نشاط المكفوفين و ضعاف البصر رسالة قنا - نهر الخير

  • Home
  • Egypt
  • Qena
  • نشاط المكفوفين و ضعاف البصر رسالة قنا - نهر الخير

نشاط المكفوفين و ضعاف البصر رسالة قنا - نهر الخير نشاط المكفوفين
جمعية نهر الخير-فرع رسالة قنا الجديد
تواصل رسائل الصفحة أو فون وواتس 01010097932

صوت المتطوعين هو أكتر حاجة بتخلينا نشوف أثر الزيارات بعينينا ✨كل مرة متطوع بينزل زيارة بيرجع بحكاية، بتفصيلة صغيرة لكن م...
17/06/2026

صوت المتطوعين هو أكتر حاجة بتخلينا نشوف أثر الزيارات بعينينا ✨

كل مرة متطوع بينزل زيارة بيرجع بحكاية، بتفصيلة صغيرة لكن مليانة معنى.
فيه اللي بيحكي عن فرحة المستفيد أول ما يسمع صوت خطواته، وفيه اللي بيتأثر بابتسامة بسيطة لكنها فضلت معاه لحد البيت.🌻

الفيدباك ده مش مجرد كلمات.. ده شهادة إن العطاء بيغير وبيسيب أثر. 🥰
شكرًا لكل متطوع بيشاركنا تجربتة مع زيارات 🥳
نسيبكم مع فيدباك متطوعينا عن زيارة قوص 💛🌿

🛍️
💛
💙

زيارة المساكن كانت مليانة مشاعر تتحسّ قبل ما تتقال 🌻روحنا بقلوب مفتوحة، ورجعنا حاسين إننا خدنا أكتر ما ادّينا.ضحكة مليان...
02/06/2026

زيارة المساكن كانت مليانة مشاعر تتحسّ قبل ما تتقال 🌻
روحنا بقلوب مفتوحة، ورجعنا حاسين إننا خدنا أكتر ما ادّينا.
ضحكة مليانة نور، ودعوة صادقة، وكلمة شكر خلت طريق الخير يكمل 💛
اللي بيطلع من القلب… عمره ما بيروح هدر.
شكرًا لكل متطوع كان حاضر بقلبه قبل وجوده 🥰

💫
💛
💙

رحلتنا المميزة المرة دي كانت لقوص…🥰بلد الحبايب، وهناك كان لقاؤنا مع أم من أحن وأغلى أمهاتنا المستفيدات 💛اللي دايمًا تستق...
31/05/2026

رحلتنا المميزة المرة دي كانت لقوص…🥰
بلد الحبايب، وهناك كان لقاؤنا مع أم من أحن وأغلى أمهاتنا المستفيدات 💛
اللي دايمًا تستقبلنا ببسمة رضا، ودعوات صافية من القلب تحسسنا إننا وسط أهلنا وناسنا 🌿

مش بس مستفيدة…دي أم لقلوبنا، بنحبها بجد وبنتونس بقعدتها، وكلامها الدافي بيفضل معانا حتى بعد ما نرجع 💛
ضحكتها، دعواتها، حكاويها البسيطة… كلها تفاصيل بتعيش جوانا وبتسيب علامة في قلوبنا.🫂

كان يوم كله خير وبركة وونس، وطلّتها كانت أحلى ما فيه ✨

🛍️
💛
💙

أثر الإنسان فعله، فمن أراد أن يكون أثره طيِّبًا فليفعل الخير أينما ذهب. 💛بفضل الله ثم متطوعيننا رحالة الخير تمت زيارة ال...
31/05/2026

أثر الإنسان فعله، فمن أراد أن يكون أثره طيِّبًا فليفعل الخير أينما ذهب. 💛
بفضل الله ثم متطوعيننا رحالة الخير تمت زيارة المراشدة لأم من أمهاتنا المستفيدين 💪🌿

جزى الله متطوعينا ومتبرعينا خير الجزاء ودمتم عونا للمكفوفين. 🥰

🛍️
💛
💙

العطاء مش بس مجهود، العطاء هو إنك تكون موجود وقت ما غيرك محتاجك، وبكل حب وبدون انتظار مقابل. 🌿أبطال "نشاط المكفوفين"، حا...
30/05/2026

