19/07/2025
لو عندكِ فكرة أو مشروع بيحاول يقدم حل لمشكلة اجتماعية، وخصوصًا المشاكل اللي بتواجه السيدات في المجتمع ، زي أشكال كتير من العنف و التمييز، أو أي تحديات ثقافية و اجتماعية بتأثر على حياتهم وفرصهم في التعليم أو العمل... ففرصتك دلوقتي إنك تتحركي وتكوني جزء من التغيير.
برنامج Gemini SHEImpact، المقدم من جيمناي أفريقيا بالتعاون مع صندوق الأمم المتحدة للسكان، جاي علشان يدعم سيدات و بنات عندهم الشغف إنهم يصنعوا تغيير حقيقي. البرنامج بيستهدف دعم الأفكار والمبادرات اللي بتساعد سيدات في مجتمعاتنا بيواجهوا العنف ضد المرأة اللي بيشكل صعوبات أو تحديات اجتماعية حقيقية .
إحنا بندوّر على سيدات - من خلفيات و أعمار متنوعة - عندهم استعداد يتحركوا، يبادروا، ويحاولوا يكونوا جزء من الحل. مش شرط يكون عندك مشروع قائم، المهم تكون عندك فكرة مؤثرة ورغبة حقيقية إنك تشتغلي عليها وتكبّريها.
🔸 إيه اللي هيقدمه البرنامج؟
تدريبات مكثفة لتنمية مهاراتك القيادية والريادية
دعم فني وشخصي من خبراء في ريادة الأعمال والمجال الاجتماعي
تطوير مشروعك الاجتماعي سواء كان في بدايته أو شغال وبيخدم قضية
فعالية ختامية كبيرة في القاهرة لعرض مشاريع المشارِكات أمام جهات داعمة ومهتمة
📍 مين تقدر تقدم؟
سيدات من القاهرة، الإسكندرية، بني سويف، الفيوم، أو قنا
من سن 20 لـ 45 سنة
عندها شغف إنها تساعد سيدات غيرها ويكون لها دور إيجابي في المجتمع
لو شايفة إن عندك الفكرة، أو حتى الحلم، اللي ممكن يغيّر حياة ستات حواليك — دي فرصتك تعملي فرق حقيقي.
قدّمي دلوقتي... وممكن تكوني واحدة من اللي هيقودوا التغيير في مجتمعاتهم.
https://docs.google.com/forms/d/16Y7fI6ZwVZEjM5IUmeqNstCuHftwUE0ZHm414VnO9xk/preview
برنامج لريادة الأعمال الاجتماعية مصمم خصيصا للنساء وبيستهدف دعم الأفكار والمبادرات اللي بتساعد السيدات في مجتمعاتنا اللي بيواجهوا العنف ضد المرأة اللي بيشكل صعوب....
