احنا مش طالبين حاجة غير ان المستثمر اللى يجى ...........ويروح مكتب التشغيل ويطلب المواصفات اللى هو عايزها فى العمال وعلى المكتب ان يوفرلة العمال بالمواصفات اللى هو عايزها لو ملقاش فى السويس يبقى يجيب من برة برحتة بس تحت اشراف مكتب التشغيل .
هنعمل اية علشان يحصل كدة ؟؟؟؟؟
احنا هنجمع توكيلات وهنرفع قضية على محافظ السويس وعلى القوى العاملة وعلى وزير الاستثمار وعلى جهاز تنمية اقليم غرب السويس امام الق
ضاء الادارى و الزام الجهة الادارية عند توقيع عقود مع المستثمرين لاقامة اى مشاريع استثمارية على ارض المحافظة بالجوء الى مكتب تشغيل الشباب التابع للمحافظة فى توفير العمالة المطلوبة.
طيب بس مكتب التشغيل نايم ومعندهوش قاعدة بيانات شاملة عن الشباب................ اية العمل ؟
احنا قررنا نعمل مكتب تشغيل شباب موازى (شعبى) وهنعمل قاعدة بيانات بالشباب ومؤهلاتة وقدراتة واية المرتب اللى محتاجة واية التخصصات اللى ينفع يشتغل فيها واية هى الكورسات اللى هو شايف انة محتاجلها ,,,,,,وبعد كدة هنتفق مع مستثمرين ونعمل مؤتمر نعرف مشاكلهم مع الشباب السويسى ونحاول نخليهم يدونا دورات تدريبية عندهم .
فى نفس المسار احنا شغالين على تغير الثقافة بتاعة الشباب من خلال مجموعة من الاجراءات تهدف الى ان الشباب يقبل اى شغلى مدام كويس ومش حرام .
مشكلة الشباب هتمشى فى اكتر من مسار
1- مسار قانونى
2- مسار سياسى بالضغط على المحافظة والقوى العاملة لتعين الشباب
3- مسار ثقافى واجتماعى حيث تغير ثقافة المستثمر والشباب خلال الفترة القادمة
4- مسار تعليمى هنحاول نحصل على كورسات مدعة للشباب ليطور من نفسة .
5- مسار اقتصادى وعمل مجموعة من المنتديات التوظيفية وتوفير فرص عمل حرة صغيرة .
