شكاوى الميديا - Media complaints

09/06/2026

انا عندي مشكله مع محل شوروم #

Shoeroom.egypt مراتي اشترت الشنطه دي في رمضان اللي فات ٢٠٢٦ كان عندها مناسبه واتلغت ولم تستخدم نهائي بالتكت بتاعها وورقها جوه الكيس القماش بتاعهم و ومحتفظه بيها

وانا من شهر روحت اشتري لأمي هديه عجبني عندهم جذمه رجالي اشتريتها و لبستها حولي ٣ مرات و امبارح بلبسها لقيتها بالمنظر ده انا مش طفل بكحت في الارض ولا بلعب بيها كوره بخرجها من الجذامه كامله التهويه لقيتها مقشره بوريها لمراتي قامت جري تجيب الشنطه لقيتها مقشره هي كمان مكناش مصدقين اللي بيتكتب عنهم علي الفيس بس كل الناس اللي حذرت منهم عندها حق خامتهم وحشه وخدمه مفيش

تجربتي السوده معاهم انا ومراتي من

امبارح بنكلمهم مش بيردو علي رقمهم اللي كاتبينه علي الفيس قولت اكتبلهم في التعليقات لقيتهم بيمسحو تعليقاتي

المضحك بقا اني قولت اكلمهم كوول علي مسنجر او ابعتلهم يبدلولي الجذمه والشنطه ولا الهوي مش بيردو ولا بيحترمو عميل واخيرا انهارده عملولي بلوك ومسحو كل تعليقاتي من الفيس بدون ما يكلموني ويحلو مشكلتي دخلت اكتب هنا من اكونت ابني عشان امنشنلهم دي قله ادب واحترام منهم انا فلوسي تعبان وشقيان بيها حرام اشتري حاجه ويحصلها كده في أقل من شهرين عشان ده مش براند



Shoeroom



جهاز حماية المستهلك الصفحة الرسمية لجهاز حماية المستهلك بمصر

09/06/2026

السلام عليكم هل من الطبيعي اختي داخله في رجليها ازازه وكان بقالها 3ايام نعرف ممرضه قريبتنا شافتها قالتلها لازم دكتور جراحه يفتحها لأن الأنسجه ملتهبه وفي ورم يعني واضح ان هيا مش كويسه من غير اشاعه ولا حاجه روحنا اقرب حاجه لينا مركز اشجان ولي اسم تاني (عيادات الشامي) الدكتور هناك اسمه نجيب بيبص علي رجليها بيقولها هيا دي بس قولتله يعني اي هيا دي بس دي رجليها ملتهبه قالي طب انزلو اعملو اشاعه نزلنا عملنا اشاعه اصلا مش مبينه اي حاجه بس هو نزلنا نعمل اشاعه عشان لي نسبه ودا اللي فهمتو لما السكرتيره سجلت اسم الاشاعه وجنبها اسمه المهم طلعتلو ب الاشاعه اصلا مبصش عليها قالي تمام هنفتح البنت اللي معاه قالتلي اطلعي ادفعي ٢٥٠جنيه عشان الدكتور يفتحلها رجليها طلعت دفعت الفلوس ونزلت لاقيته عاوزيني اجيبله المشرط وحقنه البنج والغيار اللي هو شاش وقطن من برا مش المفروض الحاجات دي من عندهم نزلت اسال لقيت حقنه البنج الصيدليه اللي هيا تبعهم برضو اسمها اشجان بتقولي ب110 دا غير بقيت الحاجات ف نزلت للبنات وقولتلهم لا شكرا انا مش عاوزه حاجه ورجعولي فلوسي هنا الاسلوب بتاع البنات اتغير خالص واتعاملو معانا ب اسلوب وحش جدا هما من الاول اصلا بيتعاملو ب اسلوب وحش وعمالين يتكلمو علي الناس المريضه ويتريقو كانهم قاعدين في الشارع وبعد كل دا قريبتي اللي كشفت عليها من الاول تبعتني اجيب نفس الغيار وحقنه البنج والمشرط عشان افتحلها رجليها الاقي كل الحجات عامله 100بس يعني كمان الصيدليه بتطلع الحاجه ب اسعار مبالغ فيها عشان تطلع للدكتور نسبه منصحش اي حد يروح هناك بجد معامله مش حلوه وبيهينو المرضي وكل دا احنا دافعين فلوس اومال لو مش دافعين

09/06/2026

مطعم حمزاوي دبان متحمص فالسندوتش

طلبت اوردر من حمزاوي فرع حدائق القبة استلام فرع توتال الرسيت ٦٧٥ج وبعت مخصوص دليفري يستلمه

