Naadiga Ardayda Soomaaliyeed Ee Masar

19/06/2026

Guddiga madaxa bannaan Ee Doorashada maamulka Naadiga Ardayda Soomaaliyeed Ee Masar wuxuu ogeysiinayaa dhammaan ardayda Soomaaliyeed ee ku nool dalka masar in maanta oo ay taariikhda tahay 19/06/2026 si rasmi ah loo furay diiwaangalinta ardayda codbixiyeyaasha doorashada maamulka Naadiga ee 2026-2027.
Isdiiwaangalinta waxa ay ka bilaabaneysaa xarunta naadiga ardayda Soomaaliyeed maalinta axadda 21/06/2026 saacadda 3:00pm.
Guddiga wuxuu ku boorinayaa ardayda in ay si wanaagsan uga qeybqaataan doorashada.
codkaagu waa mustaqbalkaga.

soco halkaan wax kasta oo doorashda khuseeya.
madaxa bannaan Ee Doorashada maamulka Naadiga Ardayda Soomaaliyeed Ee Masar.

18/06/2026

17/06/2026

HAMBALYO IYO DUCO KU SOCOTA DR. SAYIDELMI MAALIM ALI

Maamulka Naadiga Ardayda Soomaaliyeed ee Masar waxa uu Hambalyo u dirayaa Dr Sayid Elmi Maalim Ali oo uu Wasiirka wasaaradda caafimaadka JFS Dr Ali Haji Adan u soo magacaabay U-qeybsanaha caafimaadka Safaaradda JFS ee Masar si uu udub dhexaad ugu noqdo howlaha baaxadda leh ee la xiriira caafimaadka.

Dr sayid Elmi Maalim Ali oo ah dhaqtar Darajada Master degree waxna ku bartay dalkan Masar waxa uu door muuqda ku leeyahay marwalba Danta-guud iyo Adeegidda Bulshada.

Waxa uu 2017 door hoggaamineed ka soo qaatay sidii loogu gurman lahaa Dadkii ay saameysay aabaarihii ka dhacay dalka gudihiisa isagoo isuxilqaamay in Ardayda iyo jaalliyadda Masar ku nool qeyb weyn ka qaadatay u gurmashadii dadkii ay saameysay abaartu.

Sidoo kale waxaa lagu xusuusan doonaa Doorkii hoggaamineed ee uu ka soo qaatay Doorashada naadiga isaga oo ahaa Guddoomiyaha Guddigii doorashada Naadiga Ardayda 2025-2026.

Dr Sayid Elmi Maalim Ali oo hadda ah Guddoomiyaha Guddiga Xasillinta rugta Naadiga Ardayda Soomaaliyeed ee Masar oo u howl baaxad leh ka qabtay haddana ay meel fiican u marayaan sidii loo hergelin lahaa Rug rasmi ah oo uu Naadigu yeesho waqti dhow inshaa allaah.

Dr Sayid Elmi Maalim Ali, U-qeybsanaha Caafimaadka waxaa ku leenahay Hambalyo masuuliyadda laguu magacaabay waxaa Alle kaaga baryeynaa in uu ku fududeeyo inshaa allaah.

Naadiga Ardayda Soomaaliyeed ee Masar waa ku xusuusnaan Doonaa goorwalba diiwaankiisana waad ku jiri doontaa.

Naadiga Ardayda Soomaaliyeed ee Masar

17/06/2026

📸 Sawirrada Qaybta 2-aad

Kulankii Muhiimka ahaa Ee dhexmaray Wasiirka Caafimaadka iyo Daryeelka Bulshada JFS iyo Ardayda Soomaaliyeed Ee barata Caafimaadka.

Naadiga Ardayda Soomaaliyeed Ee masar.

16/06/2026

Kulanka Soodhawaynta Wasiirka Caafimaadka iyo Daryeelka Bulshada JFS mudane Dr Ali Haji Adan.

Naadiga Ardayda Soomaaliyeed Ee Masar.

