Elite for Professional Services

31/10/2024

Fake world, Fake people

30/08/2022

ATTESTING SOMEONEWITH THE TRUTH IS BETTER THAN MAKING THEM HAPPY WITH A LIE🤓

14/03/2022

سيرة ذاتية لايمكن رفضها!

اتخرجت وبدات تدور علي وظيفة وبيتطلب منك الـ CV بتاعتك ومش عارف تكتبها إزاي؟
كل ما تبعت الـ CV بتاعتك محدش بيكلمك؟

أولاً لازم نفهم يعني إيه CV أو سيرة ذاتية:
السيرة الذاتية أو الـ CV (اختصار للكلمة اللاتينية Curriculum Vitae وتعني سيرة الحياة)، هى مستندٌ مفصّل بيوضّح خبرة الفرد الوظيفية ومسيرته الأكاديمية، تعتبر السيرة الذاتية هي حلقة الاتصال الأول بينك وبين صاحب العمل أو المسؤول عن التوظيف، يحتوي الـCV علي معلومات مفصّلة عن تاريخك المهني والأكاديمي، بشكل تفصيلي بيتم تسليط الضوء في السيرة الذاتية على معلومات خاصة بك.

ياتري إيه أهمية السيرة الذاتية؟
-السيرة الذاتية وسيلتك للتعريف عن نفسك بطريقة مهنية وتسويق مهاراتك وخبراتك بين أصحاب العمل.
-هي جواز سفرك الأول للوصول إلى مرحلة المقابلة الشخصية، اللي مش هتقدر من غيرها تحصل على فرصتك سواء في العمل أو التدريب أو غيرها من الفرص.
-وسيلة جيدة تفكرك بكلّ اللي حققته خلال مسيرتك المهنية والأكاديمية.
-تعتبر السيرة الذاتية طريقة مثالية تتعرّف من خلالها على نقاط الضعف في مهاراتك أو مؤهلاتك الأكاديمية يعني وسيلة ممتازة لإنعاش ذاكرتك قبل المقابلة الوظيفية.

أقسام الـ CV:
تتضمّن أغلب السير الذاتية الأقسام التالية:
١)المعلومات الشخصية:الاسم، رقم الهاتف، البريد الإلكتروني، العنوان...الخ.
٢)المؤهلات العلمية:يحتوي القسم دا علي جميع المؤهلات الدراسية اللي حصلت عليها، من شهادات جامعية أو شهادات تدريب مع ذكر أسم الجامعة أو المؤسسة التعليمية وعدد سنوات الدراسة وفق ترتيب زمني تنازلي (من الأحدث إلى الأقدم).
٣)الخبرات العملية:يعني جميع المناصب اللي شغلتها خلال حياتك المهنية ومدتها و ذكر أسم الشركة أو المؤسسة وتحديد تواريخ البدء والانتهاء، وتٌرتّب وفق تسلسل زمني تنازلي. ٤)المهارات:تشمل جميع المهارات اللي عندك مع التركيز على المهارات المرتبطة بالوظيفة.

يعتمد شكل السيرة الذاتية اللي بتستخدمها على خبراتك ومنصبك الحالي، بالإضافة لطبيعة الوظيفة اللي عاوز تقدم فيها، في ٣ أشكال أساسية للسيرة الذاتية لازم تعرفها قبل كتابة سيرتك الذاتية.

أنواع السيرة الذاتية:
1- السيرة الذاتية المبنية على المهارات Skills-based Cv: يعتبر النوع دا من السير الذاتية الأكثر انتشاراً، لإنه بيركز علي أهمّ الخدمات اللي ممكن أنت كمرشح للوظيفة تقدمها لصحاب العمل، و دا بيشمل المهارات المكتسبة في وظائف مشابهة أو المهارات الحياتية، يعتبر النوع دا من السيرة الذاتية مثالي لو كان عندك تاريخ حافل بوظايف كتيرة، لإن هنا هتقدر توضح ازاى ممكن تخدم صاحب العمل بمهاراتك السابقة.
أمتي تستخدم النوع دا من السيرة الذاتية؟
-الأشخاص اللي مكملوش تعليمهم الجامعى.
-الأشخاص اللي معندهمش خبرات سابقة كتير ليها علاقة بالوظيفة اللي بيقدموا فيها.