طلبت سندوتش دبل مشروم ب ٢٣٠ المفروض القطعه بتكون من ١٥٠ل٢٠٠جرام وصلت قطعتين جوه الكيزر الواحده متكملش ٧٠جم حتى ولونها احمر غريب كأنها كراتين بيض وطلبت كمان ٣ عروض كل عرض سندوتشين جايين بنفس الشكل* انا بطلب من فرع مدينة نصر على طول وبيجي كويس *

كلمت الكول سنتر عملت شكوى قالو مدير الفرع هيكلمك كلمني بعدها بساعه مثلا مدير فرع مدينة نصر وقالي ابعتيلي الصور وقولي المشكله عالواتساب وانا هتابع مع مدير الفرع قولتله الاوردر زي مهو متاكش منه اي حاجه ابعتلي حد ياخده وبعتله عالواتساب واستنيت الرد كتير ولما كلمته قالي خلي الاوردر عندك وفلوسه توصلك ومتقلقيش ودي غلطه وكل الكلام ده

الساعه ١٠ ونص بليل كلمني حد قالي انا الحج حمزاوي ودي غلطه فالاوردر والاستاف خد نص يوم جزا وان اللي عمله اتلغبط وحط لحمة العروض ف الساندوتش العادي (وكأن اللي بياكل العروض دي مثلا كلاب مش بني ادمين )

وقعد يحاول يقنعني انه يعمل اوردر جديد بكره ويبعتهولي وانه هيعمله بنفسه انا قولتله مش عايزة اوردر تاني قال لا خلي بس اللي عندك ده كلوه وانا هبعتلك بكره اوردر وكأنك مستلمتيش اوردر النهارده ده اساسا

بعدها فتحنا سندوتش منهم واللي بياكله بيفتح كده بالصدفه ف نص السندوتش لقينها المنظرالمقزز ده دبانه ميته ومتحمصه مع الاكل 🤮

ده غير ان الاكل طعمه يقرف وناشف بطريقه بعتله عالواتساب الصورة وبلغته اني مش عايزةاوردر بكره ويبعتلي حد ياخد الاوردر ده ويبعت فلوسه مفيش اي رد من ساعتها واتصلت بيه مبيردش وكمان رجعت بعت للشخص التاني اللي كلمني مردش ولا موبايل حتى والكول سنتر بيقولو نفس الكلام كل مكالمه ومفيش اي احترام ولا رد من ناحيتهم تماما

انا مكتبتش البوست ده غير بعد محاولات كتير اني اتواصل مع حد فيهم لكن الواضح ان الموضوع مش فارق معاهم تماما

جهاز حماية المستهلك المصري

@حمزاوي

09/06/2026

اقبلي يا ادمن ضرورى عشان اعرف المشكله فين ومين المفروض يتحملها

انا حقنت فيلر واختى حقنت في نفس الوقت مع واحده

الصوره اللي بالطرحه دي اول يوم وانا مروحه بعد ما عملته

والصور الاخيره ده شكل الفيلر وشكل شفايفي دلوقتي

كلمتها قالتلي ان العيب مش منها وان ده تجمع فيلر واشمعنا اختك مجرالهاش زيك قولتلها ملهاش علاقه انتى ايدك مش مظبوطه على اعدادات معينه في شفايف كل الناس واختى اصلا كانت عامله فيلر هى عملت تانى عشان تظبط الشيب بس

انا اول مره اعمل

ف هي دلوقتي قالتلي تعالى هدوبلك الشفه اللي فوق ببلاش وهظبطلك اللي تحت من عندي

لكن هتحقنى نص ميللي وتدفعي حقه وهعملك الشفه اللي فوق تانى بعد ما ندوب بيومين

انا عاوزه اعرف دلوقتى العيب فين ؟؟

انا محطيتش تلج زي ماهى قالتلي ولا شربت سخن ولا ساقع وكنت بحاول اغلب الوقت انام على ضهرى

09/06/2026

يرضي مين ده ياجماعه الميه مقطوعةبقالها 20يوم في المطريه دقهليه شارع الحاجة عائشه ومفيش حد سائل فينا

09/06/2026

عندي شكوي ضرورى جداااا
كنت بشتري اكل من مطعم zad
وسألتهم الحاجه الموجوده زي اللي هتيجي بالظبط قالوا اه تمام ودفعت الفلوس كامله 1665 وكلامهم كان كذب والحاجات اللي جت مفيهاش المتفق عليه والحمام الأرز بتاعه ني ومفيهوش الكبد والاوانص بتاعته وهرسل لكم صوره باللي نشرينه واللي بعتوه لا يمت له بصله وسألت بالأخص علي الرمان والانوار اللي موجود عليه قالولي اه تمام وملاقتش حاجه من دي وباعتين يقولولي بعد ما استلمت الاوردر ودفعت الفلوس انهم مش موجودين ...طب كانوا يقولوا قبل ما اطلب طبعا في فرق كبير من الصور اللي عندهم والحاجات اللي بعتنها ..تجربه محبش حد يجربها وحسبي الله ونعم الوكيل فيهم

09/06/2026

جلسة تجميل تتحول إلى مشاجرة.. ضبط طبيبة بعد واقعة سب داخل مركز بالإسكندرية

شهد أحد مراكز التجميل بمحافظة الإسكندرية واقعة أثارت جدلاً على مواقع التواصل الاجتماعي، بعدما تداول مستخدمون مقطع فيديو تضمن مشادة كلامية حادة بين سيدة وطبيبة داخل المركز.

