشان كدا أطلقوا عليها حجارة الجوع.
طيب الحجارة ديه بتقول لنا إيه؟
أقدم نقش في الحجارة ديه هو في حوض نهر إلبه ويعود لعام ١٦١٦م ومكتوب باللغة الألمانية وبيقول: "إذا رأيتموني فابكوا."
حجر الجوع دا بالذات أشهر واحد لان مكتوب عليه كل تواريخ الجفاف الشديدة إللي شهدها سطحه.
وحجر تاني بيقول: "ستزدهر الحياة مرة أخرى بمجرد اختفاء هذا الحجر."
وتالت بيقول : "إذا رأيت هذا الحجر مرة أخرى ،فسوف تبكي."
طيب هل هيحصل مجاعة والناس هتعاني زي زمان؟
زمان كان لو وصلت الأنهار للمستويات المنخفضة ديه فدا ببساطة يعني الفقر والبؤس لكتير من الناس بسبب الجفاف وانعدام المحاصيل ،وقطع الممرات المائية اللي بتنقل المواد الغذائية والإمدادات فبتحصل مجاعة ،أما دلوقت ومع ظاهرة الجفاف المستمرة بسبب التغير المناخي في وسط أوروبا تحديدا وكمان التطورات الحاصلة في جميع المجالات منعرفش هل هتتكرر المأساة تاني ولا لأ.
شاركونا رأيكم ☘️