2- السيرة الذاتية الزمنية Reverse Chronological CV: اسمها بيعبر عنها، بيهتم النوع دا من السيرة الذاتية بكتابة التاريخ الوظيفي لطالب الوظيفة، ابتداءً من الأحدث إلى الأقدم، بيركز علي تطوّر الشخص مع مرور الوقت في مجال أو صناعة معيّنة.
أمتى تستخدم النوع دا من السيرة الذاتية؟
-الأشخاص اللي عندهم إهتمام كبير بالتطور والتقدم في المستوى الوظيفي.
-الأشخاص اللي بيدوروا علي فرصة عمل تشبه وظايفهم السابقة في مجال عندهم خبرة كبيرة فيه.

3- السيرة الذاتية الأكاديمية Academic CV: تعتبر السيرة الذاتية الأكاديمية ملخّص شامل لإنجازات المتقدّم الأكاديمية والمهنية، يحتوي على قائمة للمراجع، درجات الشرف، جوائز، براءات إختراع وغيرها من المعلومات، ولا يجب أن يتجاوز طول السيرة الذاتية الزمنية أو المبنية على المهارات صفحة واحدة، ممكن يوصل طول السيرة الذاتية الأكاديمية إلى عشر صفحات أو أكثر لو كان ضروري.
أمتى تستخدم النوع دا من السيرة الذاتية؟
-الأشخاص اللي عندهم خبرة عالية الحاصلين على شهادة الدكتوراه.
-الأشخاص العاملين في المجالات الأكاديمية زي التعليم العالى، أو مجالات البحث والتطوير.

نصايح لكتابة السيرة الذاتية:
١)كن عملى: يعني اسلوبك يكون مباشر، عملى ومختصر.
٢)خصص سيرتك الذاتية: يعني عدل في سيرتك الذاتية بإنك تضيف المهارات اللي عندك بتتناسب مع الوظيفة اللي بتقدم ليها.
٣)عرف نفسك: متتوقعش من صاحب العمل إنه يربط بين خبرتك ومهاراتك وبين الوظيفة اللي انت جاي تقدم فيها، لازم تكتب دايما فقرة صغيرة في بداية السيرة الذاتية، تعرّف فيها بنفسك وتوضّح بعبارات مختصرة السبب اللي يخليك المرشح الأفضل للوظيفة.
٤)تجنب الفجوات الزمنية: حاول متسبش فراغات وفجوات زمنية وانت بتكتب سيرتك الذاتية علي اد ما تقدر بمعني إنك لو كنت عاطل عن العمل لفتره أو أجلت دراستك حاول تقول الأسباب.
٥)حدث سيرتك الذاتية باستمرار:يعني في كل مرة هتحقق خطوة مهمة علي الصعيد المهني أو الأكاديمي أكتبها فوراً في سيرتك الذاتية قبل ما تنساها.
٦)أنتبه للأخطاء: راجع كتابتك ولو مش متأكد من صحة كتابتك، أستخدام برامج متخصصة زيSpellchecker أو أطلب المساعدة من معارفك.
٧)كن صادق:كذبة صغيرة في سيرتك الذاتية هتكون سبب في رفضك.
٨)استخدم بعض الأرقام: خطوة غاية في الأهمية وبتساعد بشكل كبير في تسويق خبراتك، بدل ما تقول أنّك ساهمت في رفع مبيعات شركتك بس، ممكن تكون دقيق اكتر وتقول إنك ساهمت في رفع مبيعات الشركة بنسبة 70% خلال 6 أشهر.
٩)لاتنسي المظهر الخارجي: خصص وقت في تنسيقها وترتيبها، راعي الشكل العام للسيرة الذاتية، فاستخدام الألوان أو الرسومات أو التصاميم ممكن يخليها صعبة القراءة، لازم تكون واضحة وسهلة القراءة.
١٠)اختار كلماتك بعناية: اكتب على محرك البحث Google المسمي الوظيفي الخاص بيك، وشوف أهم الكلمات المفتاحية المرتبطة بالوظيفة دي، بعد كدا ضيف اللي بيتطابق منها مع خبراتك لسيرتك الذاتية.
١١)حافظ علي النسخة الورقية عند إرسالها:تجنب أنها تطبق وتبوظ، ممكن تستخدم ظرف تحطها فيه، دا بيظهر مدى اهتمامك بالتفاصيل الصغيرة، ودي صفة بيهتم بيها أصحاب العمل.

عشان تقدر تكتب "سيرة ذاتية لا يمكن رفضها" شوف الفيديو دا: https://bit.ly/LKCVWriting

كتابة: آية عادل

#ليرنخانة

18/02/2022

‏"المؤمن يزرع نخلاً، ويخاف أن يثمر شوكاً، والمنافق يزرع شوكاً، ويطلب أن يثمر رطباً. [الفضيل بن عياض].

09/02/2022

🏏

10/01/2022

23/01/2021

Work on you, for you.