16/06/2026

OGAYSIIS

Guddiga Madaxa-bannaan Ee Doorashada maamulka Naadiga Ardayda Soomaaliyeed Ee Masar wuxuu ogeysiinayaa dhammaan musharraxiinta daneenaaya in ay utartamaan xilalka Maamulka Naadiga, in guddiga qabanaayo kulan furan oo lagu dhageysanaayo fikradaha musharraxiinta iyo talooyinkooda ku aaddan doorashada.

Kulanku wuxuu dhici doonaa Khamiista, 18 Juun 2026, saacadda 6:00 PM, wuxuuna ka qabsoomi doonaa Xarunta Naadiga.

Kasoo qaybgal wanaagsan.

Madaxa-bannaan ee Doorashada

16/06/2026

Kulankii Wasiirka Caafimaadka iyo Daryeelka Bulshada JFS.

Maamulka Naadiga Ardayda Soomaaliyeed ee Masar ayaa soo qabanqaabiyey kulan muhiim ah oo dhex maray Wasiirka Caafimaadka iyo Daryeelka Bulshada Jamhuuriyadda Federaalka Soomaaliya, Dr. Cali Xaaji Aadan, iyo ardayda Soomaaliyeed ee barata culuumta caafimaadka dalka Masar.

Munaasabadda waxaa ka soo qayb galay masuuliyiin sare oo uu ugu horreeyo Xildhibaan Yusuf Xayle oo katirsan baarlamaanka 11aad Ee JFS , Safiirka Safaaradda JFS ee Masar Amp Ali abdi awre, aqoonyahanno Soomaaliyeed, iyo ardayda Soomaaliyeed ee dalka Masar.

Kulanka oo ahaa mid si weyn diiradda loogu saaray is-xogwaraysi iyo kuurgalidda caqabadaha haysta ardayda barata culuumta caafimaadka, ayaa waxaa furay Guddoomiyaha Naadiga Ardayda Soomaaliyeed ee Masar, Dr. Mohamed Abukar Mohamud, oo si diirran u soo dhaweeyey Wasiirka Caafimaadka iyo Daryeelka Bulshada, Safiirka JFS ee dalka Masar, masuuliyiintii kale iyo marti-sharaftii ka soo qayb gashay.

Guddoomiyuhu waxa uu hadalkiisa diiradda ku saaray caqabadaha iyo duruufaha ay la kulmaan ardayda Soomaaliyeed ee barata culuumta caafimaadka, isaga oo soo bandhigay baahiyaha jira iyo muhiimadda ay leedahay in xal waara laga gaaro.

Kulanka ayaa lagu falanqeeyey qodobo muhiim ah oo ay ka mid ahaayeen:

♤ Caqabadaha kala duwan ee haysta ardayda Soomaaliyeed ee barata culuumta caafimaadka iyo sidii xal waara looga gaari lahaa.

♤ Duruufaha iyo culaysyada ay la kulmaan bukaannada Soomaaliyeed ee caafimaad-doonka u yimaada dalka Masar, iyo hababka lagu fududeyn karo adeegyada ay u baahan yihiin.

♤ Yaraynta baahida ku qasbaysa muwaadiniinta Soomaaliyeed inay caafimaad u raadsadaan dibadda, iyada oo la xoojinayo tayada iyo tayeynta adeegyada caafimaadka gudaha dalka.

Waxaa sidoo kale madasha lagu soo bandhigay talooyin iyo aragtiyo wax ku ool ah oo ku saabsan sidii aqoonta caafimaadka loogu adeegsan lahaa horumarka bulshada Soomaaliyeed iyo tayeynta adeegyada caafimaadka ee dalka.

Wasiirka Caafimaadka iyo Daryeelka Bulshada JFS, Dr. Cali Xaaji Aadan, ayaa dhankiisa uga mahadceliyey Naadiga Ardayda Soomaaliyeed ee Masar qabanqaabada kulankan muhiimka ah, isaga oo bogaadiyey dadaallada ardayda Soomaaliyeed ee ku aaddan barashada culuumta caafimaadka iyo doorka ay mustaqbalka ka qaadan karaan horumarinta adeegyada caafimaadka dalka.

