18/02/2026
رمضان داخل علينا بكرة…
وإحنا قلوبنا مش كاملة زي كل سنة…
في وجع ساكن جوانا واسم مش بيفارق دعاءنا.
لحد دلوقتي مفيش جديد في حالة هبة نشأت
وما زالت في الغيبوبة بعد الحادث…
والأمل بعد ربنا في دعواتكم
وأول رمضان يعدّي وهي مش وسط أهلها ولا ولادها ولا الناس اللي كانت دايمًا معاهم وفي ضهرهم.
واللي موجع أكتر…
إننا رغم تعبنا النفسي
ورغم القلق اللي ما بيفارقناش
لسه بنحاول نكمّل شغل الخير…
لأن الخير عمره ما بيقف
واللي اتعود يساعد الناس ما يعرفش يقف حتى وهو موجوع.
ورغم إن القلب تقيل ومش قادر يفرح
إحنا مكملين في الخير على قد ما نقدر
لأن الخير عمره ما بيقف… وهي نفسها كانت أول واحدة تقول كده.
يمكن ربنا يجعل استمرار الخير ده سبب في شفاها
ويمكن دعوة صادقة في أول رمضان تفتح لها باب نجاة.
قول اسمها بس بينك وبين ربنا.
اللهم بحق أول أيام رمضان
اللهم اشفِ هبة شفاءً لا يغادر سقمًا
اللهم ردّ لها صحتها وعافيتها عاجلًا غير آجل
اللهم اجعل رمضان ده بداية فرجها
واكتب لها رجوع بالسلامة لأهلها وأولادها يا رب.
اللهم آنس وحدتها واشرح صدر أهلها
واكتب لها نجاة وفرحة ترجع بيها لبيتها وأولادها يا رب
متنسوش الدعاء…