العطاء مش بس مجهود، العطاء هو إنك تكون موجود وقت ما غيرك محتاجك، وبكل حب وبدون انتظار مقابل. 🌿

أبطال "نشاط المكفوفين"، حابين النهاردة نقولكم شكراً.. شكراً إنكم بتختاروا الخير دايماً، وإنكم بتثبتوا بكل مجهود وإحسان منكم، إن لسه الدنيا بخير. وجودكم هو اللي بيخلي للتعب طعم، وللنجاح معنى. 🥰

ربنا يكتبلكم في كل خطوة أجر، وفي كل بسمة زرعتوها في قلب غيركم سعادة تضاعف أضعافها في حياتكم ويجعل عملكم في ميزان حسناتكم. فخورين جداً بوجودكم معانا. 💛✊

🏆
💛
💙

"وراء كل خطوة نجاح.. حكاية تعب وسعي مبيقفش" 😍💛في نشاط المكفوفين، شهر إبريل مكانش مجرد أيام بتعدي، كان تحدي حقيقي خضناه س...
29/05/2026

"وراء كل خطوة نجاح.. حكاية تعب وسعي مبيقفش" 😍💛

في نشاط المكفوفين، شهر إبريل مكانش مجرد أيام بتعدي، كان تحدي حقيقي خضناه سوا. ساعات طويلة من التخطيط، الشغل المستمر، والمجهود اللي اتبذل بكل حب من كل لجنة في النشاط.. الهدف دايماً كان واحد،
لعلها تكون خطواتنا للجنة 🤍👣

والنهاردة، وبكل فخر، بنشارك معاكم حصاد التعب ده. بفضل الله أولاً، ثم بكل جهد أتبذل من متطوعينا ومسئولينا في اللجاننا اللي اشتغلت كإيد واحدة، قدرنا نحول المجهود لإنجازات ملموسة بنفخر بيها. 🤝💛

من هنا بتبدأ الحكاية.. يلا نشوف أبطال لجاننا عملوا إيه في أبريل 👇🏻

🏆✊
💛
💙

فيه ناس بتدي من وقتها ومجهودها عشان تنور طريق غيرها.. ودي أحلى رسالة في الدنيا 😍💛مع انتهاء الدراسة، مش ممكن نعدي الوقت د...
28/05/2026

فيه ناس بتدي من وقتها ومجهودها عشان تنور طريق غيرها.. ودي أحلى رسالة في الدنيا 😍💛

مع انتهاء الدراسة، مش ممكن نعدي الوقت ده من غير ما نخص بالذكر "معلمات ومعلمين المستقبل في لجنة الكورسات". 🧑‍🏫

عايزين نوجه ليكم كلمة شكر كبيرة تليق بمجهودكم اللي بذلتوه طوال الفترة اللي فاتت. شكراً لكل متطوع فيكم، شكراً على الصبر، والتركيز، والقدرة الفائقة على تبسيط أصعب المعلومات عشان توصل لمستفيدينا بكل سهولة. ✊

أنتم مكنتوش مجرد " متطوعين"، أنتم كنتم السند الحقيقي اللي خلّى المناهج والمواد العلمية مفهومة وقريبة ليهم. بفضل مجهودكم وتعبكم معانا في الشرح والتطبيق، قدروا المستفيدين يستوعبوا موادهم الدراسية بشكل أفضل، وتتفتح قدامهم آفاق جديدة للفهم والتعلم. 👏

كل واحد منكم ساب بصمة واضحة، والمجهود اللي عملتوه ده هو اللي صنع الفرق في رحلتهم التعليمية. فخورين جداً بوجودكم معانا، وممتنين لكل ساعة قعدتوها بتشرحوا وبتساعدوا بكل حب وتفاني. 🥰

نسأل الله أن يبارك في أعماركم وأوقاتكم، وأن يجعل كل حرف شرحتوه وكل مجهود بذلتوه في ميزان حسناتكم، ويجزيكم عن كل مستفيد خيراً وسعادة في الدنيا والآخرة. 🤲💛

🧑‍🏫
📚
💛
💙

فاضية ورا يا أستاذ؟" 🙋‍♂️وإنت في المواصلات ومعاك حد كفيف، طبيعي تحاول تساعده وتعرّف اللي حواليك بحالته عشان يوسعوا له أو...
20/05/2026

فاضية ورا يا أستاذ؟" 🙋‍♂️

وإنت في المواصلات ومعاك حد كفيف، طبيعي تحاول تساعده وتعرّف اللي حواليك بحالته عشان يوسعوا له أو يخلوا بالهم.. بس الطريقة هي اللي بتفرق!

