دار الإبن الصالح لتحفيظ القرآن الكريم باولادضياء

12/03/2026

رحلة بعد العيد 💥

حبايبنا اللي حابين يطلعوا معانا رحلة بعد العيد ✨
تعالوا سجلوا أسمائكم داخل الكُتّاب دار الإبن الصالح لتحفيظ القرآن الكريم باولادضياء
وقولوا لينا حابين تطلعوها فين السنادي.. علشان احنا محتارين شويتين في موضوع الرحلة😇

علشان احنا متعودين نشاركم الرأي فيها 💙

نلحق نسجل أسمائنا في البداية.. وبعدين نقولكم تكلفتها كام بعد ما نحدد مع بعض نطلعها فين إن شاء الله 🎉💥

ورحلة سعيدة مقدما بعد ما نعيد إن شاء الله 🎈✨

11/03/2026

بيتقمص بسرعة 😳

Mostafa Saleh AL Abdullah
مصطفي صالح من الشخصيات الشابة المحترمة الخلوقة المؤثرة بكل خير في كل اللي حواليه عندنا داخل كُتّاب دار الإبن الصالح لتحفيظ القرآن الكريم باولادضياء..

من يومين كده عمل حادثة بموتسيكل، والحمد لله قدر الله وماشاء فعل إصابته بسيطة وهيتعافي منها بمشيئة الله 🤲

وهو زعلان إنه محدش سأل عليه من زمايله وحبايبه داخل الكُتّاب في المستشفي أو في البيت🏨

وقلنا نسأل عليه احنا قدام كل متابعينا الافاضل وعسي دعاء أحدهم له في هذه الأيام المباركات والعشر الأواخر من الشهر الكريم أن يصيبك فتُشفي بإذن الله 🤲

سلامات يادرش وقدر الله ماشاء فعل 🌹

🌹

09/03/2026

شركاء نجاح من 4️⃣ سنين ✨

من ٤ سنين و٩ شهور و٩ أيام بالظبط ابتدينا👌
شاركوا معانا ناس افاضل في التأسيس 🧱

وناس فضلت، وناس مشت.! ودي سُنة الحياة🥺
وكلهم لازال ليهم عندنا آثر باقي الحمد لله 👣

وأما عن #أبطال قصتنا اليوم ٣ رموز شاركونا الفرحة والحفلة والرحلة واوقات الشدة 🤝
ولا زالوا من ٤ سنين مكملين معانا والحمد لله.!

والناس الافاضل المحترمين دول هما " ابو سليم - - "

ودعواتنا لربنا سبحانه وتعالى بفضل هذه الأيام المباركات من شهر رمضان المبارك 🌙
والتي تقبل علينا أفضل أيامه في العشر الأواخر منه أن يُمدهم بالصحة والعافية والستر الجميل 🤲
وأن يبارك لهم في أبنائهم وذويهم اللهم آمين 💙

ونرجوا منكم لا تنسوهم في دعواتكم 🤲

✨

07/03/2026

26/02/2026

العدد وصل ل ٤٣ متقدم في المسابقة.. وده العدد الأخير إن شاء الله..

وربنا يوفقهم إن شاء الله ويرفعوا راسنا في مدرسة قرآن العربات بإذن الله 🤲
دعواتكم ليهم بالتوفيق 💙

💙
🌱

25/02/2026

في رمضان ‼️

تم بحمد الله التنسيق بالمسابقة السنوية مع الكريم ب العربات - التابعة للأزهر الشريف..

واختيار الاسماء ال٣٤ المشاركين بالمسابقة برغبة منهم في جروب أولياء الأمور علي الواتساب..
بداية من #الجزء الأول حتي #نصف القرآن الكريم، والاجابة علي سائلنا الكريم.. ليه مفيش حد مقدم علي #القرآن بالكامل..

بنقوله إحنا بفضل الله عندنا عدد كبير من الختمه داخل #الدار اللي حافظين القرآن بالكامل..

ولكن ده أسلوب استراتيجي 😅 من المشاركين في اطمئنانهم للفوز بالمستويات اللي اقل من الحفظ الكامل للقرآن الكريم..

المهم دعواتنا ليهم بالتوفيق والسداد للفوز بالمسابقة الرمضانية 🤲 ✨
ويارب #مينسوناش بعد ما يفوزوا 😳

💙
🌱

25/02/2026

عاد وبقوة بتحدي جديد ✨👏

#علي #وامل في السابعة من عمرهم.. في أولي إبتدائي ماشاء الله اللهم بارك 🌱🤲

علي حافظ ٨ أجزاء من القرآن الكريم، وصديقته أمل حافظة ٧ أجزاء..

المرة اللي فاتت ضيقوا عليه أمل وصحبتها في التسميع👊
والنهارده هو لوحده وبقوة عملهم ربكة في تصحيح حفظهم والتعديل عليه 👏

ربنا يحفظهم ويوفق أبنائنا داخل #كُتّابنا للتنافس في الحفظ الكبير والمستمر 🤲

💙
🌱