Sidokale Wasiirka ayaa kadhawaajiyay In Wasaaraddu ka shaqayn doonto xal u helidda caqabadaha la soo bandhigay.

Ugu dambayn, Maamulka Naadiga Ardayda Soomaaliyeed ee Masar waxa uu si gaar ah ugu mahadcelinayaa Wasiirka Caafimaadka iyo Daryeelka Bulshada JFS, Safiirka Safaaradda Jamhuuriyadda Federaalka Soomaaliya ee Masar, dhammaan marti-sharaftii iyo ardaydii kulanka ka soo qayb gashay.

Naadiga Ardayda Soomaaliyeed ee Masar

15/06/2026

Maamulka Naadiga Ardayda Soomaaliyeed ee Masar wuxuu si rasmi ah ugu wareejiyey Guddiga Doorashada 2026–2027 agabkii iyo qalabkii loogu talagalay qabsoomidda doorashada naadiga.

Wareejintan oo dhacday maanta,15/06/2026, waxay qayb ka tahay hubinta in guddigu helo dhammaan agabka lagama maarmaanka u ah gudashada waajibaadkooda si hufan, daahfuran, waafaqsanna xeerarka iyo habraacyada naadiga.

Waxaan u rajaynaynaa Guddiga Doorashada guul iyo in ay si cadaalad ah u gutaan masuuliyadda loo igmaday.

Naadiga Ardayda Soomaaliyeed Ee Masar.

15/06/2026

Maamulka Naadiga Ardayda Soomaaliyeed ayaa soo dhaweyn diirran u sameeyay Ustaad Cabdiraxmaan Kobac oo ka mid ah haldoorka waxbarashada Soomaaliyeed kanaalin weyn ka qaatay kobcinta iyo tayeynta waxbarashada dalka.

Kulanka waxaa ka soo qayb galeen ardayda Soomaaliyeed ee wax ka barata dalka Masar kuwaas oo uga mahadceliyay doorka muuqda ee uu Ustaadku ku leeyahay horumarinta waxbarashada iyo soo saarista jiilal aqoon leh.

waxaa madasha ka hadlay Dr. Cabdirisaaq Muuse Barre oo kamida aqoon yahanka Soomaaliyeed ee masar, xog ogaalna u ah Waxbarashada Dalka Asa goo Inta Badan Dalka Masar Ku qaatey Waxbarashada iyo Madaxa Arrimaha Bulshada Naadiga Eng. Anas Mire kuwaas oo si qoto dheer uga waramay kaalinta Ustaad Kobac ee bulshada.

Kulanka ayaa waxaa soo xiray Guddoomiyaha Naadiga Dr mohamed Abukar Mohamud isagoo si rasmi ah u soo dhaweeyay Ustaadka una duceeyay in Eebbe cimrigiisa caafimaadkiisa iyo waxqabadkiisa ku barakeeyo.

Naadiga Ardayda Soomaaliyeed Ee Masar.

14/06/2026

📢 OGAYSIIS MUHIIM AH 📢

Waxa uu maamulka Naadiga Ardayda Soomaaliyeed ee Masar ku wargelinayaa dhamaan bahda caafimaadka ka barata dalka Masar in maalinta isniinta ah 15-june-2025 marti inoo yahay Wasiirka caafimaadka iyo daryeelka bulshada JFS Dr Ali Haji Adan.

Kulankaa oo noqon doona kulan kala xog-qaadasho, khibrad iweydaarsi iyo isku xeridda dhaqaatiirta soomaaliyeed ee wax ka barata dalka masar iyo wasaaradda caafimaadka iyo daryeelka bulshada JFS

Taariikhda:15-june-2026

Saacadda : 6:00 pm

Location-ka: Nasr City Company Club

Ka soo qeybgal wacan

Naadiga Ardayda Soomaaliyeed ee Masar