17/09/2026
🚨🏠 الإيجار التمليكي 2026 | أهم أسئلة طرح الإيجار مع إمكانية التمليك | سؤال وجواب 🏠🚨
📢 بتفكر تقدم في طرح الإيجار مع إمكانية التمليك بعد سنة؟
في البوست ده هتلاقي أهم الأسئلة المتداولة عن الإيجار التمليكي، شروط التقديم، الدخل، مدة الإيجار، التمليك، مقدم الإيجار، كراسة الشروط، والاستلام 👇
━━━━━━━━━━━━━━━━━━
❓ س/ عاوز أقدم في طرح الإيجار مع إمكانية التمليك بعد سنة، لازم يكون سني كام؟
✅ ج/ من 21 سنة إلى 35 سنة.
❓ س/ مين اللي ينفع يقدم في طرح الإيجار التابع لصندوق الإسكان الاجتماعي؟
✅ ج/ المتزوج، والمتزوج ويعول أطفال، والمطلقة، والأرملة سواء تعول أطفال أو لا.
⚠️ بالنسبة للأعزب، لم يتم الإعلان عن التفاصيل من الوزارة حتى الآن.
❓ س/ ينفع أقدم أنا وأخويا وأبويا؟
✅ ج/ أنت وأخوك ينفع، لكن الأب والأبناء لا ينفع التقديم معًا.
❓ س/ إيه الشروط الأساسية للتقديم في الإيجار التمليكي؟
✅ ج/ ألا يكون لديك شقة ملك أو ميراث أو قطعة أرض باسمك أو باسم الزوجة.
❓ س/ هل عدادات الكهرباء أو الغاز أو المياه تمنعني من التقديم؟
✅ ج/ تمنعك إذا كانت مرتبطة بشقة مملوكة لك.
أما إذا كانت الشقة إيجار، فيتم استخراج إفادة من شركة الكهرباء أو الغاز أو المياه توضح صفة التعاقد: إيجار جديد أو إيجار قديم.
❓ س/ هل فيزا المشتريات تمنعني من التقديم؟
✅ ج/ لا تمنع التقديم في طرح الإيجار، لكنها تمنع طلب التمليك بعد سنة وفقًا للمعلومات المتداولة.
❓ س/ أنا واخد قرض وعاوز أقدم، ينفع؟
✅ ج/ تقدر تقدم باسمك أو باسم الزوجة، لكن طلب التمليك لا يتم إلا بعد سداد القرض بالكامل.
❓ س/ أنا مسافر خارج مصر أو زوجي مسافر، ينفع أقدم؟
✅ ج/ لا، لأنه يتم عمل شهادة تحركات، وإذا ثبت وجود المتقدم خارج مصر قد يتم رفض الطلب.
❓ س/ هل في مقدم؟ وبيتدفع فين؟
✅ ج/ نعم، 10 آلاف جنيه قيمة تأمينية لمدة شهرين، ويتم دفعها في البريد المصري.
❓ س/ أشتري كراسة الشروط منين وسعرها كام؟
✅ ج/ يتم شراؤها من بوابة مصر الرقمية، والسعر 365 جنيهًا.
❓ س/ قيمة الإيجار الشهري كام؟
✅ ج/ الإيجار يكون في حدود 25% من دخل المتقدم وإجمالي دخل الأسرة.
❓ س/ الإيجار في المحافظات والمدن الجديدة بيبدأ من كام؟
✅ ج/
🔹 المحافظات: يبدأ من 1500 جنيه.
🔹 المدن الجديدة: يبدأ من 2000 جنيه.
❓ س/ شروط الدخل في المحافظات والمدن الجديدة إيه؟
✅ ج/
🔹 المحافظات: من 6000 إلى 12,000 جنيه إجمالي دخل الأسرة.
🔹 المدن الجديدة: من 8000 إلى 16,000 جنيه إجمالي دخل الأسرة.
