15/01/2023
وقت الأزمة بيبان معدن المصريين ... عشان كده التحالف الوطني للعمل الاهلي التنموي بيطلق أكبر مبادرة اطعام في مصر هدفها المساهمة في تقديم الدعم الغذائي ل ٥ مليون اسرة على مدار العام ... المبادرة هتضم كروت الخير اللي هتتوزع على الأسر المستفيدة ومن خلالها تقدر تشتري احتياجاتها من المواد الغذائية من المنافذ الغذائية الموجودة في كافة أنحاء الجمهورية بالإضافة لكراتين وشنط فيها اللي بيحتاجه كل بيت هتوصل لأسر المستفيدين في بيوتهم ... مش بس كده فيه كمان ملايين الوجبات الساخنة هتتوزع من خلال سلاسل مطابخ التحالف على المستحقين في كل حتة في بلدنا.
بتوصف قد ايه المصريين وحدة واحدة وأن كلنا شركاء في البلد دي وإن الكل مسئول وان المجتمع المدني شريك رئيسي في مواجهة التحديات وان كيانات التحالف واعضائه قادرين مع توحيد الجهود يكونوا سند وعون لكل حد محتاج عشان البلد دي بلدنا كلنا وواثقين أن مع بعض هنقدر نعدي اي ازمة ونوصل لبر الامان .
فخورين ان مجلس الشباب المصري جزء بسيط من كيان عظيم بيضم كبرى منظمات المجتمع المدني المصري الفاعلة واللي بتشتغل عشان نوصل بالحياة الكريمة لكل مصري وكل مصرية ... الكيان ده اسمه التحالف الوطني للعمل الاهلي التنموي .