البداية كانت مع انتشار الفيديو مصحوبًا بادعاءات بتعرض إحدى السيدات للإساءة اللفظية أثناء تواجدها داخل مركز التجميل، الأمر الذي دفع الأجهزة الأمنية إلى فحص الواقعة وكشف ملابساتها.

وبالفحص، تبين أن قسم شرطة أول المنتزه تلقى بلاغًا من سيدة تعمل صيدلانية، أفادت فيه بتضررها من طبيبة تعمل بالمركز ذاته، بسبب حدوث مشادة كلامية بينهما على خلفية خلافات مالية تتعلق بقيمة إحدى جلسات التجميل.

وأكدت التحريات أن الخلاف تطور إلى تبادل كلمات حادة، حيث اتهمت المبلغة الطبيبة بالتعدي عليها بالسب خلال الواقعة.

وعقب تقنين الإجراءات، تمكنت الأجهزة الأمنية من ضبط الطبيبة المشكو في حقها، وبمواجهتها أقرت بحدوث الواقعة على النحو المشار إليه، مرجعة ذلك إلى الخلاف المالي القائم بين الطرفين.

وتم اتخاذ الإجراءات القانونية اللازمة، وإخطار جهات التحقيق لمباشرة أعمالها.

09/06/2026

مستريح اللحمه

اتفقنا على شراء اضحيه للعيد قبل العيد و دفعنا كامل الثمن لمحل الجزاره و الجزار صاحب المحل خد كامل الثمن للعجل و تعهد امامنا بالذبح بعد الصلاه و خلاص و كنا بنمر باستمرار للرؤيه العجل و الامور تماما ذهبنا اول يوم لللذبح و فى نيتنا انها لله خالصه و اكتر شى كان بسطنا اننا هنقدر نوزع بشكل اكبر و اكتر من الخروف و مش بتوع تصوير يعنى لا نريحين ندبح للتصوير و الشو هو الامر كان خالص تماما لوجهه الله اللى حصل قهرنا ووجع قلوبنا الجزار اختفى زوجته بس وقفه هى على درايه بكل شى بس بتنكر مفيش عجول نصب على حوالى 100 شخص وده العدد يخص فتره الصبح بس يعنى على 12 الظهر جه خدته النجده بعد بلاغات و راح قسم المعادى و انكر انه ادى الناس فلوس و اتحول للنيابه و اصر على الانكار و كل كلامه سيبونى اخرج علشان احل المشكله النيابه رفضت و ادته حبس نيابه المعادى و حاليا هو محبوس الجزار ده عنده محل اسمه وكاله الحوت موقعها شارع 10 ب حدائق المعادى ناصب على ناس حاجزه عجل و عجلين و تلاته كمان وواخد من كل الناس كامل التمن و احنا فى وسط الهوليله دى عرفنا انه متعود سنويا يعمل نفس الفيلم الهندى ده انا بكتب دلوقتى علشان احذركم من التعامل معه حفظا على مالكم و اعصابكم الشخص ده غير امين و نصاب بالمعنى الحرفى لكلمه نصاب شهرته ابو ياسين محله اسمه وكاله الحوت و اللى مش مصدقانى يدور على صفحته و يقرا كومنتات الضحايا بعض الضحايا له تم العرض على النيابه بيوم 27 مايو 2026 6 مساء

09/06/2026

09/06/2026

اشتريت كوباية من نون المفروض انها غالية و المفروض انها من بائع كويس الى هو hedyaa store المهم الكوباية بعد ما استنيت ١٠ ايام علشان توصل طلعت فيها عيب انها بتسرب مهما قفلتها و صورتلهم للعيب دا و كان الرد هو انها هنرجعها بس مفيش استبدال تمام و اخسر وقت و شحن تمام بعد ما رجعتها طلبتها من جديد علشان استنى اسبوعين كاملين و ادفع شحن تانى فا تجيلى نفس الكوباية الى مرجعها و كمان مدبيسين الورقة بتاعتها فا دا اسمة نصب و استخفاف بالعميل و مش هسيب حقى