━━━━━━━━━━━━━━━━━━
🏠 مدة الإيجار وإمكانية التمليك
❓ س/ مدة الإيجار قد إيه؟ وإمتى أقدر أعمل طلب تمليك؟
✅ ج/ مدة الإيجار 3 سنوات، مع إمكانية التجديد 3 سنوات أخرى وزيادة سنوية 7%.
ويحق لك عمل طلب تمليك بعد سنة من انتظامك في دفع الإيجار.
━━━━━━━━━━━━━━━━━━
🔑 الاستلام هيكون إمتى؟
❓ س/ هل الشقق أقدر أستلمها فوري؟ وإمتى بالظبط ممكن تحسبهالي؟
✅ ج/ هي استلام فوري، بس بتمشي بمراحل.
📌 أول حاجة: مدة شهر إلى شهرين بعد انتهاء التقديم يوم 28/10 لمراجعة الملفات.
📩 بعد كده يتم إرسال رسالة القبول.
🏠 وبعدها بشهر من رسالة التخصيص تقدر تستلم الوحدة.
━━━━━━━━━━━━━━━━━━
🏢 تشطيب الشقق والمساحات والأدوار
❓ س/ هل الشقق متشطبة وفيها أسانسير؟ ومساحتها قد إيه؟ وهل أقدر أختار الدور؟
✅ ج/ الشقق كلها متشطبة وجاهزة للفرش حضرتك.
🏢 العمارة بدون أسانسير.
📐 المساحات متنوعة:
🔹 بداية من 75 متر
🔹 90 متر
🔹 96 متر
🔹 100 متر
وكل مكان بتنزل فيه مساحات مختلفة.
❓ هل أقدر أختار الدور؟
❌ اختيار الدور محدش يقدر يختار الدور، بيبقى عشوائي.
محدش يقدر يتحكم في الدور، أنت ورزقك ❤️
✅ لكن تقدر تختار المساحة والمدينة اللي أنت عايزها.
━━━━━━━━━━━━━━━━━━
📍 شروط التقديم في المدن والمحافظات
❓ س/ إيه شروط أقدم في المدن الجديدة؟
✅ ج/ لازم تكون من أبناء المحافظة أو العاملين بها.
❓ س/ طب المحافظات لازم أكون من أبناء المحافظة أو العاملين بها؟
✅ ج/ لا، مش لازم تكون من أبناء المحافظة أو العاملين بها.
تقدر تقدم في أي مكان لو أنت كنت فين على مستوى جمهورية مصر العربية.
━━━━━━━━━━━━━━━━━━
🎯 هل كل اللي بيقدم بياخد وحدة؟
❓ س/ هل كل اللي بيقدم بياخد لو مطابق للشروط التقديم؟
✅ ج/ الأولوية للأقل دخلًا، وبعد كده الباقي، ثم التخصيص عشوائي حسب الأولويات.
━━━━━━━━━━━━━━━━━━
📄 لو كنت مقدم قبل كده في سكن لكل المصريين
❓ س/ طب أنا كنت مقدم قبل كده في طرح سكن لكل المصريين وكنت طالع خارج الأولوية، ينفع أقدم؟
✅ ج/ آه ينفع تقدم، بس عاوز إيصال الاسترداد لمقدمة جدية الحجز اللي خدتها من البريد المصري.
📌 حتى لو كنت مقدم في كذا إعلان، جيب كل إيصال استرداد من أي إعلان قدمت فيه.
━━━━━━━━━━━━━━━━━━
⚠️ مهم جدًا قبل ما تقدم:
التفاصيل النهائية وشروط التقديم والتمليك تُعتمد وفق الإعلان الرسمي وكراسة الشروط الصادرة عن صندوق الإسكان الاجتماعي ودعم التمويل العقاري.
📌 احفظ البوست عندك للرجوع إليه وقت التقديم.
📲 وابعت البوست لأي حد بيسأل عن الإيجار مع إمكانية التمليك.