❌ بلاش تشاور على عينك وتقول "أصل هو..." وتسكت.
الحركة دي بتوصل إحساس مش لطيف وبتحسسه إن حالته "سر" أو حاجة مكسوفين نقولها.

✅ الصح إنك تقول "هو كفيف" بمنتهى البساطة والوضوح.
كلمة "كفيف" وصف مش عيب ولا كلمة تجرح، الوضوح في التعامل قمة الرقي والتقدير.

خلينا دايماً فاكرين إن الكلمة الطيبة والصريحة بتفرق في النفسية. 🤝

🚫
💛
💙

في عز الإمتحانات والمتطوعات مشغوله في الإمتحانات 📝النشاط يسيبهم في حالهم ؟! 🤔👀 ..تؤ تؤ 🙈يقوم مجهز ليهم يوم يشجعهم علي ال...
19/05/2026

في عز الإمتحانات والمتطوعات مشغوله في الإمتحانات 📝
النشاط يسيبهم في حالهم ؟! 🤔👀 ..تؤ تؤ 🙈

يقوم مجهز ليهم يوم يشجعهم علي المذاكره ويرجع ليهم نشاطهم ويخرجهم مود الإكتئاب والإمتحانات 🙊

وكل واحده جابت كتبها وقضينا أجمل ساعات مذاكرة مع بعض 🤗😍

وطبعاً مش هننسى الجانب الترفيهي، عملنا فقره ترفيهية تفرحهم ووزعنا توزيعات مميزة وعصائر ترطب عليهم أثناء المذاكرة 🥳💛

وأكيد منسيناش الجانب الروحاني، أتكلمنا عن نصائح عن المذاكرة وأهميتها وأزاي تشجع نفسك علي المذاكرة ✊

وعشنا أجمل اللحظات وسط العائلة الصفراوية 😍
بندعيلكم ربنا يكرمكم ويوفقكم ويرزقكم اعلي التقديرات 🤲💛

📚
💛
💙

لا.. بس بشياكةمش كل طلب لازم نقول له “أيوه”ومش كل موقف السكوت فيه ذوق.أحيانًا احترامك لنفسك يبدأ من كلمة:“لا”لكن تتقال ب...
13/05/2026

لا.. بس بشياكة

مش كل طلب لازم نقول له “أيوه”
ومش كل موقف السكوت فيه ذوق.

أحيانًا احترامك لنفسك يبدأ من كلمة:
“لا”
لكن تتقال بطريقة مهذبة ولطيفة 💛💫

✔️ “مقدرش دلوقتي”
✔️ “مش مناسب ليا”
✔️ “محتاج أفكر”
✔️ “أعذرني، عندي التزامات”

الرفض بأدب مش قسوة
والموافقة على كل شيء مش طيبة زيادة… أحيانًا بتكون على حساب راحتك ونفسيتك.

اتعلم تقول “لا” بدون شعور بالذنب 🌱

✅
💛
💙

Address

المنشية أمام صيدلية الرحمة/أول شارع موبيليا خالد السمان
Qena

Opening Hours

Monday 2pm - 12am
Tuesday 2pm - 12am
Wednesday 2pm - 12am
Thursday 2pm - 12am
Friday 2pm - 12am
Saturday 2pm - 12am
Sunday 2pm - 12am

Telephone

01010097932

Website

Alerts

Be the first to know and let us send you an email when نشاط المكفوفين و ضعاف البصر رسالة قنا - نهر الخير posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to نشاط المكفوفين و ضعاف البصر رسالة قنا - نهر الخير:

Shortcuts

Share

Category